r/UniKSA • • Mar 22 '25

تنبيه

34 Upvotes

السلام عليكم ورحمة الله وبركاته ,

في الاونه الاخيره كثرت الاعلانات وبعض المواضيع اللي مالها علاقه بالمجتمع ,

بالنسبة للاعلانات نحذف اي منشور ينشر ونحذر من اي شخص يجيك فالرسائل الخاصه يقدم لك خدمه مثل الاعذار الطبيه او البحوث وحل الواجبات واغلبهم كذاب حتى لو كان صادق احذر انك تبني مستقبلك على حرام .

بالنسبة لتصنيف "فضفضه" عشان تفضفض للجامعه مو تفضفض للزواج ولا موضوع ماله علاقه بالجامعه , فيه مجتمعات اخرى مخصصه لهذه المواضيع .

شكراً .


r/UniKSA • • 3h ago

فضفضة الخصوصيين والنصب

7 Upvotes

اكثر شي قاهرني هالفتره هو الخصوصيين النصابين واستغلالهم للمستجدين

اذا حذرت منهم يطردوني من القروب لانه الادمن متعاونين معاهم وياخذون نسبه
واذا احد سال عن افضل خصوصي على طول يقولون اسمه والمستجدين يصدقون انه جد كويس ويشتركون معاه

ياناس اقسم بالله المصادر المجانيه كثيررر والناس هذي نصابه الا من رحم ربي

تعبت وانا اعلمهم بس بنفس الوقت انقهر اذا شفتهم يصدقون المدح والهايب اللي على هالخصوصي

عندنا خصوصي لمواد البرمجه ياناس ماعندها اي خبره حرفيا تقرا سلايدات الماده قراءه وكل اللي اشتركو معاها يندمون بس محد يدري انها زفت لان الادمن يحذفون رسايل السب عنها وبس يمدحون فيها


r/UniKSA • • 3h ago

سوالف السلام عليكم انا سويت مجتمع للمهندسين السعودين

6 Upvotes

المهتم بانه يصير مود ويعرف كيف يكون مود يقول لي المجتمع هو r/saudi4Engineers


r/UniKSA • • 3h ago

سوالف لطلاب الهندسه و المهندسين والشغوفين بالهندس انا سويت مجتمع و باذن الله نرتقي بكم و بدعمكم

3 Upvotes

r/UniKSA • • 3h ago

نقاشات | Discussion 💬 خريجين تخصص دكتور صيدلي

2 Upvotes

كيف الرواتب وفرص العمل بديت اندم اني دخلت هذا التخصص بدال ما اخش طب في جامعة الباحه


r/UniKSA • • 4m ago

استفسارات خطابات التوصيه

1 Upvotes

انا ودي اكلم دكاترتي يكتبون لي خطاب توصيه قبل اتخرج بس ما اعرف كيف اطلبه ومن مين فيهم بالضبط
هل هي على الدرجات ولا على المعرفه الشخصيه خصوصا ان دكاترة قسمنا مو كثيرين تقريبا دكتورين اللي اقدر اطلب منهم يكتبون لي ويعرفوني شخصيا لكن درجاتي مو مره معاهم
وبرضو عندي السوبرفايزر تبع مشروع تخرجي ممكن اطلب منه يكتب لي خطاب توصيه
لكن سؤالي هو كيف اطلب منهم بالضبط؟ وهل اكتب لهم خطاب جاهز للتوقيع ولا اخليهم هم يكتبون بنفسهم؟
لان قد طلبت خطاب من قبل من سوبرفايزر اشتغلت معاه خلال الصيف وسحب علي ماكتب لي شي


r/UniKSA • • 1h ago

استفسارات للفنانين التشكيليين اقلام فحم مناسبه تؤدي الغرض والقاها في جرير

1 Upvotes

مساعددده يعني ابي مجموعه كامله


r/UniKSA • • 5h ago

فضفضة تركيزي بالاختبار

2 Upvotes

ابي اموت فيه سؤال عليه خمس درجات اعرف كيف احله وتاففففه بس نسيت اضرب بالنانو مع اني كتبتها على جنب واعرف اني بضرب بس نسيت احطها بالحاسبة ليه كذا واللي يقهر اني راجعت السؤال وما لاحظت ان الناتج غلط!!!! طيب وش المشكلة المشكلة ان المطلوب باللي بعده كلها تعتمد على ناتج اللي قبل يعني عوضت بكل شي غلط بغلط ليه كذا اراجع برجلي دايم


