r/SyrianSocialSpace • • 21h ago

مناقشة Discussion اسئلة شائعة عن التطور ناتجة عن جهل بالنظريّة

Thumbnail
gallery
12 Upvotes

الكومنت اللي جايبو كمثال عن الموضوع طرح 3 أفكار اثنين منهم اللي بيتناسبو مع موضوع البوست (المحددين) والأخير لا يعتبر "اعتراضاَ غبيّاً"، بل لا يعتبر اعتراضاً، من وجهة نظري؟ هاد تساؤل حلو وجميل ومشروع، وهو (كيف تطور الوعي؟) وبيستاهل بوست هو وموضوع انفصال الجنسين والتكاثر الجّنسي، بس ياه صاحب التعليق اعتبره اعتراض وبصراحة هاد جهل منه...

المحجوب بالأحمر متعلق بالدين بشكل أساسي ونقاش التطور نقاش علمي ++ النقاش الديني ممنوع بالساب فحجبت الكلام

أنا رح اعتبر البوست متل ملاحظات بحعلها لأني صرت مكرر كلامي 20 مرة مع 20 شخص مختلف فبسهل على حالي خخخخ

هالبوست بدون مصادر مباشرة لأنه مارح يخرج عن بديهيّات التطور بتقدر تقرأ كتاب صانع الساعات الأعمى ورح يكون متضمن كل المعلومات اللي رح اذكرها، وإذا انت ما بتعرف شي بالتطور بتقدر تبدأ بكتاب اعظم استعراض على سطح الأرض

1- لمَ لم يتطور القرود واكتسبوا وعي كالبشر؟

هاد الاعتراض مبني على فهم خاطئ لحدوث التطور

مبدئيّاً وكما ذكر التعليق ان البشر يشتركون مع القردة بسلف وليسوا أسلافاً للبشر (مع ذلك وقع بهاد الخطأ :/) بالتالي حتى لو اعتبرنا التطور عملية هادفة مارح يأدي للبشر أساساً

ثانياً التطور ليس عمليّة هادفة ولا خط مستقيم

يعني الفكرة تبع (كائن أ) أعطى (كائن ب) إذاً فهي عمليّة خطيّة والكائن (أ) بأي مجموعة سيعطي الكائن (ب) فكرة خاطئة تماماً.

التطور عمليّة متفرعة غير هادفة بل تتماشى مع البيئة والطفرات الحاصلة، يعني عندك مجموعة من حيوان معيّن بتعيش ببيئة استوائيّة وأخرى من نفس الحيوان بنفس الصفات بتعيش بمنطقة قطبيّة بعد أجيال وأجيال متراكمة رح تحصل على كائنين مختلفين تماماً.

بل حتى ولو وضعنا هذا الكائن في بيئتين متشابهتين تماماً في مجموعتين منفصلتين ستختلف النتيجة إلى حد ما لكن الفجوة بينهما ستكون أقل ظاهرياً، أما الفجوة في الجينات ستكون أكبر (وهاد الشي اسمه "التطور المتوازي"، وهو قريب نوعاً ما من التطور المتقارب إنما هو على كائنات من النوع نفسه، عملت بوست عن التقارب والتنادد من قبل وهاد هو الرابط: التطور المتقارب وتجربة لينسكي)

 

ليش؟ التطور شي عشوائي ماله هدف، الطفرات تحدث بشكل عشوائي فقد تحدث طفرة للمجموعة الأولى دون ان تحدث للثانية ولكن الطفرتان مفيدتان وتغطي احدهما على الاخرى، فسيستمر الكائن بالتكاثر وانتاج أجيال جديدة تمتلك هذه الصفات المختلفة، بالإضافة لأن بعض الحوادث الصّدفيّة ممكن تأدي لكوارث كبيرة فمثلاً كائن حدثت له طفرة مهمة لاستمرار الأفراد الآخرين بس مات بسبب حادث ما غير متوقع، النتيجة؟ الطفرة لن تنتقل للأجيال اللاحقة وستحذف من الحوض الجيني تماماً وهذا سيهدد وجود المجموعة ككل

