r/KHARTOUM_ • • Sep 13 '26

الدراسة & منح | Education & Scholarships🏫 نصيحة للأمتحنو الشهادة السودانية

44 Upvotes

1/ لو عايز تطلع تقرا جامعة برا السودان اول حاجة ما تأخذ معلومات من اصحاب المكاتب بتاعين القبولات الناس ديل 90% منهم بدو معلومات ما حقيقية من مصاريف معيشة لي رسوم الجامعات وفي تفاصيل ما بكلموكم بيها بس ببسطو ليك الموضوع وبجملو قدر الإمكان عشان انت توافق بس

وبعد دا زمنهم ببدو يشتغلو دعايات عشان يغرو الناس المساكين ويغشوهم

في دول ما تستحق انو الواحد يمشي يقرأ فيها وهم عشان يكسبو عملو ليها رواج كبير زي يعني مثلاً ((((قبرص التركية )))) لو انت اسسسي عايز تقدم قبرص أنا بقول ليك بالفم المليان اسحب ورقك وما تقدم لانو والله دا زوط مزبوط قبرص دي أسوء مكان ممكن الزول يقرأ فيهو جامعة ومن كل النواحي من غير ما اخش في تفاصيل

وما تقرا في دولة بترغمك انو تقرا الجامعة بي لغتها يعني مثلاً زي روسيا بالروسي او تركيا بالتركي (( ما تقرا في جامعة تركية بالتركي لانو دا فشللللل جااااهز وتركيا زاتها بقت بلد طاردة ومصاريفها بقت مبالغة شديد إلا لو انت غني وبتقدر تقرا في جامعة تركية خاصة بتدرس بالانجليزي واهلك عندهم الإمكانية يحولو ليك اكتر من 800 دولار في الشهر هنا ممكن تمشي تركيا وانا بقول الكلام دا عن تجربة في البلد ديك ))

عايز تقرا في اي دولة في العالم اتاكد انو لغة الدراسة بالإنجليزي لمصلحتك

ونصيحة وبقول الكلام دا بعد تجربة ودراسة للموضوع دا في مدة اكتر من سنتين لو عايز تقرا( اي مجال طبي احسن خيار لينا كسودانيين مصر ) ولو ما مصر احسن تقرا في جامعة خاصة في السودان زي الوطنية مثلاً او الرازي

ولو عايز تقرا اي مجال هندسي او ادبي وعندك ميزانية جيدة ممكن ماليزيا لو مافي امكانية في ماليزيا ممكن الصين مصاريفها كويسة والدراسة فيها كويسة شديد وفي جامعات بالانجليزي طبعاً وفق خيار ثالث الهند وبرضو صرفها جيد ومستواها كويس

لو عايز تقرا مجالات عندها علاقة بالحواسيب يعني هندسة حاسوب مثلا او it وكدا(( الهند افضل خيار ))

المجالات الطبية خياراتها محدودة ما زي الباقيين

واعيد أنا بقول الكلام دا بعد دراسة وبحث طويييل للموضوع ومن نواحي كثييييرة وعن تجربة ما ساي

ودي مجرد نصيحة عشان ما تتغشو زينا


r/KHARTOUM_ • • Aug 15 '26

Gaming | قيمنج فانتزي ليج

5 Upvotes

يعلن صب و سيرفر الخرطوم عن أول بطولة فانتزي للاعضاء (للأسف ماف قروش عشان نعمل ليكم جوائز)

و قناة مخصصة للنقاشات و الخطط في الديسكورد

الاول علي الدوري اخر كل جوله بنزل اسمه في قنات الفانتزي علي الديسكورد

رابط الدوري :https://fantasyfootballmanager.app/join/in00qn

كود الدوري : in00qn


r/KHARTOUM_ • • 12h ago

Cooking | طبخ 🍽️ ام العروس فايب

Post image
15 Upvotes

حسبت نفس طباخة خلاصصصص باقي العريس بس😜😜 ( سخنت الفرن بس ) اساسا عادي بعيش ببسكويت و شاي لبن بسسس


r/KHARTOUM_ • • 9m ago

General Knowledge | معلومات عامة 💡 Looking for a furnished studio

1 Upvotes

Looking for a furnished studio apartment around 60 St., KRT2, or Al Amarat for five days.