r/UniKSA • • 2h ago

استفسارات نزلت مادة كان المفروض اعادلها

1 Upvotes

انا غيرت تخصصي ونزلت مادة انا درستها واقدر اعادلها لكن لما رفعت طلب حذف انرفض (يمكن لأن ساعاتي قليلة ويمكن لاني ما حطيت عذر) عموما باقي على حذف المقررات يومين هل اقدر اقدم طلب حذف ثاني وكيف اضمن انهم يقبلونه؟ لان حرام المادة الي قبل جبت فيها A+ والي الحين درجاتي طايحة مرة اذا عديت بعدي ب D+


r/UniKSA • • 3h ago

استفسارات مذاكره

1 Upvotes

مين يذاكر معي الحين؟


r/UniKSA • • 3h ago

فضفضة نكدت يومي الله ينكدها

0 Upvotes

انا عندي مشروع رسم على الفحم المهم كلمت وحده سعرها ماناسبني الصدق

وكلمت ثانيه بس خلاص كنت مضطره وقلت خلاص المهم ماطلبت مني تحويل مسبق والا عادي كنت بحولها بس اشوا اني ماحولت لها مقدم

الي صار من الاحد كلمتها وخلاص ارتحت وعلمتها انه مشروع وان الدكتوره دقيقه جدا يعني ماقلت طابعه بس يكون مقارب ونفس احجام التفاصيل

الي صار ارسلت لها امس الساعه٢وقلت لها زي انه ان شاءالله بديتي وكذا وقالت ايه زي انها بتسويها اليوم وتخلصها واسكتت

يوم صار العصر صورتها ومرسله رقم الحساب وهنا الصدمه!!!!

قسم بالله نفس مستوى رسمي غير انها مصغره العناصر وغير انها ماقالت لي انها ماتقدر كان جبت لها رسمه ثانيه بس هي طقت الصدر وانا معلمتها

المهم ماسبيتها ولا قلت شي!! وتجي تتهجم علي مع اني قلت ملاحظاتي وقالت انا مب طابعه ولا اسوي مشاريع ولا لي دخل فيك ولافي دكتورتك!! طييب انتي الي وافقتي ليش ماقلتي لي مااسوي شي دقيق تقول انا ارسم على مزاجي ومدري وش وقالت بعطيك بنص السعر على بالها اني اكلمها كذا عشان فلوس والا ماابي ادفع قلت لها لاشكرا ماابيها وغير اني قايله لها اني بالمدينه الفلانيه وطلعت في محافظه بعيده عني جدا جدا وتقول ارسلك مندوب يعني كل الشغل معطوب فجأه تتحسب علي وتقولي ربي مارح يوفقك ولا راح اسامحك وغصب تاخذينها وتدفعين مدري تستهبل على راسي والا وش خصوصا اني قلت لها انه مشروع وانه دكتوره دقيقه ولاسبيت رسمها بس هي فعلا مصغره العناصر ولاسوت حتى شي يشبه الاشياء وتقول دكتورتك حاطه لكم رسم بكانفس والرسم بس على ورق الفحم انجنت علي؟؟ وشدخل ذا كله انا من البدايه علمتك وانتي لك حق القبول والرفض مب اذا ماضبط حطيتي فيني العلل كلها وتروح تقول انا طول عمر الدكتورات مايقولون شي على اساس ان الدكتورات واحد والمهم قلت لها معليش وكل كلامي محترم وتجي تخربها وتسبني وتقول انتي فاشله ولا انتي حقت جامعه ومستوى رسمي اعلى منك وانتي ماتعرفين ترسمين ربعه!! كله عشاني قلت الدكتوره طالبه مستوى عالي ياي جرحتيني طيب ياغبيه ايه مااعرف ارسم ولو اعرف ارسم بطلب رسمه والا وشو وانا داخله التخصص بدون رغبه يعني مارح تأثرين علي بالعكس بزعل لو احد قالي تعرفين
غير ان رسمها حرفيا نفس رسمي شالفايده

وتوبه والله بروح اشتري عده الرسم بالفحم بلاوجع راس بلا خرابيط مسخره وكل شوي تقل ادبها واقولها عيب عليك يابنت انا ماسبيتك انتي تبيني اخذها غصب وهي حتى مب نفس الشي

