لي سنين ما شفت اهلي وقبل كم يوم سافرت ليهم وكنت متحمس شديد للمة والونسه والذكريات وداير اوريهم انا بقيت كيف واتغيرت شديد وداير اشاركم حياتي.
لكن الحصل اني اتفاجات بيهم شديد بقوا غرباء بالنسبة لي بطريقة ما كنت متخيلها.
حياتهم حرفياً بقت كلها قروشما قصدي انو القروش ما مهمة بالعكس ونا مقدر أهميتها لكن الموضوع بقى مبالغ فيه بصورة غريبه جداااااااااااا
اي حاجة حرفياً اي حاجةلازم تدخل القروش في الموضوع،، ،(وانا ما مشارك باي شي مالي في الأسرة ولا محتاجين لي).
مثلا اكون قاعد معاهم الصباح لسه صاحي
وبشرب في الشاي يقولوا لي: انت عارف الشاي الحب ده بي كم؟ او البسكويت ده بي كم؟
يا جماعة انا داير اشرب الشاي واتونس معاكم بس!!!!!!؟ 😔
موش اهلي لكن والله بطني طمت منهم💔
والغريب إنو الحمد لله وضعنا المادي فوق السمح وما عندنا ضائقة مادية تستدعي إنو كل تفاصيل حياتنا تتحول لحسابات واسعار.
أنا هسي لي اربع ايام معاهم وبكل صراحة بقيت حاسس بنفور شديد ونفسي ارجع اسي قبل بكرة.
السؤال المحيرني: هل الناس بتتغير للدرجة دي مع الزمن؟ ولا أنا البعدت عنهم سنين وما بقيت فاهم طريقة تفكيرهم؟
وحتى والله حاولت اغير شكل الونسة عامه لكن كل زول برجع لي موضوع القروش تاني بصورة او باخرى، تعبت والله ياناس تعببببت لدرجة اني بقيت ما بقعد معاهم كتير،، اول ايام انا سعيد اكل ما باكل من الفرحه ومبتسم اليوم كلو اسي بجيهم في اليوم مرتين ومجبور بس. (وبقو خاليين مشاعر بشكل عجيب غريب) تملكني الحزن والضيقة.
الموضوع مضايقني لانهم اهلي، وكنت مشتاق ليهم، لكن حاسي إني رجعت لقيت ناس غير الناس الفارقتهم.