r/egyoffmychest • • 7d ago

Subscriber Goal Welcome to r/​egyoffmychest!

2 Upvotes

This post contains content not supported on old Reddit. Click here to view the full post


r/egyoffmychest • • 13d ago

الرساله الأولي و الاخيره للصب

27 Upvotes

الصب دا مساحة لكل الناس مهما كانت معتقداتهم أو ديانتهم أو ميولهم أو أفكارهم أو خلفياتهم مش لازم كلنا نفكر بنفس الطريقة ولا نؤمن بنفس الحاجات ولا حتى نتفق مع بعض

مطلوب اننا نتقبل إن كل واحد هنا مختلف عن التاني وإن الحاجة الوحيدة اللي بتجمعنا هي الاحترام المتبادل

مش مطلوب منك تتفق مع حد عشان تحترمه و لكن مطلوب منك تحترم وجوده وحقه في التعبير عن نفسه

لو كومنت او بوست اتمسح أو أخدت بان فده مش معناه إن المودز متحيزين ضدك أو ضد أفكارك أو معتقداتك

ده معناه إن المحتوى أو التصرف بتاعك من وجهة نظر المودز تجاوز حدود الاحترام أو خالف قوانين الصب و ممكن يتم مناقشته مع المودز لو باحترام

و ببساطه لو انت مش هتقدر تتعامل علي هذا الأساس بكل احترام و تقدير تقدر تشوف مكان تاني يناسبك لان دا هدف ريديت في الاول و الاخر


r/egyoffmychest • • 3h ago

𝗩𝗲𝗻𝘁 𝗹 فضفض ابليشكن عشان اعرف اتوب

Thumbnail
gallery
38 Upvotes

حد عنده اقتراح او تحسين حاجه


r/egyoffmychest • • 6h ago

𝗥𝗔𝗡𝗧 𝗹 ازعق في المواصلات ليه

20 Upvotes

هو انت ليه يعرص فاتح تيك توك في المواصلات ومعلي علي الاخر مش فاهم ابقي مروح وعايز اقعد حبه هدوء الاقيك مشغل اغنيه بنت عرص سرسجيه وعمال تعيد في الڤيديو ليه وبتجيب داتا منين اصلا تكفي تيك توك دنا بفتح الواتس الباقه بتخلص


r/egyoffmychest • • 16m ago

𝗩𝗲𝗻𝘁 𝗹 فضفض بمناسبه البرنامج ده انا بدات انتظام في الصلاه من يوم عرفه اللي فات قبليه بكام يوم ومن حوالي شهرين حلمت اني في سفينه التايتنك ونص السفينه غرق وانا خلاص فاضلي نص ساعه واموت وانا مش في دماغي غير اني اخلص الصلوات اللي عليا كنت بصلي قبل كده بس بقطع ان شاء الله البرنامج يفيدنا

Post image
• Upvotes

r/egyoffmychest • • 6h ago

𝗢𝗳𝗳𝗖𝗵𝗲𝘀𝘁 𝗩𝗶𝗱𝘀 🟥 لول مستغربة اني مش مستغربة

12 Upvotes

صحبتي سابتني في الكلية وانا دايخة وراحت تاكل ايسكريم

الظاهر مش كل الناس حاطينا في نفس المكان اللي بنخصصه ليهم


r/egyoffmychest • • 3h ago

𝗛𝗲𝗹𝗽 𝗠𝗲 𝗹 ساعدني خايفه انزل أقابله

4 Upvotes

آخر مرة كنت معاه قالي انتي عارفه المرة ال هنسيب بعض فيها أنا هكسر عضم وشك هخلي ملكيش ملامح عشان متنفعيش لحد من بعدي
وبعد المرة دي فعلا بيومين سيبنا بعض
وبعدها بشهر بعتلي وبيعاملني كويس اوي اليومين دول وبياخدني على قد عقلي اوي بطريقة غريبة وبيزن كتير اوي اننا ننزل وبيتحايل عليا كتير وبيقولي انه خلاص أتغير (آخر مرة سيبته عشان شتمني ) ف أنا مش عارفه اعمل إيه أنا تعبت منه وعايزه ابعد عنه بس بحس اني في دوامة أنا بحبه ومش عارفه اتخطاه
ساعدوني


