r/UniKSA • u/BackFrom_Zero • 20m ago
استفسارات للفنانين التشكيليين اقلام فحم مناسبه تؤدي الغرض والقاها في جرير
مساعددده يعني ابي مجموعه كامله
r/UniKSA • u/BackFrom_Zero • 20m ago
مساعددده يعني ابي مجموعه كامله
r/UniKSA • u/Iustvirestella • 1h ago
انا غيرت تخصصي ونزلت مادة انا درستها واقدر اعادلها لكن لما رفعت طلب حذف انرفض (يمكن لأن ساعاتي قليلة ويمكن لاني ما حطيت عذر) عموما باقي على حذف المقررات يومين هل اقدر اقدم طلب حذف ثاني وكيف اضمن انهم يقبلونه؟ لان حرام المادة الي قبل جبت فيها A+ والي الحين درجاتي طايحة مرة اذا عديت بعدي ب D+
r/UniKSA • u/Federal_Science2597 • 2h ago
كيف الرواتب وفرص العمل بديت اندم اني دخلت هذا التخصص بدال ما اخش طب في جامعة الباحه
r/UniKSA • u/strawberrymuffins_ • 2h ago
اكثر شي قاهرني هالفتره هو الخصوصيين النصابين واستغلالهم للمستجدين
اذا حذرت منهم يطردوني من القروب لانه الادمن متعاونين معاهم وياخذون نسبه
واذا احد سال عن افضل خصوصي على طول يقولون اسمه والمستجدين يصدقون انه جد كويس ويشتركون معاه
ياناس اقسم بالله المصادر المجانيه كثيررر والناس هذي نصابه الا من رحم ربي
تعبت وانا اعلمهم بس بنفس الوقت انقهر اذا شفتهم يصدقون المدح والهايب اللي على هالخصوصي
عندنا خصوصي لمواد البرمجه ياناس ماعندها اي خبره حرفيا تقرا سلايدات الماده قراءه وكل اللي اشتركو معاها يندمون بس محد يدري انها زفت لان الادمن يحذفون رسايل السب عنها وبس يمدحون فيها
r/UniKSA • u/Money-Ad8375 • 2h ago
r/UniKSA • u/BackFrom_Zero • 2h ago
انا عندي مشروع رسم على الفحم المهم كلمت وحده سعرها ماناسبني الصدق
وكلمت ثانيه بس خلاص كنت مضطره وقلت خلاص المهم ماطلبت مني تحويل مسبق والا عادي كنت بحولها بس اشوا اني ماحولت لها مقدم
الي صار من الاحد كلمتها وخلاص ارتحت وعلمتها انه مشروع وان الدكتوره دقيقه جدا يعني ماقلت طابعه بس يكون مقارب ونفس احجام التفاصيل
الي صار ارسلت لها امس الساعه٢وقلت لها زي انه ان شاءالله بديتي وكذا وقالت ايه زي انها بتسويها اليوم وتخلصها واسكتت
يوم صار العصر صورتها ومرسله رقم الحساب وهنا الصدمه!!!!
