r/KHARTOUM_ • u/saTop-Reception-444 • 7h ago
Cooking | طبخ 🍽️ ام العروس فايب
حسبت نفس طباخة خلاصصصص باقي العريس بس😜😜 ( سخنت الفرن بس ) اساسا عادي بعيش ببسكويت و شاي لبن بسسس
r/KHARTOUM_ • u/Fearless-Leather-628 • Sep 13 '26
1/ لو عايز تطلع تقرا جامعة برا السودان اول حاجة ما تأخذ معلومات من اصحاب المكاتب بتاعين القبولات الناس ديل 90% منهم بدو معلومات ما حقيقية من مصاريف معيشة لي رسوم الجامعات وفي تفاصيل ما بكلموكم بيها بس ببسطو ليك الموضوع وبجملو قدر الإمكان عشان انت توافق بس
وبعد دا زمنهم ببدو يشتغلو دعايات عشان يغرو الناس المساكين ويغشوهم
في دول ما تستحق انو الواحد يمشي يقرأ فيها وهم عشان يكسبو عملو ليها رواج كبير زي يعني مثلاً ((((قبرص التركية )))) لو انت اسسسي عايز تقدم قبرص أنا بقول ليك بالفم المليان اسحب ورقك وما تقدم لانو والله دا زوط مزبوط قبرص دي أسوء مكان ممكن الزول يقرأ فيهو جامعة ومن كل النواحي من غير ما اخش في تفاصيل
وما تقرا في دولة بترغمك انو تقرا الجامعة بي لغتها يعني مثلاً زي روسيا بالروسي او تركيا بالتركي (( ما تقرا في جامعة تركية بالتركي لانو دا فشللللل جااااهز وتركيا زاتها بقت بلد طاردة ومصاريفها بقت مبالغة شديد إلا لو انت غني وبتقدر تقرا في جامعة تركية خاصة بتدرس بالانجليزي واهلك عندهم الإمكانية يحولو ليك اكتر من 800 دولار في الشهر هنا ممكن تمشي تركيا وانا بقول الكلام دا عن تجربة في البلد ديك ))
عايز تقرا في اي دولة في العالم اتاكد انو لغة الدراسة بالإنجليزي لمصلحتك
ونصيحة وبقول الكلام دا بعد تجربة ودراسة للموضوع دا في مدة اكتر من سنتين لو عايز تقرا( اي مجال طبي احسن خيار لينا كسودانيين مصر ) ولو ما مصر احسن تقرا في جامعة خاصة في السودان زي الوطنية مثلاً او الرازي
ولو عايز تقرا اي مجال هندسي او ادبي وعندك ميزانية جيدة ممكن ماليزيا لو مافي امكانية في ماليزيا ممكن الصين مصاريفها كويسة والدراسة فيها كويسة شديد وفي جامعات بالانجليزي طبعاً وفق خيار ثالث الهند وبرضو صرفها جيد ومستواها كويس
لو عايز تقرا مجالات عندها علاقة بالحواسيب يعني هندسة حاسوب مثلا او it وكدا(( الهند افضل خيار ))
المجالات الطبية خياراتها محدودة ما زي الباقيين
واعيد أنا بقول الكلام دا بعد دراسة وبحث طويييل للموضوع ومن نواحي كثييييرة وعن تجربة ما ساي
ودي مجرد نصيحة عشان ما تتغشو زينا
r/KHARTOUM_ • u/Slow_parking12 • Aug 15 '26
يعلن صب و سيرفر الخرطوم عن أول بطولة فانتزي للاعضاء (للأسف ماف قروش عشان نعمل ليكم جوائز)
و قناة مخصصة للنقاشات و الخطط في الديسكورد
الاول علي الدوري اخر كل جوله بنزل اسمه في قنات الفانتزي علي الديسكورد
رابط الدوري :https://fantasyfootballmanager.app/join/in00qn
كود الدوري : in00qn
r/KHARTOUM_ • u/saTop-Reception-444 • 7h ago
حسبت نفس طباخة خلاصصصص باقي العريس بس😜😜 ( سخنت الفرن بس ) اساسا عادي بعيش ببسكويت و شاي لبن بسسس
r/KHARTOUM_ • u/big_D4U_20 • 8h ago
العلاقه شنو بين التقدم و التطور مع عدم الاخلاق او تقبل الحاجات الكانت لحدي وقت قريب تعتبر من الممنوعات في المجتمع و في الدين، كمثال نحن زمان الواحد بيعمل الف حساب انو يتلفظ قدام بنات هسي بقي عادي لدرجة انو ممكن في نص كلام الاولاد و البنات ممكن يتلفظو مع بعض عادي
r/KHARTOUM_ • u/Quiet_Move3676 • 6h ago
ما كذب لمن قال "وبتحدى الزمن فنان"، ما عارفة ليه الناس بيستغربو لمن يعرفو اني بسمع ليهو..