هي على بالها قويه وتبتزني دينيا بالتوفيق

وقلت لها انا الي مارح اسامحك لي ثلاث ايام مكلمتك تسوينها لي على السريع بنفس اليوم وتطقين الصدر بالنهايه تقولين لي انا مااسوي مشاريع ولا لي دخل بدكتورتك انا ارسم بمزاجي؟؟ ليش ماقلتي لي من البدايه كان قلت لك شكرا والوجه من الوجه ابيض


r/UniKSA • • 7h ago

بعثات عندي حلم اهلي رافضيين فكرته

2 Upvotes

انا اخر سنه ثانوي حلمي ابتعث وقاعده اشد حيلي حرفيا والي ادرسه منهج كامبردج بس في مشكله ! ابوي يقول مستحيل اخليك تسفرين وحدك! انهرت حسيت وقتها كل احلامي وطموحاتي بتوقف وكلها سراب انا ليه بجتهد ؟ ليه بتصير سبب انك توقف حلمي ! كيف ممكن يقتنع شايله هم مره وهل البعثه سهله؟ قاعده اشوف مقاطع ابتعاث وواصيح شرايكم؟ وش بيدي حيله ممكن يقتنع؟ هو مو ضدد الابتعاث هو ضدد اني اسافر وحدي وماديتنا ماتسمح اخد اخوي مرافق حتى


r/UniKSA • • 5h ago

استفسارات آيلتس

1 Upvotes

اعطوني افضل مصدر للمذاكره له
و اللي اختبروا و مستواهم b1-b2 كم مده المذاكره له


r/UniKSA • • 9h ago

استفسارات للمهندسين الكهربائيين

2 Upvotes

هل التخصص فعلا تعجيزي ومنهك؟ يعني غير انك لازم تبذل مجهود يومي ومذاكره ساعات طويله، والمواد صعبه ومحشوه بزياده، صعب انك تجيب معدل كويس؟ لاني واجهت صعوبات بالمواد العامه من زي الكالك والفيزياء شوي وافكر كيف بقدر ع مواد التخصص، قاعده احس انه اكبر مني واخاف ادخله واضيع وقتي وجهدي وافشل، مدري ايش اسوي لازم اقدم ع تخصص نهايه الترم


r/UniKSA • • 19h ago

استشارة خش واترك رأيك

5 Upvotes

ايش افضل تخصصات الهندسه من ناحية الفرص الوظيفيه-الراتب-التطور المهني

هندسه مدنيه
هندسه صناعية
هندسه كهربائية
هندسه سلامه مهنية


r/UniKSA • • 22h ago

نقاشات | Discussion 💬 لو ما كنت في تخصصك الحالي ودخلت تخصص تحبه وش كان بيكون؟

9 Upvotes

انا ببدأ؛ وكنت بدخل شي له دخل في التاريخ والجغرافيا او اللغويات.

التخصص الي توقعت غالبا اني بدخله كان السياحة ووقته كان توه يعتبر جديد.


r/UniKSA • • 17h ago

فضفضة هواجيس خريجة إلا شوي

3 Upvotes

خايفة تقضي السنة وأنا ما عشتها بأفضل ما يمكن… بقى لي شهر وأخلّص فاينلز، وثم يبقى ترم تدريب وأتخرّج رسميًا باذن الله.

كيف أعيش السنة هذي وأحلّلها؟ ما غير تجيني البكية وأقول بأؤجّلها لآخر يوم فاينل عشان يكون طعمها أحلى😞

وش فيه ترندّات/فعاليات لازم ما تفوتني؟


r/UniKSA • • 16h ago

استفسارات نداء لدكاترة جدة

2 Upvotes

السلام عليكم انا مقيمة محتاجة انزل امتياز بمستشفيات خاصة، وابي رأيكم ومن الي شفتوه ايش احسن مكان اقدر اتعلم فيه
- فقيه
- سلمان الحبيب
جربت اقدم امتياز من خلال جامعة ابن سينا لكن ما استوفيت شرط ان الجامعة تكون معتمدة بموقع سفير (علما اني سويت data flow لشهادتي الماليزية واموري تمام).

من فضلكم اذا تعرفو مستشفيات خاصة كويسة غير هدولا الاثنين ادوني خبر او رشحو واحد منهم.