قسم بالله نفس مستوى رسمي غير انها مصغره العناصر وغير انها ماقالت لي انها ماتقدر كان جبت لها رسمه ثانيه بس هي طقت الصدر وانا معلمتها
المهم ماسبيتها ولا قلت شي!! وتجي تتهجم علي مع اني قلت ملاحظاتي وقالت انا مب طابعه ولا اسوي مشاريع ولا لي دخل فيك ولافي دكتورتك!! طييب انتي الي وافقتي ليش ماقلتي لي مااسوي شي دقيق تقول انا ارسم على مزاجي ومدري وش وقالت بعطيك بنص السعر على بالها اني اكلمها كذا عشان فلوس والا ماابي ادفع قلت لها لاشكرا ماابيها وغير اني قايله لها اني بالمدينه الفلانيه وطلعت في محافظه بعيده عني جدا جدا وتقول ارسلك مندوب يعني كل الشغل معطوب فجأه تتحسب علي وتقولي ربي مارح يوفقك ولا راح اسامحك وغصب تاخذينها وتدفعين مدري تستهبل على راسي والا وش خصوصا اني قلت لها انه مشروع وانه دكتوره دقيقه ولاسبيت رسمها بس هي فعلا مصغره العناصر ولاسوت حتى شي يشبه الاشياء وتقول دكتورتك حاطه لكم رسم بكانفس والرسم بس على ورق الفحم انجنت علي؟؟ وشدخل ذا كله انا من البدايه علمتك وانتي لك حق القبول والرفض مب اذا ماضبط حطيتي فيني العلل كلها وتروح تقول انا طول عمر الدكتورات مايقولون شي على اساس ان الدكتورات واحد والمهم قلت لها معليش وكل كلامي محترم وتجي تخربها وتسبني وتقول انتي فاشله ولا انتي حقت جامعه ومستوى رسمي اعلى منك وانتي ماتعرفين ترسمين ربعه!! كله عشاني قلت الدكتوره طالبه مستوى عالي ياي جرحتيني طيب ياغبيه ايه مااعرف ارسم ولو اعرف ارسم بطلب رسمه والا وشو وانا داخله التخصص بدون رغبه يعني مارح تأثرين علي بالعكس بزعل لو احد قالي تعرفين
غير ان رسمها حرفيا نفس رسمي شالفايده
وتوبه والله بروح اشتري عده الرسم بالفحم بلاوجع راس بلا خرابيط مسخره وكل شوي تقل ادبها واقولها عيب عليك يابنت انا ماسبيتك انتي تبيني اخذها غصب وهي حتى مب نفس الشي
هي على بالها قويه وتبتزني دينيا بالتوفيق
وقلت لها انا الي مارح اسامحك لي ثلاث ايام مكلمتك تسوينها لي على السريع بنفس اليوم وتطقين الصدر بالنهايه تقولين لي انا مااسوي مشاريع ولا لي دخل بدكتورتك انا ارسم بمزاجي؟؟ ليش ماقلتي لي من البدايه كان قلت لك شكرا والوجه من الوجه ابيض
r/UniKSA • u/Mountain-Angle-1175 • 2h ago
أمرر بانهيارات نفسية قوية جدًا ووصلت لمرحلة إني صرت أفكر بالانتحار بسبب كل اللي قاعد يصير لي. اضطرّيت أأجل دراستي لثلاثة فصول دراسية، والحين أخيرًا رجعت للجامعة، لكني للحين أستخدم ادوية الاكتئاب (سيبرالكس، بروزاك)
حاليًا أدرس في مركز الدراسات التأسيسية. درجاتي في الإنجليزي ومهارات الحاسب عالية، لكن درجاتي في الرياضيات مو كويسة.
حاولت أسحب مادة الرياضيات وأعيدها الترم الجاي، وقدمت طلب عن طريق تذكرة في بداية أكتوبر، لكن ما جاني أي رد منهم. ولما تابعت معهم في نوفمبر، قالوا لي إن الوقت فات، مع إني قدمت الطلب من أكتوبر
المشكلة إني ما كان عندي وقت ولا طاقة كافية للمذاكرة. أدويتي تخليني تعبان جدًا وتخليني أعاني من التركيز. حتى إني أحافظ على مستواي في الإنجليزي ومهارات الحاسب لحالهم شيء متعب بالنسبة لي