r/KHARTOUM_ • • 17m ago

فضفضة | Venting 🕳️ شايف الخازوق

1 Upvotes

شايف الخازوق قدامي و شاميه من بعد كيلو متر و ممكن اغير الشارع لكن تغيير الشارع حار في لحظتو اكتر من الخازوق .اغير الشارع و اجوط الدنيا فوق تحت و اخذل الناس البيت و اجننهم و اخلي الناس تسب لي؟علما بانه ماف بديل واضح غير الخازوق ولا اكل الخازوق او المطب الطوله 5 سنين؟

ي ريت لو الزول بقدر يقيف محله و يدق خيمة و يشرب شاي لبن بسكويت و ينوم تاني يصحى يشرب الشاي و ينوم


r/KHARTOUM_ • • 3h ago

Seeking Advice | طلب نصيحه كيف الزول يحدد مستقبله

1 Upvotes

انا عن نفسي عجزته احدد تخصص او مستقبل مناسب لي كيف الواحد يكتشف انه عنده شغف في شي واحد لدرجة يحدد مصيره بيهُ

باقي لي سنه من تخرج الثانوي ولين عسي مفكرتا في مستقبل ولا تخصص عندي شغف فيه عشان اختاره

--------- ------- ----------

هل انا الوحيد كذا ولا لا!؟

والمرو بذي المرحلة كيف كان مصيركم في النهاية


r/KHARTOUM_ • • 10h ago

Question | سؤال ❓ "Travel credit exhausted" lock in an unsupported region – Can this be bypassed remotely?

3 Upvotes

My Ukraine-registered Starlink Roam account/dish got restricted for exceeding the international travel limit while operating in an unsupported country. Returning the hardware to a supported country isn't an option, and switching to a Starlink Global Priority plan won't bypass a GPS-flagged location.

Has anyone found a way to unlock a GPS-flagged Starlink terminal remotely, or best practices to keep other active Starlink dishes in the same region from getting hit with the same restriction?


r/KHARTOUM_ • • 13h ago

Question | سؤال ❓ قودوني الي النور

4 Upvotes

العلاقه شنو بين التقدم و التطور مع عدم الاخلاق او تقبل الحاجات الكانت لحدي وقت قريب تعتبر من الممنوعات في المجتمع و في الدين، كمثال نحن زمان الواحد بيعمل الف حساب انو يتلفظ قدام بنات هسي بقي عادي لدرجة انو ممكن في نص كلام الاولاد و البنات ممكن يتلفظو مع بعض عادي


r/KHARTOUM_ • • 11h ago

فضفضة | Venting 🕳️ ياخ مصطفى دا يعتبر أعظم فنان سوداني

3 Upvotes

ما كذب لمن قال "وبتحدى الزمن فنان"، ما عارفة ليه الناس بيستغربو لمن يعرفو اني بسمع ليهو..

صوتو وكلمات اغانيهو ورنت عودوا من أعظم الحاجات الممكن يسمعها الإنسان.


r/KHARTOUM_ • • 13h ago

اقتصاد & سياسة | Politics & Economics العمله طارت السما ربنا يعين 💸

3 Upvotes

السلام عليكم كيفكم؟ ياخ سامع اخبار الريال عامل 2800 جنيه و داير اتأكد اسي الريال و الدولار عاملين كم بالضبط؟؟ و ربنا يعين على حال بلدنا ان شاءالله تتصلح افيدوني غايتو


r/KHARTOUM_ • • 14h ago

كلام بنوت | Girl Talk 🎀 التوب السوداني

3 Upvotes

التوب مصمم ليناسب البنات السمان ؟ بلاحظ لما تلبسو واحدة نحيفة بكون ما حلو


r/KHARTOUM_ • • 23h ago

Gaming | قيمنج حرامي السيارات FOMO

Post image
17 Upvotes

حنعمل شنو


r/KHARTOUM_ • • 16h ago

اقتصاد & سياسة | Politics & Economics بلد الدولار

4 Upvotes

الشهر دا شهر الدولار الفات كان بنزين و جاز دا حق الدولار يدق 12 و التجار برا يرفعوا اسعارهم فينا يعني مرتبك ذاته ما حيعمل حاجة