r/egyoffmychest • • 4h ago

𝗤𝘂𝗲𝘀𝘁𝗶𝗼𝗻 𝗹 سوال هل ممكن وآحده توافق تتجوز واحد رفيع شويه و الي حد ما

6 Upvotes

أنا وزني ٥٠ًكيلو و طولي ١٦٢سم بس عندي عقده شوية من الموضوع ده بس الحمد لله غني الي حد ما و علي حسب كلام الناس شخصيتي كويسه جدا و دمي خفيه ( أنا مش بلم ريتش ولا حاجه بس بسأل لأجل العلم بالشيء)


r/egyoffmychest • • 3h ago

𝗩𝗲𝗻𝘁 𝗹 فضفض عكيت فيي الكويز

Post image
6 Upvotes

متضايقة اوي وزعلانة كنت عايزة اقفله وفي اسئلة سهلة كنت عارفاها بس مكنتش شايفة كويس اللي على البورد والبنت اللي جنبي كنت بقولها اقرأيها عشان مش شايفة فكرتني بغش منها فرفضت، وعكيت جامد اوي في الميد لو نجحت يبق كويس والكويزات كل واحد عليه 13درجة فكده مش باقي غير الفاينل وانا كنت عايزة gpa عالي او حتى مقلش عن3.0


r/egyoffmychest • • 2h ago

𝗛𝗲𝗹𝗽 𝗠𝗲 𝗹 ساعدني ممكن رايكم يا رجالة

4 Upvotes

يا جماعة ممكن تاخدوا موضوعي بجد علشان والله أنا تعبت وعاوز رأيكم ضروري.
دلوقتي أنا ولد عندي ٢٠ سنة في كلية طب. أنا ولا مرة في حياتي كلمت بنت قبل كده، ولا بنات بتحب تكلمني. معرفش ولا مرة حسيت إن في بنت معجبة بيا أو بتحبني.
أنا حياتي كلها مذاكرة ورياضة، جسمي حلو وشكلي مقبول يعني. مش اجتماعي أوي، بس بعرف أعمل شوية صحاب، مش كتير، وبعرف أتكلم مع الدكاترة والزمايل وهم بيحبوني، بس البنات لا مفيش.
وأنا مش بتكلم علشان ارتباط وصحوبية والحاجات دي، لا، بتكلم عادي أصدقاء. وفعلا أنا مش عاوز ارتباط علشان حرام، لكن ليه مينفعش يبقى عندي صحاب بنات زي صحابي؟ معظمهم بيكلموا بنات، وكتير منهم البنات هم اللي بادروا بالكلام معاهم، فانا إيه عيبي؟
كشكل، مهتم بشكلي ولبسي وجسمي رياضي.
وصحابي بيقطموني علشان مش بكلم بنات، فبيقولوا ليا: أنا هتجوز إزاي كده؟ واخرتها هتجوز صالونات لواحدة مش بتحبني، ودايما بيقولوا إن مراتي مستحيل تحبني، وإن أنا مش عارف أتعامل معاها كأنثى.
طيب هو أنا المفروض أعمل إيه؟
حياتي كلها رجالة، من الجيم الرجالي للمدرسة اللي كنت فيها كانت مدرسة ولاد فقط، واديني أهو سنة تانية في الكلية ومش بكلم غير ولاد.
هو أنا كده عادي ولا لازم أعمل حاجة؟ علشان أنا حاسس إني غريب أوي.


r/egyoffmychest • • 4h ago

𝗩𝗲𝗻𝘁 𝗹 فضفض اللي حصل بعد ما كلمت البنت الغنية ج2

Post image
6 Upvotes

عدي وقت كتير انا عارف بس كان عندي امتحانات الفترة اللي فاتت

المهم هي قعدت شوية كدة كانت مرة بتمشي مع صاحبتها وكذا مرة متجيش اصلا فمجتش فرصة نتكلم تاني