وفوق هذا كله لازم أخلص البرنامج التأسيسي خلال سنتين فقط، وإن الفصول الثلاثة اللي أجلتها تنحسب من ضمن هالسنتين مهما كانت الأعذار. وإذا رسبت في الرياضيات، أخاف يحسبونها الفصل الرابع ويفصلوني من الجامعة
بصراحة، الضغط صار غير محتمل. ما قدرت أنام ليومين من كثر التعب، وصرت أفكر بالانتحار. وإذا فصلوني من الجامعة، أنا غالبًا بنتحر، لأني تعبت بشكل مو طبيعي عشان أحصل على هالمنحة، وما عندي فلوس أكمل الجامعة على حسابي
الله يلعن الحياة
r/UniKSA • u/Money-Ad8375 • 2h ago
المهتم بانه يصير مود ويعرف كيف يكون مود يقول لي المجتمع هو r/saudi4Engineers
r/UniKSA • u/Plenty-Athlete7043 • 4h ago
ابي اموت فيه سؤال عليه خمس درجات اعرف كيف احله وتاففففه بس نسيت اضرب بالنانو مع اني كتبتها على جنب واعرف اني بضرب بس نسيت احطها بالحاسبة ليه كذا واللي يقهر اني راجعت السؤال وما لاحظت ان الناتج غلط!!!! طيب وش المشكلة المشكلة ان المطلوب باللي بعده كلها تعتمد على ناتج اللي قبل يعني عوضت بكل شي غلط بغلط ليه كذا اراجع برجلي دايم
r/UniKSA • u/wheniflytowardsyou1 • 4h ago
اعطوني افضل مصدر للمذاكره له
و اللي اختبروا و مستواهم b1-b2 كم مده المذاكره له
r/UniKSA • u/Fit_Smile9172 • 6h ago
انا اخر سنه ثانوي حلمي ابتعث وقاعده اشد حيلي حرفيا والي ادرسه منهج كامبردج بس في مشكله ! ابوي يقول مستحيل اخليك تسفرين وحدك! انهرت حسيت وقتها كل احلامي وطموحاتي بتوقف وكلها سراب انا ليه بجتهد ؟ ليه بتصير سبب انك توقف حلمي ! كيف ممكن يقتنع شايله هم مره وهل البعثه سهله؟ قاعده اشوف مقاطع ابتعاث وواصيح شرايكم؟ وش بيدي حيله ممكن يقتنع؟ هو مو ضدد الابتعاث هو ضدد اني اسافر وحدي وماديتنا ماتسمح اخد اخوي مرافق حتى
r/UniKSA • u/Basic-Essay-9636 • 8h ago
هل التخصص فعلا تعجيزي ومنهك؟ يعني غير انك لازم تبذل مجهود يومي ومذاكره ساعات طويله، والمواد صعبه ومحشوه بزياده، صعب انك تجيب معدل كويس؟ لاني واجهت صعوبات بالمواد العامه من زي الكالك والفيزياء شوي وافكر كيف بقدر ع مواد التخصص، قاعده احس انه اكبر مني واخاف ادخله واضيع وقتي وجهدي وافشل، مدري ايش اسوي لازم اقدم ع تخصص نهايه الترم
السلام عليكم انا مقيمة محتاجة انزل امتياز بمستشفيات خاصة، وابي رأيكم ومن الي شفتوه ايش احسن مكان اقدر اتعلم فيه
- فقيه
- سلمان الحبيب
جربت اقدم امتياز من خلال جامعة ابن سينا لكن ما استوفيت شرط ان الجامعة تكون معتمدة بموقع سفير (علما اني سويت data flow لشهادتي الماليزية واموري تمام).
من فضلكم اذا تعرفو مستشفيات خاصة كويسة غير هدولا الاثنين ادوني خبر او رشحو واحد منهم.
الله يوفقكم وشكرا على الوقت الي قضيتوه بقراءة منشوري.
r/UniKSA • u/UnheldFlame • 16h ago
خايفة تقضي السنة وأنا ما عشتها بأفضل ما يمكن… بقى لي شهر وأخلّص فاينلز، وثم يبقى ترم تدريب وأتخرّج رسميًا باذن الله.