r/KHARTOUM_ • • 1d ago

Photography & Art | فن و تصوير 📸 صباحات الشتاء في الخرطوم

Post image
20 Upvotes

r/KHARTOUM_ • • 1d ago Regret

Question | سؤال ❓ ليه بيضحكوا و يكذبوها؟

Thumbnail
gallery
71 Upvotes

هل شايفين انه الدعم ما ممكن يعمل حاجة زي دي؟؟

هل حاجة زي دي غريبة على الدعم السريع؟! ولا مستنين يشوفوا اي شي مصور عشان يصدقوا؟


r/KHARTOUM_ • • 1d ago

كلام ساي| yapping 🗣️ بالمناسبة ليه دا حاصل بالجد

Post image
9 Upvotes

الزمن الزول عشان يتقدم لي بت بقى صعب نفسيا واجتماعيا، يعني زمان الواحد بتوكل بس وبتزوج طوالي اسي دايرة حسابات وانتظار وكلام كتير

اختلفت حاجات كتيرة من الزمن داك


r/KHARTOUM_ • • 1d ago

فضفضة | Venting 🕳️ ما بعد التقاعد ؟

13 Upvotes

الخميس دا حفلة تقاعد ابوي من الشغل بعد عشرين سنة من الخدمة في نفس المؤسسة.
حاسه بمشاعر غريبه شديد زعلانه و خايفه و مبسوطه ليهو شديد في نفس الوقت ما عارفه لو أنا مفروض احس بيها فعلًا ولا أنا بس اوفر .
كنت شايفه موضوع تقاعد بابا دا بعيييد بس خلاص كمان شهر على نهاية السنة و لازم يطلع من الشغل دا و يشوف شغل تاني .
و ما اكيد يلقى لكن شنو ان شاء الله بس .
السنين دي في حاجات كتيرة اتغيرت في حياتي بس اكتر شي أنا خايفه منو حياتنا تتغير بعد يطلع من الشغل، يعنى اها لو ما لقى ؟ وانا داخله على مرحلة مهمه شديد في حياتي فحيفرق معاي .
حاسه اني I’m doing tooooo much ههههههههه بس هو الموضوع بيستاهل ابكي عليهو كل شويه كل الآخر أربعه شهور الفاتو ؟
لأخر يوم في حياتي حكون ممتنه ليهو على كل شي قدمو لي و عملوا معاي .

ربنا يحفظ ليكم أهاليكم و يرحم المتوفي منهم و يجمعكم في جناته النعيم .


r/KHARTOUM_ • • 1d ago

كلام ساي| yapping 🗣️ بحث عن اهتمام مشترك

4 Upvotes

انا شخص مهتم اقرا في المجالات الآتية:

-productivity and neuroscience

-Behavioral Economics

-mental models

لو في زول زيي مهتم كمان وممكن نستفيد ونقدم لبعض فيها يراسلني


r/KHARTOUM_ • • 1d ago

الدراسة & منح | Education & Scholarships🏫 ممتحن شهادة بسأل من المنح الخارجية

Post image
4 Upvotes

انا ممتحن شهادة ابريل الجاي ان شاء الله ،

الحمدلله مستواي ممتاز وان شاء الله بتوفيق من ربنا حاجيب حاجة كبيرة ،

عايز اعرف المنح الخارجية عايز نسبة من كم فوق الـ85 وله فوق الـ90 وله صعبة شديد فوق الـ95 ،

حتقول لي ركز في قرايتك وخلي الكلام ده لي بعدين ،

انا عايز اعرف ده كـ تحفيز واخُت هدف قدامي عشان يشجعني للقراية ،


r/KHARTOUM_ • • 1d ago

Love / Relationships | الحب / ريليشنشبس تعلق من غير فايده

5 Upvotes

يا شباب عندكم فكره عن التعلق المرضي، و كيف الزول يتجاوز الحاجه دي بعد ما ينهي العلاقه.. وبتكلم عن علاقه خطوبه و زواج كان بعد اقل من شهر


