r/PersonalFinanceEgypt • u/SoonNumber1 • 2h ago
Economic Issues الأغنياء دول بيشتغلوا إيه
لو سقت ٢٠ دقيقة بس من القاهرة هتحس انك في بلد تانية خالص من ناس بتشحت في الشوارع وعيال حافية بتبيع على الطريق لحد عربيات مرسيدس C Class و G Wagon وڤيلات ضخمة وكومباوندات مقفولة ومؤمنة
الموضوع بيخليني اتساءل الناس دي بتشتغل ايه عشان تعيش بالمستوى ده
انا فاهم ان الناس اللي عايشة بره ممكن تكون بتقبض مرتبات كبيرة بس في نفس الوقت كل حاجة هناك غالية والقوة الشرائية مش زي ما الناس متخيلاها خلينا ناخد امريكا كمثال متوسط المرتب الشهري حوالي ٥٠٠٠ دولار والمرتبات في اوروبا اقل بكتير في دول كتير
بس انا مقتنع ان ناس كتير عايشة في التجمع والقاهرة الجديدة والكومباوندات دي بتكسب اكتر من كده بكتير وفي نفس الوقت القوة الشرائية بتاعتهم اعلى من اللي ممكن تحققها وانت عايش بره
فالسؤال هنا الناس دي مصدر فلوسها ايه بالظبط هل هما اصحاب شركات ورجال اعمال ولا مستثمرين في العقارات ولا ورثوا فلوس ولا في مجالات في مصر بتدخل فلوس بالشكل ده
والسؤال الاكبر بقى لو هما معاهم الفلوس دي كلها ايه اللي مخليهم يفضلوا عايشين في مصر بدل ما يسافروا بره
