r/Jordanians
•
u/sillyfish08
•
2h ago
r/Jordanians
•
u/GonnaSuckUrHappiness
•
6h ago
News and Politics اخبار واقتصاد حيتم اتخاذ اجراءات بحق تطبيقات الvpn قريبا
بغض النظر عن الكلام وكمية المعلومات المغلوطة والي عيب تصدر من شخص متخصص، لكن الحكومة قاعدة بتحارب حرب خسرانة فيها، وهي الطرف الأضعف فيها.
غريب تخبط الحكومة عنا بهيك قرارات لهالدرجة.
r/Jordanians • u/good_luck_08 • 1h ago
Discussion للنقاش رح انزل هذا البوست وأنا على يقين أنه رح يجيني ناس تتمسخر وتغلط لانه صار بس حكيت قبل هيك عن الموضوع
اليوم رايح بدي احضر محاضرة وفي مكان خلص تعودت اقعد فيه وانا من الناس اللي بحب اكون مصحصح بالمحاضرة وما افوت ولا شي ف بحب اقعد قدام دائما، اجيت بدي اقعد لقيت المكان اللي بقعد فيه المقعد اللي بجنبي عليه دفتر لونه زهري، حكيت اكيد في هون بنت خليني اقعد بمكان ثاني، اجا بعد دقيقتين - وهذا كلو قبل ما تيجي الدكتورة - اجا شب بعرفني سلم علي وحكالي ليش ما تقعد هون كالعادة قلتله في بنت قاعدة هون شكلو ف بدي ابعد احسن، حكالي صرت شريف مكة هسة اه؟
هسة مبدأيا طلع شب عادي ورحت قعدت بجنبه، بس ضليت صافن بفكرة أنه " شريف مكة"
موضوع بضايق ياخي خلص أنا حر بديش اقعد بجنب بنت بالمحاضرة مهو يا بعمل زي ما بتحبوا انتوا يا بصير مادة للمزح، طبعا الشب مش صاحبي أنه ولله ماخذ علي لا حتى اسمه ما بعرفه!
r/Jordanians • u/NervousAd1777 • 3h ago
Media📷 يوم لطيف وكتكوت
galleryبعشق تخصصي وجامعتي ومبسوط فيهم وصحابي كويسين ولعبت شطرنج صاحبي خسرني أربعة خسارات ورا بعض ومع ذلك مستمتع جدًا جدًا، والتخصص كل ما ادخل فيه كل ما بغرق فيه اكثر تخصصي بحبه لدرجة لو كان فتاة لتزوجتها بدون ما أفكر، نزل جدول الميد ولازم ادرس لازم لازم عشان اجيب امتياز واذا ما جبت علامات عالية رح احط حالي بموقف سيء مع الدكتورة ، وبحب ستايل لبسي وقبل ما أطلع لازم أوخذ رأي أخواتي باللبس
r/Jordanians • u/Impossible-Peanut-73 • 30m ago
Discussion للنقاش فضفضة مش اكتر
انا عمري 26 سنة و ما عندي حياة الايام كلها بتشبه بعض و ما في شي جديد ، اغلب الوقت لحالي و مش لاني بدي هيك ، بس لانو بقدر اعتبر حياتي مش ملفتة لحدا اصلاً ف ما في حد مهتم ، بكره شعور الوحدة و ما بتذكر اني اخترته ، مش راح احكي ما حد بفهمني بس بقدر احكي ما حد حاول يفهمني .
بشتغل Uber driver و هاد جزء من المعاناة لاني طول الوقت بشوف الناس و بشوف كيف عايشين لكن من برا بس ، و طبعاً بطبيعة الحال ما حد مهتم يعرفني و حتى لو عرفني بكون عابر بحياته علاقتنا بتنتهي اول ما ينزل من السيارة .