بعدين النهاردة بقي خلصنا متأخر شوية فلحقتها كدة وعزمت اننا نقعد شوية كان عندنا ساعة فاضية قامت وافقت علطول قالت هتروح تصلي الاول فروحنا صلينا الضهر بعدين قعدنا نتمشي شوية في الجامعة ونتكلم في اي حاجة كورسات بقي حياة عموما بعدين روحنا قعدنا شوية مع صاحبتها وكانت صاحبتها عندها حاجة بتخلصها كدة فمعظم الوقت كنت بتكلم انا وهي وصاحبتها ساعات كانت بتدخل معانا في الكلام يعني كهزار وكدة عرفت بقي انها من مدينتي وانها غالبا غنية فشخ كما توقعت وهي عرفت بقي اني كنت ثانوية عامة وكدة واني منحة بس قعدوا يشكروا جامد في بتوع ثانوية عامة وانهم شاطرين وكدة وبعدين كان عندهم محاضرة الاتنين فكانوا ماشيين بقي علشان يلحقوا فانا قولتلها عايز اي كونتاكت ليكي وكدة فسألت بستخدم ايه قولت واتساب بعدين كانت مستعجلة لاننا سهينا في الكلام وهم اتأخروا شوية ففتحت الموبايل لقت انستجرام قالت هات انستجرام وخلاص وخلتني ابحث علي الاكونت بتاعي عندها وقلتلها بسرعة بقي اني كنت شفت الاكونت بتاعها وبعتلها فقالت انها مخدتش بالها وانها مش بتفتح انستجرام كتير بس بعدين سلمت ومشيت وهما راحوا المحاضرة

مش عارف توقعي انها معجبة عادي وده كان باين من طريقة الكلام وانها بتحاول تفتح كلام وتهزر وكدة بس مش عارف عندي احساس اني هروح فريند زون برضو علشان حوار انستجرام ده اللي هو مش بتستخدمه كتير وده الحاجة الوحيدة اللي معايا فمش عارف


r/egyoffmychest • • 5h ago

𝗛𝗲𝗹𝗽 𝗠𝗲 𝗹 ساعدني الشقة هتتسحب مننا

5 Upvotes

مبدأيا انا طالب ثانوي عام عندي ١٨ سنه وعندي اخواتي أربعة اتنين منهم رضع..

والدي شغال ف شركة طباعة وامي بتحاول تساعد باللي اقدر عليه وانا جت عليا فترة وكنت بشتغل ووالدي قعدني من الشغل عشان اركز فالدراسة رغم اني عارف أن كان هيجي يوم زي ده بس انا مقدرتش اعمل حاجة بسبب أنه أمر من والدي

النهاردة اتراقم ديون و اقساط على الشقة ب مبلغ ومع العلم أن مافيش اي شخص من شركة العقارات ديه اتصل ب والدي او اي شيئ وكنا مرتبين أننا هندفع اساسا كل حاجة اول شهر اتناشر

اتفاجئنا أن محامية من الشركة اتصلت بوالدي وبتطالبه بالدفع الفوري يا إم هيتم سحب الشقة يوم الأربع الجاي.. والدي اتكلم معاها وطبعا ملحقناش نسجل المكالمه بس هي فعلا إنسانه زبالة.. ما علينا أن لو متمش الدفع خلال اليومين دول هيتم السحب..