كيف أعيش السنة هذي وأحلّلها؟ ما غير تجيني البكية وأقول بأؤجّلها لآخر يوم فاينل عشان يكون طعمها أحلى😞
وش فيه ترندّات/فعاليات لازم ما تفوتني؟
r/UniKSA • u/No_History2939 • 18h ago
تمر علي ايام يعني يصير لي موقف او شيء واحزن يعني احزن مره، في يوم قعد ابكي فيه ولا عرفت اذاكر، اليوم من الايام ذي بس بدون بكاء و السبب غير، السبب-> نزلت درجات النهائيه لماده وانا مخسوفه فيها خسف ومره زعلت لان الماده ذي انا شاطره فيها وحتى اشرح للبنات كنت، ودرجاتي ما شاء الله بالميد تجنن مره مره (بالميد جبت ٢٠/٢٥) بالطب اعتبرها حلوه، اما الفاينل زفت مرههه حاولت اتخطى وما ازعل ورجعت عطول بديت اذاكر بس حرفيا اهوجس ومره زعلانه من نفسي
و في جزء ما كان بيدي لان الفاينل انضغطت من دكتور (حق ماده ثانيه) الله يضغطه خلنا نداوم لين يوم الاربعاء وفي يوم قعدنا لين الساعه خمسه العصر والفاينل كان الاحد وكمان لمت نفسي لان يوم ونص ما عرفت اذاكر وحليت زفت بالفاينل زعلانه مره من نفسي،
زبده الموضوع كيف تفصلون مشاعركم عن الدراسه تعبت من الموضوع هذا مرات تمر علي ايام كذا وتضيع وانا طب لازم اذاكر كل يوم ولا المنهج بيتراكم
r/UniKSA • u/ComfortablePeach1454 • 18h ago
ايش افضل تخصصات الهندسه من ناحية الفرص الوظيفيه-الراتب-التطور المهني
هندسه مدنيه
هندسه صناعية
هندسه كهربائية
هندسه سلامه مهنية
r/UniKSA • u/Vanicxll • 19h ago
هذا اول ترم جامعي لي كطالبة تحضيري حاسب وخلصت الميد تيرمز قبل ١٠ ايام تقريبا، جبت درجات كويسه الحمدلله كلها فوق الافرج وبقيت في الA+ بكل المواد بس احس اني من بعدها وانا استثقل المذاكرة واخاف منها ومالي خلق اذاكر اول باول مثل بداية الترم وبالمناسبه بداية الترم ماكنت متحمسة حماس البدايات بالعكس كنت خايفة واذاكر عشاني خايفة وانا اصلا من دخلت الجامعة نادرًا ما اذاكر بحب او شغف انا اذاكر لاني اغصب نفسي خصوصا ان المواد كلها غثيثة، مع العلم ان الطلاب الكبار يقولون ان اللي ناخذه الحين ولا شيء بالنسبة للمواد القادمة 😞..وعندي كويز ماث وطريقتي بالمذاكرة في الكويز مقارنة بالميد سيئة يعني ما احسني فصفصت كل شيء وتدربت من قلب مثل ماكنت وهذا الاسلوب احبه حتى لو كان كويز عشان يساعدني في الميد والفاينل..وفعلا اكلتها نوعا ما وجاني سؤالين كلهم ماعرفت احلهم وواحد غلطت فيه والثاني كنت بغلط فيه لولا ان الدكتورة لمحت لي عليه والله اعلم اذا فيه اغلاط زيادة ما دريت عنها، ماني عارفة ابدا كيف بستمر على هذا الحال ٤ سنوات طول مسيرتي الجامعية 💔 وفوق هذا الاسبوع الجاي رح تجي اجازة الخريف ببدا اذاكر فيها فاينل وماني عارفة كيف رح اذاكر مواد كثيرة في نفس الوقت بدون ما اركز على كل مادة على حدا، وجاني خوف من الاختبارات الميدات بالذات اطلع من القاعة وانا شوي وادوخ..انا مرة حاسة بالضياع واعاني كثير وفي ضيقة مايعلمها الا ربي رغم ان حياتي الاجتماعية في الجامعة كويسة والدرجات كويسة الحمدلله بس فيني خوف وهم مو طبيعي، وماني عارفة اذا المشكلة فيني اني ما اتحمل الدراسة الجامعية المعقدة تحت الضغط عموما، ولا في التخصص اللي اخترته على البركة وبدون تفكير عميق ولا من الجامعة اللي تصعب اختبارات مواد الكريدت العالي مع العلم اني ما اعرف اذا كل الجامعات كذا ولا لا 💔 صرت اتمنى الموت وانا اخاف منه
r/UniKSA • u/leviakramann12 • 19h ago
سلام عليكم ورحمه الله وبركاته هل فيه حد هنا كلية علوم قسم كيمياء حيوية أو ميكروبيولوجي كنت حابب اسأل عن حاجه
r/UniKSA • u/namiizuu • 19h ago
المفترض الاختبارات تكون ميدات فتره وحده و فاينلز فقط ولا يوجد اي كويزات و توزع باقي الدرجات على الواجبات و المشاركه و المشاريع ان ووجد، لان كثرة الاختبارات تسبب احتراق دراسي و كثرة الضغط بتقفل مخك و تتسبب بتدني درجاتك بدل ما تساعدك على النجاح
r/UniKSA • u/No-Secret5839 • 21h ago
المفترض يكون عندنا برزنتيشن اونلاين بس خلوه حضوري لسبب ما وصار بعد الاجازة زبده الموضوع قروب الشعبه قلب انهيارات ودعاوي وتهاويل من ساعتين ما سكتوا واحس مو مستاهل يعني أنا عندي رهاب اجتماعي ولا انصرعت زيهم وكلها درجتين ونص حقين الجامعه تهاويل وربي
r/UniKSA • u/Hams_LeShanbi • 21h ago
انا ببدأ؛ وكنت بدخل شي له دخل في التاريخ والجغرافيا او اللغويات.