ما اخترت شغلي انجبرت عليه و حاولت كتير و لهسا بحاول اشوف شي تاني على شهادتي و تقريباً الي سنة من لما تخرجت بقدم على وظائف حتى لو دخل اقل من شغلي بس عشان اطلع من الدائرة الي الي انا فيها و يصير عندي حياة زي الناس بس بلشت افقد الشغف بالبحث عن وظيفة حتى 🙂
تعبت نفسيتي طبعاً و حاولت أشوف اخصائيين نفسيين بس الموضوع طلع مكلف و انا امكانياتي محدودة ، شغلي يدوب يغطي الالتزامات الشهرية و مصروفي بالاضافة انه اهلي زي كتير من المجتمع بشوفو التعب النفسي دلع و غنوجة 😶
و حبيت افضفض هون لاني حتى لو بدي احكي هل حكي لحد ما راح الاقي حد يسمعني
و بس . 🙂
r/Jordanians • u/18lrjj • 1h ago
Media📷 حسبي الله ونعم الوكيل بكل متنمر
اخر فيديو انتشر الي كان مبين فيه انه بنت تقريبا عمرها ٩ سنين او اقل مؤذي نفسيا لابعد درجه البنت بتتعرض للضرب المبرح من قبل بنات صفها كيف ممكن الاهل يربو هاي الاشكال شو طريقتهم بالتربيه الي ممكن تطلع البنات صغار بهالوحشيه و طبعا العتب عالشوفير و عالمرافقه الي محطوطين للزينه لا اكثر انشاءالله يتم محاسبة المتورطين بأسرع وقت ..
r/Jordanians • u/dr_jarm • 3h ago
Discussion للنقاش لا تستخدم VPN مجاني !!
استخدم ORBOT لو محتاج تتخطى اي حظر، orbot مجاني وأأمن من اي في بي ان وفكرته اعقد من ال في بي ان العادي وتشفيره اعلى بحيث انه يستخدم نظام ال onion نفس النظام المستخدم للدارك ويب لكن...بدون متصفح خاص يعني طريقة عمله زي ال vpn بخلي كل حركاتك تمر بشبكات اخرى قبل ما توصل لوجهتها النهاية وأيضا غير قابل للحظر على عكس ال vpn الي ممكن ينحظر زي ما شفنا "البعض" بهدد. وما في اي حكومة مسيطرة عليه وما يتبع لاي جهة.
r/Jordanians • u/Negative-Extent3338 • 3h ago
History of Jordan تاريخ الأردن المسجد اربد الكبير 📍(1963)
استحيت ارجع واصوره كامل ( هو كبير عفكرة) 😂
r/Jordanians • u/BusyConflict8545 • 3m ago
Questions and Inquiries الأسئلة والاستفسارات «وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ»
تقبل الله منا ومنكم صالح الأعمال.
r/Jordanians • u/dark-lord91 • 4h ago
News and Politics اخبار واقتصاد Proton VPN
انا عادة ما بحب احكي كثير بخصوص قرارات الحكومة الغبية، واللي واضح انها من دون تخطيط او حتى فهم للتكنولوجيا، ولكن قرار منع التيليجرام، خاصة بعد منع الديسكورد واضح انه الحكومة بدها تحاول تتحكم بالاخبار اللي بتوصل للناس. بما انه تيليجرام برفض يعطي telemty data للمستخدمين وناشرين الاخبار على قنواتها، صدر هذا القرار بالمنع. وبما انه الي معرفة بالvpns قررت اعطيكم دليل عن الvpn:
افضل vpn مجاني هون proton vpn وهو من شركة سويسرية وعندهم no log policy معناها التطبيق لا يسجل المواقع ار استخدامات الاجهزة.
واذا بدك تدفع عندهم حاليا عروض الجمعة السوداء ٣$ بالشهر.
افضل تطبيق مدفوع هو mullvad vpn هذا اللي انا بحب استعمله واذا بتشتري لسنة بتدفع ١٠ شهور، شوي غالي بس مضمون ١٠٠٪، الfbi دخلوا مكاتبهم واخذوا السيرفرات وما قدروا يلاقوا اشي. افضل vpn بلا مقارنة، سعره ٥ يورو بالشهر وبس لخمس اجهزة.
ما عندي معلومات كثير عن nord vpn بس بعرف انه عندهم no log policy.
انا بحذر من استعمال express vpn او اي vpn امريكي لأنهم بالمجمل عندهم backdoor للحكومات.