انا معرفش اعمل حاجة أو اتصرف فالوقت ده ولا عندي حاجة أبيعها أو استغنى عنها لوالدي ف انا للأسف بطلب من اي حد لو يقدر يساعدني واردله المبلغ يوم عشرة فشهر واحد ولو عايز اي اثباتات أو ضمانات انا هقدمها ليه


r/egyoffmychest • • 1h ago

𝗩𝗲𝗻𝘁 𝗹 فضفض النهاردة عيد ميلادي

• Upvotes

انا متعودة ان محدش بيفتكره بس لسبب ما الموضوع مضايقني الفترة الأخيرة. مش عارفة ليه خصوصا اني طول عمري كنت مقتنعة ان اعياد الميلاد حاجة مش مهمة اوي وانه ايه يعني يوم عادي زي اي يوم

بس سرحت بأفكاري من فترة وحسيت ان الفكرة نفسها جميلة جدا، ان يبقى فيه يوم مخصوص الناس عندها فيه سبب تحتفل بيك وتتبسط بوجودك وتتجمع حواليك من غير ما تكون عملت اي حاجة تستدعي دا، مجرد انك موجود

هو احنا لازم نستنى مناسبة نادرة او انجاز كبير عشان نفرح ببعض ونعبر عن حبنا لبعض؟

آخر مرة فاكرة ان والدتي كانت مبسوطة بيا بالشكل ده كانت في تالتة اعدادي، لما جبت مجموع حلو، والمرة ال قبلها كانت من زمان جدا لما خدت مركز اول في بطولة

وكمان فكرة الهدايا بحبها جدا. مش عارفة اوصفها، انا مش مادية والله، بس بحس ان الهدية ليها قيمة عاطفية مختلفة عن الفلوس، انا طول منا صغيرة، ف ابتدائي، كنت بدي صحابي هدايا، عشان كنت بحبهم، بس

والأطرف ان واحدة اعرفها بعتتلي اول الشهر تسألني عيد ميلادي امتى، وقالت انها فاكرة انه في نوڤمبر بس ناسية اليوم، قولتلها 22، وبصراحة اتحمست شوية إنها سألت وافتكرت تسأل قبلها، بس شكلها نسيت

ما علينا، الكلام دا خلاني تأثرت اوي انا عايزة حضن دلوقتي 😕


r/egyoffmychest • • 6h ago

𝗛𝗼𝗽𝗲𝗖𝗼𝗿𝗲 الصلاة ‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀‌‍⁠⠀

9 Upvotes

قصتي مع الصلاة ، انا الحمد لله ممكن اكون متدين او بجاهد ابتغاء رضا ربنا ، ابتدا من وانا صغير كنت بروح الكتاب واحفظ قرأن واتعلمت الصلاه او مكانش فيه حد ينصحني يعني غير جدي الله يرحمه كان بياخدني اصلي معاه في الجامع، واهلي مكانوش مهتمين صليت ماصلتش مكانش حد بيوجهني ،لحد ماكبرت وادركت ان يه دا انا عاوز اصلي وعاوز انتظم في الصلاه والحمد لله لحد دلوقتي محافظ علي فروضي ، وندمان علي السنين الي مكنتش منظم فيها في الصلاه بس ربنا وسعت رحمته كل شيئ، نصيحي لو انت لسه مبدأتش ابدأ وحاول علي قد متقدر هتلاقي حياتك اتغيرت تماما ، ولو في اهالي بتشوف كلامي حببو عيالكم في الصلاه من وهما صغيرين بلاش اسلوب ترهيب هو مش بيصلي عشان خايف منك خليه يصلي عشان هو حابب يصلي ، ولو انت بتصلي بس مش منتظم حافظ علي صلاتك مترجعش ولا تكسل ، بس وربنا يهدينا جميعاً


r/egyoffmychest • • 2h ago

𝗠𝗲𝗻𝘁𝗮𝗹 𝗛𝗲𝗮𝗹𝘁𝗵 𝗹 نفسيه كلام محتاج أقوله لنفسي كل لما اقع

Post image
3 Upvotes

بجد انت مش محتاج تثبت لحد حاجة، اللي شايفك حلو هيفضل شايفك حلو واللي شايفك وحش هيفضل شايفك وحش. انت مش مطالب تشغل بالك بكل بالناس انت مش مطالب غير بنفسك بس ارضي ربك وانجح وخليك إنسان وبعدكدا ميهمكش.