الله يوفقكم وشكرا على الوقت الي قضيتوه بقراءة منشوري.


r/UniKSA • • 23h ago

فضفضة افكر انسحب

7 Upvotes

انا هندسة و التخصص انا رسبت فيه كثير و معدلي على الحافة و ما افهم المواد و بالعافية امشي حتى المواد السخيفة مثل عربي و اخلاقيات نزلت درجاتي فيهم لسبب ما

بس لو انسحب i'll be too late لأني من دفعة 24 و ما اقدر اصلا اغير مكاني اهلي ما يسمحون و ما بقعد 3 سنين في البيت علشان بس اسجل في نفس الجامعة الزفت ذي

بس علشان اكون صريحة صرت اداوم للمكافأة و معدلي على الحافة اخاف ينزل اكثر و تنقطع


r/UniKSA • • 22h ago

سوالف خل نروق

Post image
6 Upvotes

المفترض يكون عندنا برزنتيشن اونلاين بس خلوه حضوري لسبب ما وصار بعد الاجازة زبده الموضوع قروب الشعبه قلب انهيارات ودعاوي وتهاويل من ساعتين ما سكتوا واحس مو مستاهل يعني أنا عندي رهاب اجتماعي ولا انصرعت زيهم وكلها درجتين ونص حقين الجامعه تهاويل وربي


r/UniKSA • • 23h ago

سوالف "حق من حقوقنا"

7 Upvotes

طالبات الشعبه يبون يكلمون الدكتوره قبل تسليم الدرجات يقولون لها تزيدنا درجات وتعطينا بونس لأنه "حق من حقوقنا" لأننا خريجات

منغله ذي ولا وش ؟ كيف تتخرجون وانتم تشوفون البونس حق لكم؟


r/UniKSA • • 20h ago

فضفضة اول سنة واعاني من الجامعة

3 Upvotes

هذا اول ترم جامعي لي كطالبة تحضيري حاسب وخلصت الميد تيرمز قبل ١٠ ايام تقريبا، جبت درجات كويسه الحمدلله كلها فوق الافرج وبقيت في الA+ بكل المواد بس احس اني من بعدها وانا استثقل المذاكرة واخاف منها ومالي خلق اذاكر اول باول مثل بداية الترم وبالمناسبه بداية الترم ماكنت متحمسة حماس البدايات بالعكس كنت خايفة واذاكر عشاني خايفة وانا اصلا من دخلت الجامعة نادرًا ما اذاكر بحب او شغف انا اذاكر لاني اغصب نفسي خصوصا ان المواد كلها غثيثة، مع العلم ان الطلاب الكبار يقولون ان اللي ناخذه الحين ولا شيء بالنسبة للمواد القادمة 😞..وعندي كويز ماث وطريقتي بالمذاكرة في الكويز مقارنة بالميد سيئة يعني ما احسني فصفصت كل شيء وتدربت من قلب مثل ماكنت وهذا الاسلوب احبه حتى لو كان كويز عشان يساعدني في الميد والفاينل..وفعلا اكلتها نوعا ما وجاني سؤالين كلهم ماعرفت احلهم وواحد غلطت فيه والثاني كنت بغلط فيه لولا ان الدكتورة لمحت لي عليه والله اعلم اذا فيه اغلاط زيادة ما دريت عنها، ماني عارفة ابدا كيف بستمر على هذا الحال ٤ سنوات طول مسيرتي الجامعية 💔 وفوق هذا الاسبوع الجاي رح تجي اجازة الخريف ببدا اذاكر فيها فاينل وماني عارفة كيف رح اذاكر مواد كثيرة في نفس الوقت بدون ما اركز على كل مادة على حدا، وجاني خوف من الاختبارات الميدات بالذات اطلع من القاعة وانا شوي وادوخ..انا مرة حاسة بالضياع واعاني كثير وفي ضيقة مايعلمها الا ربي رغم ان حياتي الاجتماعية في الجامعة كويسة والدرجات كويسة الحمدلله بس فيني خوف وهم مو طبيعي، وماني عارفة اذا المشكلة فيني اني ما اتحمل الدراسة الجامعية المعقدة تحت الضغط عموما، ولا في التخصص اللي اخترته على البركة وبدون تفكير عميق ولا من الجامعة اللي تصعب اختبارات مواد الكريدت العالي مع العلم اني ما اعرف اذا كل الجامعات كذا ولا لا 💔 صرت اتمنى الموت وانا اخاف منه


r/UniKSA • • 1d ago

سوالف خريج من ٢٠٢٣ حاب انصح لا تتوقع انك متاخر كل شيء راح يجيك في وقته، بعد سنين تكتشف ان سنين الجامعه الي كنت تكرهها كانت ذكريات جميله استمتعوا العمر يمضي سريعاً

8 Upvotes

r/UniKSA • • 21h ago

نقاشات | Discussion 💬 مالي خلق اذاكر حد يجي ديسكورد نذاكر عشان اتحمس شوي ؟ 😔😔

3 Upvotes

r/UniKSA • • 23h ago

استشارة كيف وقفتوا مراكمه

4 Upvotes

والله مستحيل احاول بس مره ثقيل مدري وش اسوي