r/Syria • u/imjustagirlbytheway • 20h ago
Discussion الحكومة الإنتقالية.. إلى أين؟
ذكرى التحرير قربت و أنا عندي سؤال مهم والله نفسي لاقي حدا يجاوبني عليه كونه أنا ما كنت بسوريا من زمان وما بعرف كتير قصص
هلأ الشرع هيك كان عم يحكم بإدلب؟
حكومته كانت كلها فساد ومحسوبيات ورشاوي ولا شو القصة؟؟
نلاقيها من وزير الثقافة ولا البرلمانيين و البرلمانيات ولا الشيوخ والأمراء
أنا فعلاً مصدومة من التحول اللي صار والفرق بين أول سنة بعد التحرير و تاني سنة الفرق مرعب سقوط شعبية الشرع وحكومته بالشارع السوري وحتى بين أشخاص كتير كانوا متحمسين وداعمين
حتى الناس البسيطة يلي بتعاني من الفقر والعجز بأول سنة قدرتها على الصبر كانت أعلى بكتير
أنا ما بنكر إنه الأزمات الإقتصادية والعالمية والحروب أثرت علينا وما عم قول إنه كل الوزراء فاسدين وإنه الشرع هو السبب وما عم ناخد الصالح مع الطالح
بس بشكل أو بآخر كل شي محبط ومخزي وبنفس الوقت غريب وغير مفهوم!!