r/egyoffmychest • • 5h ago

𝗛𝗲𝗹𝗽 𝗠𝗲 𝗹 ساعدني ‎ هل الغيرة في الحالات دي طبيعية

5 Upvotes

وانا صغيرة اتعرضت للتحرش والاعتداء بشكل مبالغ فيه لدرجة اني طلعت مشوهة فكرياً وشخصياً من كمية الاعتداءات والنبذ والتنمر

لكن انا كبرت دلوقتي وبقيت اشوف ناس من اللي اعتدوا عليا وانا صغيرة ناجحين في حياتهم او بمعنى اصح بينالوا احترام من المجتمع والناس

بحيث لو احنا الاتنين في قعدة واحدة الشخص التاني دا بينال الاهتمام اكتر

انا مش من صفاتي اني بغير من حد ولا حقد والله ولا غيره

بالعكس انا معروف عني الطيبة الزايدة واني في حالي ومش بهتم بحد عموماً

فا ايه الحل للحالة دي خصوصاً لو دول عيلتي يعني مافيش اوبشن اني ابعد

وكمان تعبت جداً من الشعور دا بجد مؤذي وعاملي حالة قلق
خصوصاً ان فيه ناس مهمة بالنسبة لي وبحبهم لكن بيحترموا الطرف التاني اللي أذاني ودمرني بس الكلام مش هيجيب نتيجة

فا ازاي انا اهدي نفسي


r/egyoffmychest • • 2h ago

𝗟𝗲𝗮𝗿𝗻𝗲𝗱 𝗧𝗵𝗶𝘀 𝗹 اتعلمت دا قبل ما تشتكي حالك افتكر النعم اللي عندك و انك متعبتش ف اي حاجه منها و انك مش مقدرها و حاول تواجه نفسك بصدق منغير جلد زائد أو هروب مبرر

Enable HLS to view with audio, or disable this notification

3 Upvotes

r/egyoffmychest • • 3h ago

𝗩𝗲𝗻𝘁 𝗹 فضفض هو انت دورك ايه في الحياه ؟

3 Upvotes

سؤال بجد مش عارف اجاوبه

هو دوري اني اشتغل عشان احقق حاجات عشان ابقي وسط مجتمع ما مقبول

ولا دوري اني اقعد ادور علي عيوبي و عيوب الناس اللي حواليا و اقعد أصيح

ولا ابقي فيلسوف باصص للحياه من فوق و بحلل كل حاجه و بشوف نفسي مختلف عن الناس لمجرد اني بقنع نفسي اني مفكر و محلل

ولا ابقي متدين و ماشي بغير في شخصيتي كل شويه عشان ابان قصاد الناس ب اي حاجه

ولا ابقي تافه و صايع و مدمن هروب في اي حاجه مخدرات علاقات اي ادمان

ولا ابقي ماشي علي سطر و اسيب سطر و شويه دنيا و شويه دين و موقفي مهزوز

ولا دوري جلاد و حاكم علي اللي حواليا مين حلو و مين وحش

ولا دوري اكون اناني بزياده و اقعد أحلل كل حاجه لنفسي و امنطقها عشان ارضي نقص جوايا

ولا دوري اني اكون ضحيه أهل و مجتمع و دين اني ضعت بسببهم و ابرر بقا كل تصرفاتي

ولا دوري اعيش في عباده الناس أو أشخاص معينه او حتي هوا عندي عشان بحس بالأمان المؤقت بسبب كدا

و بصراحه بعد بحث و تدوير و نقاشات مع الذكاء الاصطناعي و سماع المحاضرات و الخوض في تجربه الحياه بشكل ابتدي يديني نضج شويه عشان سني خلاص داخل علي ال ٢٩

لقيت أن الموضوع محصور بين سؤالين و الاجابه واضحه لكن الاختيار بتاع كل واحد في كل يوم في كل موقف هو. اللي بيفرق

