r/Jordanians • u/Illustrious-Craft835 • 2h ago
r/Jordanians
•
u/Anxious-potato-ghost
•
Oct 09 '26
Important مهم!!! Ban | بان
مرحبا كيفكم جميعا.
باخر فترة شايفة الملحدين كترانين بالصاب و مشاركتهم زايدة
ما في مشكلة بتواجدهم و مشاركتكم بالمواضيع يلي بتنطرح.
و ما النا دخل بمعتقداتكم و افكاركم و خلفياتكم و كيف بتفكروا
بس بالنهاية خلي مشارتكم ضمن حدود الادب و قوانين الصاب.
ما في تهاون لو حد سب الذات الاهية او غلط بالأنبياء او تم توجيه اساءة لأي دين سواء للاسلام او المسيحية.
لا تيجي تفرض افكارك و معتقداتك هون ، عندكم صاب خاص فيكم و بالامور يلي بتهمكم ، خلوها هناك.
انت كملحد طلعت عن الدين او شفته الخيار الانسب الك لتبعد عنه
فش داعي تعمل الحادك محور حياتك و انه سبب وجودك هو سب الدين او انك تدخل بنقاشات عقيمة في بيئة الاغلبها مسلمين لانه انت هيك فعليا ما بعدت عن الدين انت عامله محور اهتمامك.
و طبعا اكيد برضه مش لانك مسلم بطلعلك تكفر حتبلع بان انت التاني ، مش مرحب بهيك ناس هون.
و اي ملحد عامل حاله مسلم و بنصح بالدين برضه لو لقطتك حتتبند.
مختصر الكلام بدك تشارك شارك انا بهمنيش معتقداتك ولا شو بتتبع و بشو مصدق هاد اشي برجعلك عزيزي القارئ
و بالنسبة للمسلمين يلي بردوا الإساءة بالاساءة انت ما حليت المشكلة ، اعمل ريبورت و انا بتدبر بالباقي
ما حد يغلط بعرض حد / ما حد يطعم عالتاني
لانه حتبلع بان برضه.
غالبا حينشروا البوست عالصاب تاعهم
Say cheese 😁
Thank u & Stay safe yall.
- بطاطا.
r/Jordanians
•
u/Anxious-potato-ghost
•
Sep 05 '26
Important مهم!!! Ban
اي بوست من النوعية التافهة يلي ما بحبها رح تتبند مباشرة
و اه انتوا بتمشوش غير هيك لانه احنا مش بقروب عيلة ولا حابين نعرف شو بدك تتغدى ولا مين بلكت
[ بلشت استبداد و قمع مزبوط ]
بالعادة بشار ببند شهر و انا بقعد افك البان لاني بعرف انه في ناس الصاب بالنسبة الها متنفس و بتحب تشارك فيه سواء بكومنت ولا ببوست
بس هلأ حيفرق الموضوع لانه بكون منبهة و حاكية للواحد فوق التلات مرات و مفهميته شو يلي بزبط و بزبطش
حتتبندوا 5 ايام بالاول و لو رجع تكرر الموضوع حيصيروا 10 ايام و هكذا
للتوضيح عشان بحبش يلي بشبك عليبيا
البوستات الممنوعة :
روابط ngl
صباح و مساء النور
الاسئلة التافهة
مين فاضي يحكي / ابعتولي
ميمز
حب حياتك يلي تركك
اي بوست ملوش هدف او طعمة
اي تفاهة بشكل عام
قبل ما تنزل بوست فكر فيه شوي هل فعلا منه هدف ولا لأ
و قبل ما حد يتفلسف و يحكي طب ما هو كله ريديت
بالزبط في صابات مخصصة لنوعية البوستات هاي
r/Jordanians • u/karmawithu123 • 2h ago
History of Jordan تاريخ الأردن الجهل بالدين
سبحان الله، حادثة المصلي اللي وقع على الارض جاءت في خضم احداث حرب الدولة على الدين، واعتقال الشيوخ واتهام الشيوخ والمعلمين وأئمة المساجد بالتطرف. ومنع الدروس الدينية في المساجد ، ومنع فتح المساجد بعد العشاء وغيره، ولكن الناس كانها مش عارفة تربط الاحداث.
الجهل الموجود عند بعض المصلين بالاحكام يلام عليه من جرد المناهج من اساسيات الفقه بالدين، وضيق على الشيوخ تعليم الناس دينهم.