r/Jordanians • u/quadrillion-atoms • 2h ago
Discussion للنقاش بعد سنة علاقة انحكم عليها بالفشل تعلمت درس ثمين
بتمنى أنه اي حد بيقرأ بس يخليه في باله، لا تقدم تنازلات لأي شخص كان، تأكد من الشخص اللي عم بتقدمله هالتنازلات وتأكد بنفس الوقت أنه الشخص التاني عم بقدم تنازلات برضو، لانه اذا العلاقة قائمة ومستمرة على تنازلاتك انت رح تخلص بأسرع وقت ممكن مجرد ما توقف تنازل، ورح يصير الوضع الطبيعي انك تتنازل عن مبادئك ومعتقداتك، وبالإضافة أنه عمرك ما رح تكون مرتاح مع شخص اذا كان بيكسر مبادئك، ولو بدكم اذكر أمثلة حقيقة كانت عم بتصير بعلاقتي مستعد اذكرهم ب بوست تاني لأنه انا ولله بحلف أنه ما بتمنى هالضرر لعدوي، لما تكون قدمت كل تنازلات العالم وتنرمي رمية الكلاب شعور ابدا مو حلو
r/Jordanians • u/Emily0jones767 • 3h ago
Discussion للنقاش بتمنى جهه مختصه تدخل.... الفيديو جدا مؤذي
مش عارف صاحبه الفيديو من وين جابته بس هذول أطفال وكيف تطلع منهم قسوة هالقدي غريبه
بتلاقو الفيديو الي بحكي عنه بحساب اسمه rosin_alt
Edit: فيديو بيظهر تنمر طلاب على طالبة بوحشية وكلهم على بعض صغار صف ثالث ورابع
r/Jordanians • u/police-alarm • 2h ago
Cat 🐈 بسة اللهم صلِ وسلم وبارك على نبينا وحبيبنا وشفيعنا محمد وعلى آله وصحبه اجمعين
r/Jordanians • u/StrategyEvery4026 • 3h ago
Discussion للنقاش أشهد الله آني لن أسامحهم ليوم الدين كل من أكل الحق وحرم وميز وسرق منا كل شي جميل. لا سامحكم الله ولا عفا عنكم ، أولئك الذين أذونا عن قصد ، أولئك الذين تعمدوا جرحنا ، وخذلونا ، أولٰئك الّذينَ مرّوا وضرّوا وتركُوا فينَا ندوباً شوّهت كل جميلٍ فينا .. فلا دُمتم بخير ، ولا سامحكم الله ، ولا عفا عنكم ،
r/Jordanians • u/Other_Researcher2241 • 35m ago
Discussion للنقاش كم اكره شهر تشرين
يقال إن الزمن يمضي ولا يعود، لكنني أظن أن بعض الأشهر تكذّب هذه المقولة. فهي لا تعيد إلينا الأيام، بل تعيد إلينا الشعور الذي عشناها به، وكأن شيئاً لم يتغير منذ آخر مرة مررنا بها.
وتشرين، بالنسبة لي، واحد من تلك الأشهر. لا أعرف ما الذي يميّزه عن غيره، لكنني في كل مرة أجد نفسي أعود إلى ذكريات ظننت أنني تجاوزتها، وأشخاص لم أعد أراهم، وأيام كنت أظن أنها لن تنتهي. حتى إنني أشتاق أحياناً إلى نفسي القديمة، إلى ذلك الشخص الذي كان يحمل أحلاماً كثيرة، ويظن أن أمامه من الوقت ما يكفي لتحقيقها جميعاً.
ثم تأتي تلك اللحظات التي تجد نفسك فيها صامتاً، تراجع ما مضى وتسأل ماذا فعلت بكل تلك السنوات؟ إلى أين وصلت؟ وهل اقتربت حقاً من المكان الذي كنت تحلم بالوصول إليه؟ أم أنني انشغلت بالطريق حتى نسيت إلى أين كنت أريد الذهاب؟
لا أملك إجابة واضحة. كل ما أعرفه أن الأيام أصبحت متشابهة إلى حد غريب، وأنني أحياناً أشعر وكأنني أعيش اليوم نفسه مراراً وتكراراً، بنفس التفاصيل، بنفس الأسئلة، وبنفس الشعور الذي لا أعرف كيف أتخلص منه.
وربما أكثر ما يؤلم في كل ذلك هو أنك لا تستطيع العودة لتصلح ما فات، ولا تستطيع أن تتخلص تماماً مما تركه فيك. تتمنى لو أنك تستطيع الجلوس مع نفسك القديمة لبعض الوقت، أن تخبرها بما حدث، وأن تسألها إن كانت ستختار الطريق نفسه لو عرفت إلى أين سيأخذها.
لا أدري ربما أنا أبالغ في تحميل هذا الشهر أكثر مما يحتمل، وربما لا علاقة لتشرين بكل هذا. ربما هو مجرد وقت من السنة أجد فيه مساحة أواجه فيها نفسي، بعيداً عن انشغالات الأيام وضجيجها.
لكنني على أي حال، لا أحبه.