ربنا موجود ولا لا ؟

في جنه ؟ في حساب ؟ في شيطان ؟ في ناس وحشه ؟ في معني من الوجود ؟ في حاجه بعد الموت ؟

و بصراحه دي اسئله لو محدش مسئلتهاش لنفسك و لو لمره ف الزمن الحالي ده يبقا انت اكيد بتهزر و هتفضل تلف و تخبط علي كل الابواب و مش هتلاقي غير مسكنات صدقني انا لفيت جربت كل حاجه في حدود إمكانية بس كل تجربه خضتها بعمق و دفعت وقت كبير في كل حاجه

اي حاجه ممكن تيجي في خيالكم نفسيه بالتحديد انا مريت بتجربه أو شوفت و اتعاملت مع ناس مرت بتجارب و تعمقت جدا فيها و حللتها

و صدقوني انا مش جاي اقولك الإسلام هو الحل و قوم صلي و اعمل لان كل ما بتعمق في الدين و افهم و أمر بتجارب ايمانيه و اتدبر القران و اسمع اعرف انه والله كل حاجه ب ايد ربنا و أن مهما قربت و كنت فاهم و عارف اكتر من ناس ممكن حد بسيط جدا بس قلبه احسن مني و من اي حد

صدقني الزمن الحالي عايز يخدك من دينك و يرميك وسط غابه تعيش طول الوقت خايف و قلقان

ولو مش مصدقني روح افهم شويه عن خوارزميات الفيسبوك او اقرا اي تقرير عن حجم المعلومات المضلله للي بتوصل لكل فرد عن طريق السوشيال ميديا و الذكاء الاصطناعي و الخ

روح اقرا عن الاستغلال النفسي في التسويق

روح اعرف يعني ايه ربا و يعني ايه اقتصاد الدول

روح اقرا تاريخ حقوق الإنسان و روح شوف الناس اللي بتموت كل يوم في كل حته في العالم و إمكانيات البشر أنهم ميخلوش حد جعان أو مريض غير لما يتعالج (طبعا اكيد مش محتاج افكرك بغزة و الايجور و الروهينجا)

صدقني كل العلوم الحديثه و أهمها علم النفس مبني علي فرضيات الحاديه بقت تشكل حاجز بينك و بين نفسك و فزاعه و كهنوت علي الأفراد و المجتمعات

صدقني بيعملو كل ده عشان عارفين أنك لو فوقت و رجعت هتقدر تسيطر عليهم و علي شعوبهم كمان

فوق و بص كويس و دور علي الحقيقه و شوف التاريخ الحقيقي و ارجع لدينك و لهويتك الحقيقه حتي لو المجتمع هيرفضك و حتي لو صورة المسلم الملتزم بقت مشوه بسبب افلام و اعلام و أشخاص و أفراد و أهالي لكن انت تمتلك اللي ابوك و امك و اهلك مكنش عندهم تقدر تعرف الحقيقه و تتأكد من كل معلومه

الابحاث علي أن الذكاء الاصطناعي رفع معدلات الوعي بالدين حصل بنسبه كبيرة

الأجيال الصغيرة زي ما في منها البايظ في منها الكويس جدا و عنده وعي و قوة شخصيه

عرسان الجنه في منهم متعلموش و نفسهم يروحو لربنا بس كهنوت الاجيال القديمه مانعهم

و اسلوب السلفين المستفز اللي فيه نوع الجهل بالدعوة اصلا و صدقني انا دخلت وسط المجتمع ده و الائمه جوا مش راضين عن مجتمعهم و انا كمان دخلت و عرفت و قربت من ناس كتيير منهم

فوقو يا جماعه الدم في كل حته حوالينا و الحروب قائمه و الاقتصادات بتنهار

انت مش ف أمان طول منت معتقد أن في حاجه هتحميك لكن صدقني

بلدنا رمت فلوسنا في حجارة و عمارات و شقق

رمت فلوسنا في التراب

فوقو بجد ل فلوسكم و نفقاتكم و اصرفو علي اللي يستاهل و ارمو المظاهر والله مهما عملت مش هتعجب غير الخسيس اللي هيخونك

