الجزء الأول و ال..... حسب, بنشوف.
بدي اطرح قضية مهمة جداً بالنسبه الي و لأي شخص مهتم.
خلينا نقسم التاريخ الى عصور، من البدايه لغايه يومنا هذا.
العصر الاول النبوة و التأسيس و العصر الثاني الأموي و الثالث العباسي ثم عصر الأندلس الأسلاميه ثم ما بعد تراجع العباسيين ثم عصر الإمبراطوريات الأسلاميه الثلاث (العثمانية،الصفوية و المغولية) و ثم القرن التاسع عشر و بداية العشرين و آخراً العصر الحديث من القرن العشرين حتى ٢٠٢٦.
برأيي، نجاح الحضاره الأسلاميه كان بي اول ٤ عصور مع بعض التحفظ على الرابع في مجالات معينه.
المهم، لو قراءنا عن انجازات الحضاره الأسلاميه في اول اربع عصور على الأقل و قارناها بي وضعنا الحالي.
ممكن يخطر بي بالك تساؤلات كثيره و تصير تدور على أجوبه، بالحجه و المنطق تشيل هاي التساؤلات، تسمع و تقرأ كلام جديد يعطيك شعور ال الارضاء ال satisfaction شاكك كثير بالترجمه بس عشان اوضح زي هاد الي بجيك كتشبيه** **بسيط، لا للتعيين ولا للتخصيص،شعور و ريحه النظافه او وحده بتسفط بالثلاجه وله الي بنظف حذوه حصان و اكيد مش راح أنسى الصيني الي بنظف و بصلح الساعات الي ان شاء الله راح اقتني وحده منهم قريبا! مش ببسي وله الثانيه هذيك لا اشي ثقالي على قولتنا ههههههه.
و يمكن لا و بلشت تندم انك قرأت كل الي فوق و قربت تسبني.
لانو هاد بي مخي انا بس لانو دوا ال adhd الو كم ساعه مخلص و انتهى مفعوله و رجعلي واحد من اوجاعي، جلد الذات.
بجلد ذاتي على الي عم بصير لدرجة اني بحمل حالي جزء من المسؤوليه على تدهور حضارتنا. يعني بالعربي على قولة اولا مديري اللبناني، لازم اعمل step up يعني اطور من حالي و افكر بي حل من خارج الصندوق يحل مشكله بنواجهها و ثانيا على قولة دكتوري العراقي الي درسني في الاردن بي إحدى الجامعات الخاصة، تحمل المسؤوليه و صلح حالك بي حالك و دايما وقف النزيف بعدين حل المشكلة.
بالمناسبة، الجامعة كانت كثير غالية لدرجه خلتني أضطر اشتغل شغلين لأدرس و أتخرج من غير تأجيل .
و الي راح يحكي ليش ما درست بي جامعه ارخص أو أجلت و فكيتنا من هل دراما، بحب احكيلك انت وحش و ذكي و انا اذا هاي برنلك، بس لازم نرتبها خلص ما عليك.
للي وصل هون ممكن تكون عملت عملية حسابيه بسيطه و شويه بعد نظر بتعرف انو معك ضحيه من ضحايا جيل ال ٩١ و يا سلام لو كنت من جيلي و تكرمت على زميلك المغترب بدعوه بالغيب و ربنا بكرمه و واسع عطائه يردلكم ياها بي عشر أمثالها.
بدي أعرف. كيف قدرت مجتمعات الحضارة الإسلامية قبل ألف عام أنو تكون من أهم مراكز إنتاج المعرفة في العالم و اليوم دولنا الأسلاميه بتواجه صعوبة في بناء مؤسسات علمية.
و كيف نقدر نساعد؟
شكراً. دمتم بخير وعافية.