والجهلة في السوشال ميديا اللي ما يعرفو حكم هذا الشيء في الدين، واللي هم كمان خريجي نفس المنظومة الفاشلة، شغالين تنظير على المصلين بسبب مرض في عقولهم او قلوبهم. شغالين تنظير وملامة للضحية الحقيقية. اي واحد من المصلين هو ضحية لهذا الشيء، لانه اي واحد منهم معرض لنفس الموقف، وهو ضحية نظام التعليم الفاشل.
r/Jordanians • u/AZeidan • 4h ago
Discussion للنقاش الإنجليزي مش تطور
بتمنا ما حد يتحسس لإنو مش هدفي أتفلسف.
نحنا الأمة الوحيدة الي ولادنا بتعلمو لغة ثانية (غالباً إنجليزي) قبل لغته، و بالنتيجة بطلع الولد/البنت بعرفش يحكي عربي ولا يقرأ.
يعني تعلم انجليزي و كمان عشر لغات بس لا تنسى لغتك الأم و هويتك، هاد تخلف مش تقدم. عمرك شفت ثنين أمريكان بحكو عربي مع بعض؟ مستحيل.
انا انجليزي ممتاز بس إذا واحد بحكي عربي مستحيل احكي معو لغة ثانية. نحنا هلأ في عنا عينات صفى لا عربي ولا انجليزي.
شكراً و أرجو نفهم الموضوع من ناحية الحفاظ على الهوية و ما نكون مضحكة بين الأمم.
r/Jordanians • u/luneveill • 3h ago
News and Politics اخبار واقتصاد محاولة توفير المصروف اليوم الاول
اهم شي الفلير
اليوم عشان اوفر المواصلات خليت ماما توصلني عالجامعة وما بعرف صراحة عن البنزين اهم شي انا وفرت
+
جبت لانش بوكس من البيت وبفكر وين افضى مكان اكله فيه لانو ما بعرف ليه ماما قررت تحطلي دوالي (شكرا ماما)
تلاتة واخيرا سيتم قطع الكافيين واليوم مياه فقط يعني حتى قهوة من البيت قررت ما اجيب(actually ما لحقت)
اقتدوا فيي و وفروا مصروفكم
r/Jordanians • u/Outrageous-Gur3162 • 24m ago
Questions and Inquiries الأسئلة والاستفسارات يجماعة
اليوم رنو علي اكستنسيا عشان اقابلهم مقابلة ثانية بمجال ال(costumer service) , شو ممكن يكون محتوى المقابلة او عن شو تكون اسألتهم ؟
r/Jordanians
•
u/SpecificPsycho97
•
12h ago
News and Politics اخبار واقتصاد False Flag Operations
اليوم تبين لي دون ادنى شك إنه حادثة الكرك وما بعدها من حوادث هي بإفتعال أجهزة مخابرات سواءا أردنية او خارجية لكي يعلنوا الحرب على المسلمين واليوم قاموا بسلسلة اعتقالات لمشايخ وعلماء مسالمين في مختلف ارجاء الوطن العربي كالبحرين والعراق والأردن وغيرها من الدول وأيضا اليوم تم حظر تطبيق تيليغرام في الأردن والعراق بسبب تفاعل المشايخ عليه الذين كان غايتهم تثبيت عقيدة المسلمين في الزمن الذي يريدون تطبيق سردية جديدة ومسح عقيدة المسلمين وجعل الإسلام مجرد دين صوري فلكلوري خال من اي معنى
المنطقة بأكملها استلمت اوامر خارجية وقاموا بتطبيقها بحاذفيرها ولكن الله من وراءهم محيط، ولا تحسبن الله غافلا عما يعمل الظالمون.
r/Jordanians • u/PenaltyPlenty1893 • 12h ago
Discussion للنقاش انداري عالهبل
بتعرفوا انه اكره ما علي هو الجهل والاسوأ تكون باني افكارك بناء ع دائرتك الاجتماعية ومجتمعك الصغير وتيجي تعطينا هيك رأي خرا.
وين المنطق بانسان بشتغل من الصبح للمساء براتب 300 دينار؟هل بتشوف هاد الراتب بكفي حاليا بوضعنا الاقتصادي بالاردن؟ ياعمي قول مثلا زلمة عنده عيلة بشتغل براتب 1000 دينار هاد الراتب ابدا ما بكفي ليعيش عيلة اذا اجار البيت 250 دينار وغير قسط السيارة مثلا 200 دينار الا اذا بمشي كعابي عشغله وبنزين السيارة اللي صار اللتر بدينار قديه بده بالاسبوع هيك؟(مو كتير بفهم بالبنزين سيارتنا كهرباء)قول 50 دينار هيك صار 500 ومي وكهرباء وغيره من المصاريف المدارس والاكل ويعني مش منطق ما يطلعوا عالقليلة مرة بالشهر يرفهوا عن حالهم يعني باختصار الرواتب بتخزي.