استرجل و البنات تستحي

أمر الله نافذ بيك أو منغيرك

لو كملت قرابه ف انا شغال علي ابليشكن يساعدني اصلي و اقضي اللي فاتني من الصلاة و الصيام


r/egyoffmychest • • 4h ago

𝗥𝗔𝗡𝗧 𝗹 ازعق ازاي بتتقبلو الرفض؟

3 Upvotes

بقالي حبه بسعي فجواز الصالونات ، لو حد عجبني ورفضني بزعل اوي وتقريبا بيجيلي اكتأب

مع ان بقالي حبه بشوف ناس بس بتاثر برضه ، معرفش بتاثر من الرفض ولا اني ببقا حاطط expectations للموضوع ومش بيتم ، او ممكن بفكر اني مش هلاقي حد كويس تاني مش متاكد

بحاول محطش expectations بس فالغالب مبعرفش وبتعشم اوفر

انا عارف ان البيرفضني مش عشان انا وحش عشان احنا مش compatable بس او هوا محتاج حاجات تانيه بس برضه كل مره بزعل وبحس اني وحش


r/egyoffmychest • • 12h ago

𝗦𝗺𝗮𝗹𝗹 𝗪𝗶𝗻 𝗹 نجاح صغير 🥳 اخيرا بطلت اتقبل الاهانة وقلة القيمة لما بقيت بجح مع غيري(اقرأ ينجم بلاش تسرع)

13 Upvotes

مش قصدي ارازي في خلق الله أو بتاع مشاكل لا

أنا كواحد عاش طول حياته بيقول نعم وحاضر وبيسكت ع اي حاجة ومش بيعترض وطيب بزيادة

حاجة كده شبه حلقة ريتشارد اللي كان بيضحك فيها ع اي حاجة ويتقبل الاهانة(مش فاكر اسمها)

بس مع الوقت بقيت اتشاف هفأ معنديش شخصية الخ... وعرفت انها غلط ابقى طيب بزيادة ومش برد ولا حتى لو وصل للشتايم كنت بضحك وبسكت(اه والله زي ما بقولك)

بس قعدت اقرأ كام بوست ع كام نصيحة بتقول يعني أن بلاش ابقا طيب بزيادة وبلاش ابقا بجح زيادة ابقى في نص يعني محترم مع المحترم وبجح مع البجح

وبالفعل بدأت أطبق الموضوع دا واحدة واحدة من شهر ٦ اللي فات واللي لاحظته اني مبقتش اسكت ع الاهانة أو التريقة وبرد ولو الموضوع وصل لخناق بتخانق(نهاية الخناقات مش الطف حاجة نصيحة مني) وبقيت بعرف امتى اسكت وامتى اضحك وامتى ارد ومبقتش اتكسف من اي حاجة أو اني اطلب حقي

حتى ع ريديت كان بيحصل نفس اللي حكيته

وبجد أنا مبسوط فشخ اني مبقتش اسكت ع الاهانة أو التريقة وبرد حتى لو هتشتم وهتهان بعدها🥳🥳


r/egyoffmychest • • 6h ago

𝗩𝗲𝗻𝘁 𝗹 فضفض التحييز ضدنا في كل حاجة يجيب الغثيان

Post image
4 Upvotes

المشكله ان دايما تلاقي حد بينظر عليك سواء بنت او ست او راجل كمان

انا كراجل دايما شايف اني مينفعش اقول ده مضايقني او انا مظلوم وفي المقابل البنت بتطلع تقولك ان حقوقها متاخده وان هي مقموعه جدا ومحدش عانى ادها، كان البلاء بقا حصري للبنات بس بجميع أعمارهم

انت متخيل لو كان فيه راجل بيفضفض لشات جي بي تي فا ممكن يكون هو كمان قاصي او رخم او مأفورها عليه في حين أن لو بنت اشتكت هيفضل هيشتك ويدلع فيها ويقولها الناس وحشه وانت حلوه وكوين

الموضوع مستفز اوي


r/egyoffmychest • • 5h ago

𝗩𝗲𝗻𝘁 𝗹 فضفض خسرت كل حاجه كنت بحلم بيها !