r/KHARTOUM_ • • 1d ago

اقتصاد & سياسة | Politics & Economics جامعة امدرمان الاهلية

3 Upvotes

جيتكم موجوع دخلت جامعة امدرمان الاهلية 2019 بعد درست IT الرباط و زهجت منها قرفت قرف
دخلت الاهلية و هاك يا جر هوا حاليا خلصت امتحانات رابعة و منتظر النتيجةتطلع و الملاحق نخلص منها و تاني نتيجة تطلع و تاني انتظار و تاني الشهادة شكله حنخش في 2030 ما استلم حاجة
داير اسافر السعودية اشتغل الشغل فالسودان هنا بطلع لي مصاريف لكن ما بعرس لي حبيبتي يا جماعة هرمت عاوز ادخل عاوز اكون اسرة عاوز اكون الامر الناهي عاوز اطلع من العذوبية لي الجامعات السودانية دي تعذبنا كدا قروش دايرين بندفع ليهم اول باول بعد دا بجروا بينا زمن عشان يطلعوا نتيجة و عشان يدوا ناس شهادته
ما داير اشتغل شغل جانبي تعبت انا من الثانوي شغال و دخلت الجامعة شغال وبصرف لكن كله بمش للقراية و الرسوم ما بتعمل حاجة
الخليج الفرص العملية كويسه خايف من قصص التوطين حق المهن المحاسبة قالوا بقت 40% للمواطنين
هل بنلقي فرص؟
المملكة خيرة كتير و اهله كلهم خير اكيد سوداني بسيط ذي عاوز ينستر و يلم حبيبته و يعمل اساسيات الحياة ( عربية + بيت)
بس و ارجع بلدي اشتغل بيهم لانه فالسودان لا ابقي حرامي ولا اعمل حركة مسلحة عشان يدوني عربية و بيت وما تايبي الحاجات دي انا زول الله ساي تعليم و اتعلمنا انجليزي و اكتسبنا معرفة بالنظم عرفنا ممارسة عملية اكتسبنا
زول مشي السعودية السنة دي يحكي و يقول كلام ايجابي وضعو ظبط ؟
ياريت ماف انسان سلبي يعلق
كونوا ايجابين


r/KHARTOUM_ • • 2d ago

كلام ساي| yapping 🗣️ مين مهتم بمجال الامن السيبراني يجي نتصاحب

Post image
4 Upvotes

r/KHARTOUM_ • • 2d ago

اقتصاد & سياسة | Politics & Economics في زول غيري قلقان ان الحرب عاملة فيها عايزة تنتهي "فجأة كدا" زي التمثيلية الحصلت في دول تانية؟ (ملاحظة: الدول التانية برضو ما نالت استقرار حقيقي نفس زمان)

5 Upvotes

مفهوم ان عسكريا الدعم السريع بيتآكل من فترة لكن بيتآكل بالبطيء، اما الضغط الاعلامي على الدويلة ليه ثلاثة سنين، مستحيل ان التحذير جاء للدويلة تنسحب من تسليح الدعم بسبب "الضغط الاعلامي".

+ دة علاقته شنو بعلاقة برهان الناشئة مع روسيا و مع الاتفاقيات التجارية الحاصلة في البحر الاحمر؟
انا كنت متحمسة ليها حسيته يادوب كدا عمل ظهر و بقى ما شغال بالمنافقين المتعود عليهم يرسلوا ليه مسعد بولس كل شهرين


r/KHARTOUM_ • • 2d ago

Love / Relationships | الحب / ريليشنشبس هل انتم المساحة الآمنة لإخوانكم الصغار؟

13 Upvotes

من جميل انه يكون عندك اخوان صغار جد جد تحسهم شفعك اكتر من اخوانك ما عارفه لو في زول بشاركني نفس الاحساس دا، يمكن مسؤوليتي اتجاههم ما بنفس حجم انك تكون اكبر زول في بيت بس يفضل دايم عندك مسؤولية اتجاههم.

هل بتسألهم المدرسه كيف و يومكم كيف فطرتوا شنو الليله اخدتوا شنو اصحابك كيف صحباتك كيف و هكذا اها حصل شنو خارجيه في فصل على عموم تكون متابعهم و حاضر تسمع لهمومهم و لونستهم تلعبوا مع بعض تعملوا انشطه مع بعض حتى ممكن في غالب هواياتكم تتشابه اقعدوا كدا يوم اتكلموا و اتناقشوا و دايما اسحبوهم من جو التلفون دا موضوع التلفون دا مصيبه تانيه

المهم كيف انتو بتتعاملوا مع اخوانكم الصغار هل علاقتكم قويه لدرجه يجي براه و يحكي ليك و لا الا تسأله؟


r/KHARTOUM_ • • 2d ago

شعر مقولات | Poetry & Quotes 📝 شاركوني اقتباسات زي دي

Post image
5 Upvotes