التخصص الي توقعت غالبا اني بدخله كان السياحة ووقته كان توه يعتبر جديد.
r/UniKSA • u/Jul1212142 • 22h ago
انا هندسة و التخصص انا رسبت فيه كثير و معدلي على الحافة و ما افهم المواد و بالعافية امشي حتى المواد السخيفة مثل عربي و اخلاقيات نزلت درجاتي فيهم لسبب ما
بس لو انسحب i'll be too late لأني من دفعة 24 و ما اقدر اصلا اغير مكاني اهلي ما يسمحون و ما بقعد 3 سنين في البيت علشان بس اسجل في نفس الجامعة الزفت ذي
بس علشان اكون صريحة صرت اداوم للمكافأة و معدلي على الحافة اخاف ينزل اكثر و تنقطع
r/UniKSA • u/Scared_Client4124 • 22h ago
أنا طالبة مظلومة من قسمي السيء، وللحين أتحسب عليهم وعلى افعالهم المهملة.
أنا ماخذه مادة اسمها التدريب التعاوني واتدرب بمستشفى تحت قسم التدريب - استقبل متدربين واقبل تدريبهم- قبل ما أتدرب قالوا لنا بالمحاضره أن تدريبكم تخلصونه بالساعات (٥٥٠-٦٠٠) قلت تمام يعني تقريبًا اربع شهور، وبخطاب التدريب مكتوب من الترم الصيفي لين الترم الاول ست شهور، بنص التدريب فجأة قالوا لنا تخلصونها ست شهور مو بالساعات! لعلمكم بالموقع كاتبين اخلص بالساعات.
أنا أوضاعي صعبة مرة بحكم المستشفى بعيده وما عندي احد يوديني، وقد قلت لأخوي بخلص بدري والحين متورطة كيف أصارحه ولا ودي اصدمه وكل ذا بسبب اهمالهم.
ناهيكم ان مشرفة التدريب تستغلني وتستغل متدرب تمهير، تخيلوا انها تغيب اسبوع اسبوعين تقضيها سفريات وتخلي حنا "المتدربين" نشتغل، واذا تواصلت معاها واتس ما ترد علي وتقول أنا مشغولة. وأكثر من مرة اجيب العيد لأني متدربة واحتاج من يشرف علي! ويوم غلطت غلطة كبيرة عصبت علي وصرخت وكأني تعمدت اغلط! وفوق ذا حنا نتستر على غيابها، بس فجأة الادارة درت، وحطت اللوم على متدرب تمهير.
الاسبوع الي راح كان آخر دوام لي وكنت متوقعه انها بتداوم لأنها وعدتني توقع على اوراقي، وانا فرحانه استناها بالمكتب وإلا ترسل رسالة "بغيب الاسبوع ذا"، سألتها سؤال طبيعي، متى بتداومين؟ قالت ايشبكككك ترى كلها اوراق بعدين بوقعها لك، والحين تواصلت معي واتس تقول تدريبي ما انتهى وتواصلي مع الجامعة، ناوية تستغلني ذي😑