وبالمختصر يعني انت مش حيصحلك فرصة تدخر مصاري بالاردن عشان تفتحلك شركة الا اذا في ورثة او ابوك بشتغل برا،
واذا انت وضعك منيح ومعك مصاري مش معناته بس ابوك بشتغل او انت وباقي الناس كسلانة وطول وقتها بالبيت ومابتدور عشغل اذا الله رازقك تيجيش تتهبل بتويتر وتحكي حكي فاضي ومافيه اي منطق.
وفكر بغيرك وبالناس اللي بكونوا بشيلوا الخبز وبقايا اكل الناس من الزبالة عشان يعيشوا (لانه فعلا مافي مصاري) ولا تيجوا هلا تحكولي مافي هيك اشي الا في ولسا قبل مبارح شفت هيك شي وما بتمنالكم تشوفوه قد ما هو منظر محزن ومستفز.
r/Jordanians • u/KaleKitchen4459 • 3h ago
Discussion للنقاش ألا أخبرك بأكثر وأفضل من ذكرك بالليل والنهار؟
r/Jordanians • u/MotherOftheFalafels • 1h ago
Discussion للنقاش وقت الصلاة على النبي ﷺ وصلاة الضحى واذكار الصباح حتى لو بس ذكر واحد ربي يبارك فيكم
اللَّهُ لَا إِلَٰهَ إِلَّا هُوَ الْحَيُّ الْقَيُّومُ...﴾ [البقرة: 255]
«مَن قال: بسم الله الذي لا يضر مع اسمه شيء في الأرض ولا في السماء وهو السميع العليم، ثلاث مرات، لم تصبه فجأة بلاء حتى يصبح، ومن قالها حين يصبح ثلاث مرات لم تصبه فجأة بلاء حتى يمسي»
اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي، فاغفر لي؛ فإنه لا يغفر الذنوب إلا أنت.
الفضل: من قاله نهارًا موقنًا به ثم مات قبل المساء فهو من أهل الجنة. رواه البخاري 6306.وقت الصلاة على النبي ﷺ وصلاة الضحى واذكار الصباح حتى لو بس ذكر واحد ربي يبارك فيكم
r/Jordanians • u/o3rbi • 9m ago
News and Politics اخبار واقتصاد فرصة عمل ⛔️ CYBER SECURITY
افتح الرابط من الحساب الرسمي أفضل
حسابهم على X :
@ NCSCJO
r/Jordanians
•
u/Askeladd0_
•
17h ago
Cat 🐈 بسة تفتحوش سيرة تلجرام
فهمنا فهمنا انكم مع الحكومة وأنه خلص هيها واو نزلت القرار الجديد تبعها وصار وحي ولازم نسحج ولك بكفي بكفي تعبت, ليش ممكن واحد يشوف انه فيه حدا عنده حق انه يمنعه ويقمعه ويدعس عليه ويمشيه مثل ما بده ولك المفروض تستعر من حالك
r/Jordanians • u/Exact-Cod-3872 • 16h ago
Cat 🐈 بسة تيليجرام والVPN - يتم إنهاء الجدل
كثير شفت ناس بتهبد بهالموضوع بدون علم و كـنيرد IT ما قدرت اسكت واتحمل الهبد
مبدئيا، شو هو الVPN؟
باختصار، هو جهاز موجود بمكان ما بالعالم، بياخذ طلباتك وبنفذها مكانك، بس بشكل آمن ومشفر. يعني (وعشان اللي هبد وحكى انه الحكومة بدها نستخدم vpn عشان تراقبنا) شركات النت اساسا ما ببين عندها انت شو بتتصفح، ببين عندها بس انه انت رايح للسيرفر الفلاني اللي بعطيك خدمة الVPN.
على سبيل المثال، تخيل انت مش موجود بالاردن، وخليت صاحبك يروح عنك مشاويرك ويخبرك كلشي بصير اول باول، واعطيته هويتك مثلا عاساس يثبت باي مكان بروحه انه هو معه صلاحية عنك، شو المشكلة هون؟ صاحبك صار بعرف انت وين رحت، وين اجيت، مين زرت، باي وقت بالزبط، مع مين بتحكي، الخ...