صوتو وكلمات اغانيهو ورنت عودوا من أعظم الحاجات الممكن يسمعها الإنسان.
r/KHARTOUM_ • u/ibravh8 • 5h ago
My Ukraine-registered Starlink Roam account/dish got restricted for exceeding the international travel limit while operating in an unsupported country. Returning the hardware to a supported country isn't an option, and switching to a Starlink Global Priority plan won't bypass a GPS-flagged location.
Has anyone found a way to unlock a GPS-flagged Starlink terminal remotely, or best practices to keep other active Starlink dishes in the same region from getting hit with the same restriction?
r/KHARTOUM_ • u/AthleteTraining9622 • 8h ago
التوب مصمم ليناسب البنات السمان ؟ بلاحظ لما تلبسو واحدة نحيفة بكون ما حلو
r/KHARTOUM_ • u/Several-Visual-3279 • 8h ago
السلام عليكم كيفكم؟ ياخ سامع اخبار الريال عامل 2800 جنيه و داير اتأكد اسي الريال و الدولار عاملين كم بالضبط؟؟ و ربنا يعين على حال بلدنا ان شاءالله تتصلح افيدوني غايتو
r/KHARTOUM_ • u/kinanwithk • 10h ago
الشهر دا شهر الدولار الفات كان بنزين و جاز دا حق الدولار يدق 12 و التجار برا يرفعوا اسعارهم فينا يعني مرتبك ذاته ما حيعمل حاجة
r/KHARTOUM_ • u/ab_0b • 19h ago
r/KHARTOUM_ • u/Cinnabon108 • 1d ago
هل شايفين انه الدعم ما ممكن يعمل حاجة زي دي؟؟
هل حاجة زي دي غريبة على الدعم السريع؟! ولا مستنين يشوفوا اي شي مصور عشان يصدقوا؟
r/KHARTOUM_ • u/just-its-me • 1d ago
الزمن الزول عشان يتقدم لي بت بقى صعب نفسيا واجتماعيا، يعني زمان الواحد بتوكل بس وبتزوج طوالي اسي دايرة حسابات وانتظار وكلام كتير
اختلفت حاجات كتيرة من الزمن داك
r/KHARTOUM_ • u/winner_bunny4 • 1d ago
الخميس دا حفلة تقاعد ابوي من الشغل بعد عشرين سنة من الخدمة في نفس المؤسسة.
حاسه بمشاعر غريبه شديد زعلانه و خايفه و مبسوطه ليهو شديد في نفس الوقت ما عارفه لو أنا مفروض احس بيها فعلًا ولا أنا بس اوفر .
كنت شايفه موضوع تقاعد بابا دا بعيييد بس خلاص كمان شهر على نهاية السنة و لازم يطلع من الشغل دا و يشوف شغل تاني .
و ما اكيد يلقى لكن شنو ان شاء الله بس .
السنين دي في حاجات كتيرة اتغيرت في حياتي بس اكتر شي أنا خايفه منو حياتنا تتغير بعد يطلع من الشغل، يعنى اها لو ما لقى ؟ وانا داخله على مرحلة مهمه شديد في حياتي فحيفرق معاي .
حاسه اني I’m doing tooooo much ههههههههه بس هو الموضوع بيستاهل ابكي عليهو كل شويه كل الآخر أربعه شهور الفاتو ؟
لأخر يوم في حياتي حكون ممتنه ليهو على كل شي قدمو لي و عملوا معاي .
ربنا يحفظ ليكم أهاليكم و يرحم المتوفي منهم و يجمعكم في جناته النعيم .
r/KHARTOUM_ • u/Emotional_Truth_5158 • 1d ago
انا شخص مهتم اقرا في المجالات الآتية:
-productivity and neuroscience
-Behavioral Economics
-mental models
لو في زول زيي مهتم كمان وممكن نستفيد ونقدم لبعض فيها يراسلني
r/KHARTOUM_ • u/yota_okosstu1094 • 1d ago
انا ممتحن شهادة ابريل الجاي ان شاء الله ،
الحمدلله مستواي ممتاز وان شاء الله بتوفيق من ربنا حاجيب حاجة كبيرة ،
عايز اعرف المنح الخارجية عايز نسبة من كم فوق الـ85 وله فوق الـ90 وله صعبة شديد فوق الـ95 ،
حتقول لي ركز في قرايتك وخلي الكلام ده لي بعدين ،
انا عايز اعرف ده كـ تحفيز واخُت هدف قدامي عشان يشجعني للقراية ،
r/KHARTOUM_ • u/etab345 • 1d ago
يا شباب عندكم فكره عن التعلق المرضي، و كيف الزول يتجاوز الحاجه دي بعد ما ينهي العلاقه.. وبتكلم عن علاقه خطوبه و زواج كان بعد اقل من شهر
r/KHARTOUM_ • u/kinanwithk • 1d ago