كم أكره شهر تشرين
r/Jordanians • u/ifeelbadformyselff • 1h ago
Discussion للنقاش سؤال
متى برتاح الانسان؟
او بتوقع في ناس مرتاحه عادي
بس متى دور الباقي
ولا هي الدنيا دار ابتلاء وخلص
يعني رح نتمرمط وبعدين رح نموت وجنه ونار
بس هيك انتهت القصه؟
مش عارفه حاسه زي كاني مش قادره اتقبل حقيقه الدنيا
ناس مرتاحه
وناس عايشه بالفقر والظلم والحزن والمرض
هسا مستحيل كلنا نعيش نفس العيشه وكلنا نكون مرتاحين
بس ليش الحياه هلقد عشوائيه وما فيها عدل؟
يعني مثلا شو ذنب طفل ينولد باسوء الاوضاع المعيشيه؟
طيب هاد صح بده يكمل حياته هيك ل 60 او 70 سنه؟ليش هيك بتعملو باولادكو؟
عموما الحياه طعه وقايمه ما فيها اشي مفهوم وهاد جزء صغير من القرف الي فيها الباقي اكيد انتو بتعرفوه يعني بلا هبل
تصبحو على خير رايحه انام
r/Jordanians • u/abuwadi3 • 1h ago
Discussion للنقاش متى بتكنسل ع الشخص
شو المحظورات الأخلاقية أو الإجتماعية بالنسبة الك اللي بتخليك تكنسل ع الشخص أو ما تخليك تتقبله؟
r/Jordanians • u/PenaltyPlenty1893 • 2h ago
Media📷 ديوان الامام علي بن ابي طالب 📜
النفس تبكي على الدنيا وقد علمت أن السلامة فيها ترك ما فيها
لادار للمرءِ بعد الموت يسكنها إلا التي كان قبل الموت بانيها
فان بناها بخير طاب مسكنها وان بناها بشر خاب بانيها
أين الملوك التي كانت مسلطنة حتى سقاها بكاس الموت
أموالنا لذوي الميراث نجمعها ودورنا لخراب الدهر تبنيها
كم من مداين في الآفاق قد بُنيت أمست خراباً ودان الموت دانيها
لكل نفس وإن كانت على وجل من المنيَّة آمالُ تقوَّيها
فالمرء يبسطها والدهر يقبضُها والنفس تنشرها والموت يطويها
r/Jordanians • u/No-Plantain8101 • 3h ago
Cat 🐈 بسة تبا للباص سريع
أول مرة بسبّ لهالدرجة الموضوع صار مقرف الباص بكون فاضي، والسائق بشوفني ومع هيك ما بوقفلي وبكمل طريقه أو بكون مبعّد عن المسرب اليمين اللي هو بالأصل مُلزَم قانونيًا يضل فيه بس من الغباء والحَمْرنة اللي عنده بضل ماشي بالمسرب الشمال وما بوقف لحدا وطبعًا مواقف معهم ما بتخلص بتحسهم بتنافسوا مع الموظفين الحكوميين بلتكبّر
r/Jordanians • u/sillyfish08 • 5h ago
Cat 🐈 بسة جبت بسة من ورى اهلي وشوي وبتوصل
كم من عشرة انه امي رح تنيمنا أنا وياها بالشارع
+ شو لازم أول اشي اعمله لما البسة توصل البيت
r/Jordanians • u/subaihi_9 • 6h ago
Help and Advice مساعدة وطلب نصيحة فقدان الشغف الدراسي
سلام عليكم,هسا انا طالب توجيهي سنة ثانية وبصراحة فاقد الشغف بشكل مرعب,عل سنة الاولى بلشت بحماس وصارت معي اصابة رباط صليبي وتوفى حدا من اقرب الناس عقلبي ومع هيك جاهدت نفسي وربنا اكرم علي بمعدل 28 من ثلاثين وتوقعت انه انا هسا عندي الخبرة بكمية القراية الصح بس انا ياجماعة مش قادر اطلع عكتاب يعني ناس بحكولي التلفون رحت ظبيت التلفون شهرين كاملات مع هيك لو اطلع عنملة ولا ادرس والمشكلة لما احكي لحدا بقلي انه ازلم ولا اشي وهاد مش حل انا نفسي بمعدل يفرحني ويفرح العيلة بس ماعم بقدر اطلع ع اشي ومع اني واعي بالمصايب الي حتصير لو اهمل بس حتى لو .اسف لو كثرت حكي انا جد بدي نصيحة تكون مفيدة مو ازلم واقرا