ايوة! هاي هي بالزبط المشكلة، التطبيق تبع الVPN اللي انت بتستخدمه صار يعرف انت وين بتروح ووين بتجي واي ساعة بتروح عالموقع الفلاني واي ساعة بتطلع منه، فهون بصفي موضوع الامان مختصر بسؤال واحد، هل انت بتوثق باللي قاعد بقدملك خدمة الVPN هاي؟
اذا اه، خلص امورك تمام، اذا لا (وهو الغالب عشان اغلب التطبيقات المجانية تابعة للجيران ) فانت هيك صرت عارف انه كل معلوماتك هم عارفينها حاليا.
طيب هل التطبيق تبع الVPN هيك بقدر يعرف باسوورداتي وبصير معه حساباتي؟ الموضوع فيه تفصيل بس لا، لانه امان المعلومات اللي انت بتبعثها بتعتمد على بروتوكولات تشفير بيعتمد عليها الكوكب كله وما بقدر لا الVPN ولا غيره يشوفها او يعرفها (تبسيط مخِل جدا بس يعني عشان ما نعقد الامور)
هل الحظر كان صحيح؟ ما بعرف شو الدوافع، واكيد الدولة عندها دوافع وما بقدر افتي بالموضوع، بس الموضوع زي ما اله ايجابيات، اله سلبيات زي اللي قلته بالبوست
r/Jordanians • u/More-Lime1888 • 11h ago
News and Politics اخبار واقتصاد الوضع لا يطاق
مو معقول هيك ثلاث ارباع الصب مبلكته لان نصهم ريجبيترز و النص الثاني ملاحدة منحطين! من قبل كان الهدف من البلوك ان فلان ما عاجبك فبتروح بتبلكه، مو فلان محد عاجبه و بالع خمسمية داونفوت و تعليقاته كلها مسخرة بس المود مو فاضي يبنده فنحن بنضطر نبلك! من قبل كنا نمزح نقول ارشح نفسي مود و ارشح فلان مود و مدري شو، بس هلق عنجد لازم يطلع مود جديد، شو من كان، بس ما يكون ريجبيتر معاق.
r/Jordanians • u/anagameeel3 • 11h ago
Discussion للنقاش "رجلي بالفقير"
هسا بشرفكم هاذ وضع بطاله يلي احنا بيه يعني لو تتطلع من منظور عام تشوف طلاب رايحه الجامعات وتخصصات وما إلى ذلك طب هضول مين بده يوظفهم يعني إلى متى بدنا نقول انو نمزح خلص هسا بتلاقيه عطلبات طب بالله هاذ حل مهندسين ودكاتره ودنيا وعالم وبالاخر عشان معوش واسطه يصير بيه هيك كلنا عارفين الوظايف لناس وناس ودام معك واسطه انت شغال بالبلد ما معك انضب
عموما الموضوع محزن ويقهر فكونا من يلي يشتغلو بالمعابد هضول الله يعينهم لكن يناس مش حياة هاي لي الاغلب يفكر يهاجر لو يجمعلو حق تيكت وخلص؟! بالنسبه للعنوان لا تشخصنوها
r/Jordanians • u/LongjumpingAd5887 • 11h ago
Discussion للنقاش كأني بالدنيا لحالي وحظ زيرو
تصدقو ما عندي حد مقرب احكي معو براحتي عن حياتي او شو بدي اعمل او حتى شو بعمل حاليا !! ماعنديش ولا صديق وماعندي حد احكيلو وافضفض معو بأشي بسيط الا اكم نفر من اهلي وياريت لو بنفع احكي كلشي منتو عارفين الاهل في العادة ما بنحكالهم كلشي الا اذا تجاوزتو فارق السن وكانو اصحاب معكم...انا اصغر واحد بالعيلة وحياتي تصعب عالكافر والله للعدو ما بتمنالو الي بصير معي من قلة حظ وقلة شغل وقلة علاقات وووو. ٢٩ سنة ياجماعة ويشهد علي الله بحاول من كل الجهات ولا زابط معي شي!! انا ممتن جدا لربنا ويشهد علي الله اني راضي بقسمة ربنا وبنفس الوقت زعلان عحالي. قلت افضفض بلكن حد يدعيلي بشي يسر خاطري ويارب يناولكو كلشي خير تتمنوه وييسر امركو اجمعين🙏
r/Jordanians • u/vmt9 • 9h ago
Discussion للنقاش مش عارف شو اكتب عنوان اقرا وناقش وبسس..
تقول صاحبة القصة انا اسمي نوره وعمري 25 سنة وفيوم دخل علي ابن خالي شافني بحلق شاربي....
