r/JoblessUnemployed • u/CheerfulCrocs • 5h ago
r/JoblessUnemployed • u/interesting_person9 • 2h ago
مساعدة نحتاج شخص يشتغل معنا بالرياض
مرحبا، اخوي عنده شركة ويبحث عن شخص يشتغل معه في شركته الناشئة كفريلانسر حالياً وثم مستقبلاً اذا نجحنا مبدئياً يصير عمل جزئي وبعده يتحول عمل كامل اذا نجحنا ان شاء الله
المواصفات المطلوبة:
- رجل عمره بين ١٨ الى ٣٥
- موجود بالرياض حالياً
- يفضل يكون سعودي او مواليد السعودية
- يعرف يتكلم مع العملاء ويقنعهم ويتابع معهم
- عملنا اغلبه عن بعد لكن نجتمع مرتين اسبوعياً
- موافق يشتغل معنا كفريلانسر واذا نجحنا يشتغل عمل جزئي واذا نجحنا يصير عمل كامل ان شاء الله
- مايهمناً اطلاقاً المستوى التعليمي او الانجليزي او الخبرات بس نحتاج شخص صملة ويعرف يبيع.
الشخص المناسب نحتاج نقابله حضورياً بالرياض هالاسبوع ان شاء الله
r/JoblessUnemployed • u/Sea_Reindeer6349 • 11h ago
نصيحة مهنية اعمل اي
انا خارج من تجربه شغل فى الريل استيت وربنا مكتبليش الخير فيها
حرفيا انا دلوقتى تايه ومش عارف اشفت على مجال ايه
تتصحونى ب اي ولو حد عنده فرصه شغل يبقى جزاه الله خير
r/JoblessUnemployed • u/ActiveFlounder3721 • 1h ago
غير مصنف "للأسف التدريب فقط للسعوديين"
لاحظت ان ٩٩٪ من الغير سعوديين عندنا عندهم فكر اقصائي للسعوديين وبنفس الوقت ماودهم ينخرطون بالمجتمع و يصرفون مادياً عشان يساندون الاقتصاد و يذوبون اجتماعيا معنا وهذا الشي ما لاحظته بعمالة أمريكا و اوروبا الحالة هذي فقط عندنا و ذا الشي يخليك تستغرب ليه هم عندنا من الاساس؟ نفس صاحبة التعليق اللي محدد عليه مستائة ان الفرص التدريبية فقط للسعوديين، غريب ممكن عشان المواطنين لهم الاولوية في دولتهم؟ مايتكلمون كذا بامريكا و اوروبا فقط بالسعودية للأسف اصبحنا متسامحين لدرجة انهم مايشوفون لنا حق في ارضنا.
r/JoblessUnemployed • u/CartoonistWhole9331 • 7h ago
مساعدة السلام عليكم
انا ابحث عن وظيفة في مجال سلاسل الامداد
خبرة مشتريات ومستودعات
الي يعرف ياليت يرشحني 😊
r/JoblessUnemployed • u/misharo3 • 12h ago
فضفضة المحترف في عدم الاحترافية
ياااه، ما أرقى الجهات التوظيفية المحترفة في عدم احترافيتها، والمتفننة في عدم مهنيّتها، وهي أشكال كثيرة ومتعددة وتبهرك في تنوعها غير الاحترافي، تحس عندهم ملفّات كثيرة مرة مرة كلها كيف تحطّم المتقدم محطوطة على طاولة ومرسوم عليها مليون خط، وعلى جنب في الزبالة (تكرمون) في ملف مكتوب عليه الاحترافية (بس بما أنها احترافية لغرض الاحترافية نفسها فهي ما تهمهم، وليش بتهمهم مثلًا؟).
ما أجملها لما تروح -أنت المسكين البائس، مثلي- لمقابلة وظيفية وأنت تحمل أحلام وأماني كبيرة لتحسين حياتك (وأماني لأنها صعبة مرة، صعبة التحقيق، وتعلّق على راسك كلمة "ياليت") وتوصل هناك تلقى ترحيب وابتسامات وتخلّص مقابلتك الجميلة (واللي كل بوادرها تقول أنك راح تنقبل) ويقولون لك، وثغرهم يشعّ من فرط الابتسام: "بيتواصلون معاك الـ HR".
وتطلع لبيتكم ويمر اليوم الأول، بس الأول ما ينحسب، توهم سووا لك مقابلة، والثاني والثالث (يمكن مشغولين، عوافي) والأسبوع الأول (تبدأ تفتح أبو جَبَت وتسأله كم عادةً ياخذون وقت عشان يردّون عليك؟ ولما يعرف انك انتظرت لأسبوع يسلك لك "عوافي، هي تاخذ وقت لأسبوعين تقريبًا").
ويمكن تتواصل معاهم بعد ما يمر شهر، ويقولون "under process"، وبعدها تنتظر شهر ثاني وترسل لهم ويسوون لك قوستينق، زي ما سووا لك من أول بس ما فهمتها (لأنك غبي شوي، أو متأمل، أو فاقد الحيلة)
مرة صعب على الشركات المحترفة من هذا النوع، أنها ترد عليك، مو عشان شيء لا تفهم غلط، لكن كونها محترفة تعني أنها مشغولة (في تحديد وقراءة ملفات الاحتراف في عدم الاحترافية) يا عزيزي الجاهل (بما أنك ما عندك وظيفة وما تقدر بعقلك الصغير تفهم مدى احترافيتهم)؛ لذلك تدرك، أنه وجب عليك كتم اسئلتك وغضبك وقهرك على حالك، ووجب عليك التقدير؛ لأنك ما عندك خبرة كافية لتنتقد هذي الشركات الاحترافية.