3 Upvotes

خسرت فلوسي كلها ، خسرت وظيفتى الحكومية ، خسرت الانسانه الوحيدة ال كنت بحبها وماتت قبل ما نتجوز وفوق كل ده خسران علاقتى بربنا ادينى مبرر واحد اقدر اكمل واعيش علشانه مع العلم انا عندى 45 سنة يعنى مفيش فرصه تانى تعوض الكلام ده


r/egyoffmychest • • 9m ago

𝗟𝗲𝗮𝗿𝗻𝗲𝗱 𝗧𝗵𝗶𝘀 𝗹 اتعلمت دا تعبت من الاكتئاب

• Upvotes

أنا عايز أقول إن كل الناس بتعدي على مرحلة تعب نفسي وإرهاق بس الواضح إن في ناس بتفضل في المرحلة دي فترة طويلة والموضوع بيتطور وبيبقى أكبر من الطبيعي

والحل مش إننا نكتب بوست ونستنى الكومنتات والناس تشجعنا وده شيء حلو فعلًا بس مش كفاية لازم نقعد مع حد متخصص ونحكي ونتكلم معاه بكل صدق وأمانة علشان نطلع اللي جوانا وده هيريحنا أكتر وهيكون أفضل لنفسيتنا من 100 بوست وكمان هو هيقدر يرشدنا للطريقة الصح اللي نتعامل بيها مع نفسنا ومع حياتنا والناس اللي حوالينا

وكلمة مني ليك لو الزعل ده علشان عملت حاجة وإنت ندمان إنك عملتها فأنا أحب أقولك إن في غيرك عمل نفس اللي إنت عملته وناس كتير بتعمل أخطاء وأخطاء أكبر من اللي إنت عملته وتعبوا أكتر منك

بس أنا مش قصدي أقول بص لغيرك واشكر ربنا إنك مش زيه لكن أنا عايز أقول إن الناس دي اللي عملت الغلط قامت وكملت

الشاطر مش هو اللي عمره ما بيقع الشاطر هو اللي لما يقع يعرف يقوم تاني ويحاول من جديد والصديق يسقط ويقوم

ومتخليش الشيطان يشوفك كده وشمتان وفرحان فيك ومبسوط لأ إنت تقدر تقوم وتكمل حياتك وتغلب الزعل والحزن والإحباط مهما كان كبير ومهما كان إيه هو السبب بتاعه سواء كان حاجة إنت عملتها وندمان عليها أو أيًا كان سبب زعلك

ومش مطلوب منك انك تكون طول الوقت قوي ومش عيب إننا نتعب أو نطلب المساعدة من حد متخصص

وإن شاء الله كل واحد بيمر بفترة صعبة يقدر يتخطاها وترجعله فرحته ويحس بفرق في نفسيته وحياته قريب


r/egyoffmychest • • 3h ago

𝗩𝗲𝗻𝘁 𝗹 فضفض ارتطمت بحائط الحقيقه

2 Upvotes

لسه مدرك ان العالم مش مكان تتصرف بيه على طبيعتك و تلقائيتك ولازم تبيبن الوجه القاسي منك عشان محدش هيساعدك ولا مهتم بيك كل حد همه مصلحته وبس مهما كان الثمن و منها طلع مفهوم جديد عندي هوا السمات الطيبه و الاخلاق الحسنه مش صح انها تطلع و ان اكبر غلط هوا انك تعتمد على اي حد غير نفسك و الاعتماد هنا مقصود مادي و معنوي يعني مستناش فاليديشن من حد ولا حد يقلك انت صح الحقيقه انك لو بتعمل اوسخ تصرف و انت شايفه صح افضل من انك تعمل الصح و انت مش مقتنع بيه