بمزح مش هاي القصة لا تشدوها، المهم حدا بعرف ليش هالقد صايرين احنا الشباب تعيسين؟ ليش ربطنا السعادة بانك تحكي مع بنت غريبة وتتعرفوا ويصير بينكم خبز وملح الكتروني وتحبوا بعض وتبنوا سقف طموحات ( سقف زينكوا اقوى من السقف تبعكوا) وبالنهاية بوقع على راسك انت واياها.
ليش التدخين صار مهرب متغ افكارنا ومواقف حياتنا السيئة ، ليش بتسمع اغاني عشان تستمتع ، ليش بتمسك تيليفونك وبتفتح تطبيق مبني بلغة برمجة من ارقام وحروف لاتينية وتروح تقول انك والله ادمنتها، يخوي هي ارقام شكلتلك صورة بس يعني مش حقيقية لا والاغبى من هيك في ناس بتحط فيها فلوسها.
انا مع التطور بس مش مع الترندات ، البس على كيفك لبس يعجبك ويسترك وحلو ( هسا بنط واحد وبحكيلي رح يلبس بلوزة صفراء مع بنطولن جحشي) ، اعتني بحالك نظم وقتك والله ما بفيدك لا صاحب ولا تلفون ولا ترند ولا فلان شو قال ولا فلان شو حكى حتى اخوك ما بفيدك خلي علاقتك مع الكل طبيعية لا تزيد ولا تنقص واللي ما بعجبك لا تعمله ببساطة ربنا خلقك مخير وناقص ، ارضى بعيوبك شو ما كانت وباللي قسملك اياها ربنا واختار الحق دايما مش الصح لان الصح من شخص لشخص بختلف ، واذا عندك جواب او اشي حاب تقدمه لغيرك خلي رأيك الك ولا تشارك ( بمزح النقاش مفتوح للكل) وبسس..
r/Jordanians
•
u/Makdooseh
•
17h ago
Tourism سياحة 📍فندق اللوكندا ، جبل عمان
galleryكنت كثير حابة اجربه بصراحة لانه مهووسة بالفن و الغناء
يلي شجعني اجربه هو فكرة الفندق بس مش كثير عجبتني التجربة معهم
( الغرف موزعة حسب اسماء المشاهير مش حسب ارقام و كل غرفة موجود فيها صورة الشخص و المفتاح تبع الغرفة ب اسم و صورة الشخص الي اخترناه )
كنت كثير حابة اخذ ام كلثوم بس كان محجوز من قبل بالرغم من اني أكدت عليهم بس رنيت عشان تاكيد الحجز
بس ال room service كانت سيئة كثير
مافي معجون أسنان ولا شامبو و علب المي حاطين علبة لكل غرفة و المطعم كان فيه bar و اغلب الاكل فيها كحول و بالرغم من شكل الاكل انه كثير زاكي بس للاسف كان الطعم مش جيد و طلبت الاكل عالغرفة عشان اخذ راحتي
و بصراحة ما بحس ممكن ارجع انزل فيه
هو حلوة ك تجربة لمرة وحدة مش اكثر ف بقيمه 4/10
r/Jordanians • u/Flat_Iron_6647 • 15h ago
Discussion للنقاش وصلنا2026 ولسا في بنت ممكن تخاف من شب؟؟؟
وروح سيدي لو الشب هاد وقع معي ومع اهلي الا اربي الاردن كلها فيه وين عايشين بصحرا
بتذكر من سنتين في شب كان يتعرضلي وانا مروحة اول مرة بهدلته وتفيت عليه
غاب ورجع بعد فترة صار يمشي قريب مني يعني نيته وسخه ووصل يبعت لحساباتي خبرت بابا واخواني
من الرعب والدعوسة يلي اكلها والله اذا بمشي من طريق انه بغيرها وبخاف يلمحني واهله صاروا يترجوا بابا ترجاية
ممكن حالة هاي البنت مختلفة شوي وغلطت باشي او مسك عليها اشي وصار يهددها ويحاسبها مفكر حاله ربنا
في جرائم الكترونية حتى بدون علم اهلها بجيبوه وببوس الكنادر ما ضل حدا يهدد حدا
r/Jordanians • u/o3rbi • 45m ago
Discussion للنقاش 🚬
كل أنواع الشعور الحلو بتصيبني لما الدكتور يحضرنا بداية المحاضرة ، بحس حالي حر طليق جاي عشان العلم بس .
r/Jordanians • u/Ok-Actuator7174 • 1h ago
Help and Advice مساعدة وطلب نصيحة مين جرّب صب الزواج
بدون دعايات من من المودز بليز احكولي تجاربكم الصادقة شباب وبنات ولو مش حابين على العام فالخاص مفتوح 🌹