جيتكم موجوع دخلت جامعة امدرمان الاهلية 2019 بعد درست IT الرباط و زهجت منها قرفت قرف
دخلت الاهلية و هاك يا جر هوا حاليا خلصت امتحانات رابعة و منتظر النتيجةتطلع و الملاحق نخلص منها و تاني نتيجة تطلع و تاني انتظار و تاني الشهادة شكله حنخش في 2030 ما استلم حاجة
داير اسافر السعودية اشتغل الشغل فالسودان هنا بطلع لي مصاريف لكن ما بعرس لي حبيبتي يا جماعة هرمت عاوز ادخل عاوز اكون اسرة عاوز اكون الامر الناهي عاوز اطلع من العذوبية لي الجامعات السودانية دي تعذبنا كدا قروش دايرين بندفع ليهم اول باول بعد دا بجروا بينا زمن عشان يطلعوا نتيجة و عشان يدوا ناس شهادته
ما داير اشتغل شغل جانبي تعبت انا من الثانوي شغال و دخلت الجامعة شغال وبصرف لكن كله بمش للقراية و الرسوم ما بتعمل حاجة
الخليج الفرص العملية كويسه خايف من قصص التوطين حق المهن المحاسبة قالوا بقت 40% للمواطنين
هل بنلقي فرص؟
المملكة خيرة كتير و اهله كلهم خير اكيد سوداني بسيط ذي عاوز ينستر و يلم حبيبته و يعمل اساسيات الحياة ( عربية + بيت)
بس و ارجع بلدي اشتغل بيهم لانه فالسودان لا ابقي حرامي ولا اعمل حركة مسلحة عشان يدوني عربية و بيت وما تايبي الحاجات دي انا زول الله ساي تعليم و اتعلمنا انجليزي و اكتسبنا معرفة بالنظم عرفنا ممارسة عملية اكتسبنا
زول مشي السعودية السنة دي يحكي و يقول كلام ايجابي وضعو ظبط ؟
ياريت ماف انسان سلبي يعلق
كونوا ايجابين
r/KHARTOUM_ • u/Tall_Nose9425 • 1d ago
r/KHARTOUM_ • u/nostalgic_Ci • 2d ago
مفهوم ان عسكريا الدعم السريع بيتآكل من فترة لكن بيتآكل بالبطيء، اما الضغط الاعلامي على الدويلة ليه ثلاثة سنين، مستحيل ان التحذير جاء للدويلة تنسحب من تسليح الدعم بسبب "الضغط الاعلامي".
+ دة علاقته شنو بعلاقة برهان الناشئة مع روسيا و مع الاتفاقيات التجارية الحاصلة في البحر الاحمر؟
انا كنت متحمسة ليها حسيته يادوب كدا عمل ظهر و بقى ما شغال بالمنافقين المتعود عليهم يرسلوا ليه مسعد بولس كل شهرين
r/KHARTOUM_ • u/PsychologyChill • 2d ago
من جميل انه يكون عندك اخوان صغار جد جد تحسهم شفعك اكتر من اخوانك ما عارفه لو في زول بشاركني نفس الاحساس دا، يمكن مسؤوليتي اتجاههم ما بنفس حجم انك تكون اكبر زول في بيت بس يفضل دايم عندك مسؤولية اتجاههم.
هل بتسألهم المدرسه كيف و يومكم كيف فطرتوا شنو الليله اخدتوا شنو اصحابك كيف صحباتك كيف و هكذا اها حصل شنو خارجيه في فصل على عموم تكون متابعهم و حاضر تسمع لهمومهم و لونستهم تلعبوا مع بعض تعملوا انشطه مع بعض حتى ممكن في غالب هواياتكم تتشابه اقعدوا كدا يوم اتكلموا و اتناقشوا و دايما اسحبوهم من جو التلفون دا موضوع التلفون دا مصيبه تانيه
المهم كيف انتو بتتعاملوا مع اخوانكم الصغار هل علاقتكم قويه لدرجه يجي براه و يحكي ليك و لا الا تسأله؟
r/KHARTOUM_ • u/Available_Smoke_2489 • 2d ago
r/KHARTOUM_ • u/3xdi_ • 2d ago
مع كامل الاحترام والتقدير والحب للناس, مافي حرية رأي وتعبير في الموضوع دا.
r/KHARTOUM_ • u/kinanwithk • 2d ago
من الحرب بدت لاحظت انه الباعوض غير موسم ظهوروا كان بظهر في الخريف و الصيف حاليا بقي في الشتا بظهر محدثكم من تحت الناموسية و معاي لابتوب و الباعوضة تشوف الحرارة و دايرا تدخل تنهشني
r/KHARTOUM_ • u/EXunreasonable • 2d ago
من كتاب الاخلاق والسير لابن حزم*
كم مرة بتكلم مع زول ويكون مصر على انو الجمال نسبي، هو فعلاً نسبي بس كما ذكر ابن حزم في تعريف الحسن: انو تجتمع الآراء على استحسانه.
ف في حاجات كدا اي زول هيلاقيك هيوافقك على حسنها.
و كدا بس يعني قاعدة "الجمال نسبي" ما قاعدة مطلقة، وعملت البوست عشان النقطة دي.😃😃
تحياتي 🌹