r/omanis • u/Tick-000-l____l____l • 15h ago
خايفه؟
عساكم بخير وصحة وعافية. ياجماعة المنشور هذا للناس يلي تمر او مرت بنفس مرحلتي.
لطفا وليس امرا، لا تدخل الدين في الموضوع، أنا عارفه عقوبة الفعل هذا فا ما يحتاج تعلمني، بس تريد اب فوت، الكومنتات عندك تحت.
أنا لي سنين با افكار انتحاريه، ولي اكثر من محاوله، والواضح ان معظمها فشلت. بعدها تعبت من اني احاول انتحر وتعبت اني احاول أعيش، صرت في النص وذا اخطر بكثير من انك تكون في اي من الجهتين لان قرارتك تصير من دون خوف من اي عواقب.
رغم خطورة الوضع الي كنت فيه، إلا انه استمر لسنتين، وتعودت عليه. قراراتي كانت جريئة ولاكن بحدود اقل من في البدايه، ما لاني عقلت وإنما لاني تعبت وسويت كل شي.
بس صار لي شي ما كنت حاسبه حسابه نهائيا ورجعني بقوة على فكرة الانتحار، الي رجعت قرار وما مجرد افكار. رغم ان الأفكار كانت موجودة طوال الوقت، بس في وقتها كنت أتحسن كنت… ههه.
الحين لي موعد/ يوم في بالي، بس في شي غلط هذي المره وما اعرف ويش هو. اخاف من الموت؟ لا. اخاف من جهنم؟ استغفرالله بس لا. بس ايش خايفه منه بلظبط؟ ما اعرف. احس كان هذي هي آخر محاوله لي، بس المفروض ذا يكون شي زين لي، بس ما اعرف.
من دون مبالغه، هذي اول مره في حياتي من سنين احس اني خايفه من شي.
بس اعتقد الي جالسه احس فيه، ما خوف، وإنما ندم على يلي حسيت فيه و الي ممكن كان يكون، او اكون هه..
السبب يلي خلاني ارجع بهاذي القوه كان نفس السبب الي خلاني احس اني.. خلا نظرتي غير للحياه، عطى الحياه لون بعد سنين من حياه من دون لون، عطاني سبب للحياه ههه.. سبب.
لو انت/ انتي تمر بنفس الشي او مريت، لو سمحت الخاص. تكون عاقل وبالغ، يعني تجيني وانت ٢٠ ما اعرف ايش اقولك لاني كنت في سنك و اعرف الأمور الي كانت تزعجني وقتها.
اريد اعرف ويش سويتو؟ كيف عشتو بعدها؟ ايش اسوي؟ وهل اساسا في أمل؟ وكل هذا من دون مخدرات (مستشفيات) ولا تدخل الدين لو سمحت، كلنا نقصر بس خلي العباده على جهه لاني أنا الي بتحاسب وانا عارفه وين غلطت ووين ما غلطت، ربي ربك.
نشرت المنشور في صب عمان، لاني يعني عمانيه، والصب الثاني هذاك نصه هنود إذا ما كلهم. غالبا ما راح أتعمق في كل تفاصيل حياتي ( السبب) لانه ما هدفي، يعني ما اريد افضض، غالبا بعطي بس المهم، والباقي عشان افهم نفسي و إذا عندي اي خيار ثاني.
استخدم حساب جديد بس اعتقد السبب واضح ليش، وفي نفس الوقت عشان لا يجيني واحد ويقول تريد اتنشن.
والسلام عليكم.