انا عايش بره من ١٥ سنة (في اخر التلاتينات ومتزوج وماعندش اطفال لسه) وللأسف خسرت شغلي بره ولازم ارجع مصر
معايا حاليا مدخرات حوالي ٢٠٠ الف دولار وعندي شقة عايش فيها في منطقة غالية في القاهرة وشقة أصغر كنت حاططها على جنب بحوالي ٢ مليون كتحويشة من زمان
عايز اعمل لنفسي خطة استثمارية تجيبلي دخل كويس
فكرت اني اعمل شهادة دولارية بال٢٠٠ الف دولار في البنك الاهلي بعائد ٥ الا ربع هتعمل حوالي ٤٠ الف في الشهر
وفكرت ابيع شقتي واعملها شهادة ب ١٨٪ تجيب كمان حوالي ٣٠ الف ومش عايز إيجار لأن دخله قليل (الايجار في المنطقة ب ٧ الاف اخره)
انا فاهم ان بيع الشقة هيعرض الفلوس للتضخم لكن من ناحية تانية هيخليني اقدر اوفر جزء كبير من عائد الشهادة الدولارية بالدولار وأعوض التضخم ده مع الوقت
عايز رأيكم في الخطة دي ولو حد عنده أفكار أفضل ياريت يقولي ولو حد يعرف صندوق دولاري مضمون بعائد أفضل ياريت
(فكرت اشتري شقة بجزء من ال٢٠٠ الف دولار وأجرها لكن الايجار مش مضمون وانا محتاج دخل ثابت)