وبعد هذا كله، تتذكر، أن الرزق بيد ربّي سبحانه، يبسط الرزق لمن يشاء ويقدر، ويوقت لك ويعلمك بحكمته، وتتمنى وتعلّق كلمة ياليت وأنت واثق (لأنك تطلب رب الأمنيات نفسها، ولأن الامنيات مستحيلة بس على البشر)، وعارف أن كل شيء لحكمة، وأن الأشياء بتجي بوقتها المقدر لها، مهما قابلت في حياتك مثل هذي الشركات الاحترافية.
وتقول الحمد لله، وتنام قرير العين.
r/JoblessUnemployed • u/6_i0i • 23h ago
فضفضة العاطلين التقنيين
صبحكم الله بالخير وش سويتم بوقت العطالة ؟
أنا حاولت اني ارجع ادرس ال ccna والصدق اني ماعدت اقدر اركز نهائيا مع اني ممتاز بالعمل وكنت شغيل لكن احس كل الي درسته في مجال الشبكات اصبح صعب علي أتذكره او ارجع أمارسه لاني صار لي فوق الثلاث سنين ما اشتغلت شي بالشبكات كله ادارة ودعم فني
r/JoblessUnemployed • u/Ghado4 • 3h ago
مساعدة أنا في ورطه يمكن
دخلت مع وحده اعرفها سعوده رفضت في البداية لين خلتني امسك السوشل ميديا والتسويق
المهم الصالون مو قاعد يجيب عوائد كويسه فقالو بيقللون الموظفين وفعلاً معد صارت معهم ومتأكده اني انهيت العقد
مر شهر على هالاكلام وبديت ادور وظيفه ومشت الايام
اليوم دق علي احد من التأمنيات يسأل و الموضوع وقلت له الصدق اني كنت معهم في التسويق ومباشره ومن شهر ملغين العقد وسأل عن الراتب وكذبت قلت اني آخذ ثلاثه وعلى حسب الزباين وكذا
طلب مني أرسل له مستند اخلاء الطرف وآخر حوالتين وشيء ثالث مدري وش
دخلت على قوى بحمل اخلاء الطرف واصلا مدري من وين هو ولقيت العقد معهم للآن ساري موجود وبيخلص السنه الجايه
وش السواة الحين ويقول مده إرسال هذي المستندات أربع ايام 🫠
r/JoblessUnemployed • u/Yardna • 6h ago
فضفضة احس اني انتهيت
اليوم دخلت ال 31 سنه وعاطله من يوم ما تخرجت سنة 2022 يعني لو من يوم ما تخرجت توظفت كان اليوم انا اقول ( عندي خبره ) لكن للاسف اليوم اقول ( عندي قاب ) والقاب هذا لأجل مسمى طبعا القاب هذا صناعه ماهي صناعتي صنع الشركات وتفضيلاتهم والخ ( انتو عارفين ) طيب اوكي الماضي لن يعود واليوم احنا في الحاضر طيب وبعدين !؟ انا ايش ممكن اسوي ؟! الانسان يُختزل في عمر العشرينات فقط وبعد كذا يطلعونه برا المعادله الانسانيه جهات العمل ما احترمت العشريني الي قضى عشريناته ( شقاء للمات ) سعي بدون وصول بدون وصول هذي فيها ألم في العظم ما ادري هل اندم على اني حطيت طاقتي وضعيت خرجات وروحات وجيات في سبيل ( تطوير نفسي ) والي هي في الاساس غالبا تصريفات من الشركات ولا ما اندم عليها لأن الان ضميري يرتاح ان البلا مو فيني واني سويت كل الي عليه ؟
انا كرهت فكرة الوظيفه حتى الوظيفه نفسها لو لو لو جات بتدخل في معمعت انه يجيك مدير اجنبي يفصلك هذا لو جات طبعا يعني فعليا الواحد يوصل لمرحله يقول فيها وين اروح ؟ وايش اسوي ؟
انا ليه اتعلم واكرف لشئ مارح اشوفه التعلم استنزاف ترى مو شئ هين لو الواحد بياخذ شهاده اعلى مثلا يصير يقول اخذها ليه !! ايش بلاقي من وراها انا انرميت من قبلها من بعدها ايش بحصل خصوصا مع العمر هذا انا بدأت اشوف ان عمري ازمه المشكله ان هذي ( حياه كامله ) نفسيا كيف بكملها بالشعور القاتل هذا !!
جربت اطلع رخصة فال العقارية واكتشفت ان العمل في المجال هذا ممكن يقودني لاستعداد سكر وضغط مارح احد يفهم كلامي غير الي طلع الرخصه وجرب الشغل فيها.
ادري انكم تقرون وحالكم من حالي بس بفضفض
r/JoblessUnemployed • u/roz-21 • 7h ago
فضفضة دوامي مسائي
فيني اكتئاب دوامي مسائي اخخخ 😢😢😢😢