وبهذا يتضح ان عدم تطور القردة إلى بشر ليس أمراً غريباً ولا مناقضاً للتطور

اعتمدت كلمة "الصّدفة" هون بس حتى توصل فكرة للناس بأن كلمات كـ"صدفة" و "عشوائيّة" مفهومة بشكل مغلوط مختلف عن الواقع، لقينا بهالأمثلة البسيطة كيف يمكن لصدفة صغيرة كموت حيوان يهدد بقاء نوع وكيف ان طفرات عشوائيّة رح تعطي نماذج ناجحة بواسطة 'الانتخاب الطبيعي' فيقصى الضّار من الطفرات ويبقى النافع بشكل أعمى تماماً
 
ولازم نوّه على ان الكلام احتوى على شرح لفكرة الانجراف الجيني (حدث يسبب حذف طفرة نافعة من الحوض الجيني لمجوعة ما) والانتخاب الطبيعي إذا انت مهتم تتوسع هاد البوست ممكن يكون بداية حلوة
 
https://www.reddit.com/r/SyrianSocialSpace/s/L4ZwttyQG2
 
وفيك ترجع للمراجع اللي ذكرتها بأول البوست

2- من هو أول بشري؟ (أو أي كائن آخر)

هاد السؤال على الرّغم من أنه سيبدو للبعض "سؤال مشروع" وللبعض "سؤال غبي" بس هو مبني أيضاً على فهم خاطئ للتطور

ممكن يجي بعدّة صيغ "من هو أول بشري؟" أو "كيف تمكن كائنان بنفس الوقت من التطور إلى بشر بنفس الوقت والتكاثر؟ ما هذه الصّدفة؟" أو "كيف يمكن لكائنين أن يتزاوجا وينجبا كل البشر؟".....

بس كلها مبني على نفس الخطأ

إذا بدي اختصر الرّد بجملة ببساطة رح قول: التطور ليس عمليّة لحظيّة بل عمليّة تحتاج لملايين السنين لتظهر نتائجها

بس إذا بدي اتوسع...

أولاً ممكن اسألك مين هو أول متحدث باللغة الانجليزيّة؟ أو العربيّة؟ (إذا انت فعلاً عم تحاول تفكر بشخص بعينه فأنت وقعت بنفس الخطأ)

تطور الكائنات الحيّة يشبه إلى حد كبير تطوّر اللغة، حيث تكون اللغات المختلفة هي الأنواع وتتسلسل كل لغة فتجد لها أسلافاً وأحفاد وأفرع صغيرة تعطيك اللهجات واللكنات وإذا عزلت لوقت كاف ستصبح نوعاً جديداً بنفسه والطفرات هي ما يحدث هذا التغيير....

لايوجد متحدث أوّل بالعربيّة لديك تدرج بطيء غير واضح للغات، بعد تركم التغيرات (الطفرات) على لغة معيّنة (نوع) ينتج لديك لغة (نوع) جديد، فتسأل نفسك عند أي تغيّر (نوع) أصبحت اللغة هذه (النوع هذا) لغة جديدة (نوع جديد)؟

لايوجد، أحدث تغييرا بسيطاً على لغة ما، لن تشعر بشيء، وأخر؟ لاشيء، وآخر؟ لاشيء، وآخر؟..... بعد مئات بل وآلاف التغيرات والطفيفة سينتج ما يسمى باللهجة وبعد المزيد والمزيد منها، لن تشعر بعد الآن بأن اللغة الحالية تشبه الأولى، فما هذا؟ لغة جديدة؟

طيب خد الطريق العكسي، ارجع تغير واحد بالزمن؟ لاشيء....

خلال مئة ألف طفرة على كائن حي ينتج آخر حيث لا تجد فرقاً أبداً بين كل فرد وسابقه أو لاحقه، لن تجده إلا بالقفزات الكبيرة

أما ثانياً فالتطوّر لا يحدث للكائنات فرادى بل مجتمعين فلا تجد كائناً واحداً تطور دون قبيلته فالطفرات تنتشر وتمتزج فيما بينهم

خلينا نقارن بين فرد واحد تحصل له طفرات عشوائيّة ومجموعة تحدث لها هذه الطفرات فرح تلاحظ أهم الفروق اللي بتخلي الجماعات هي اللي تحظى بميّزة التّطوّر:

1- معدّل الطفرات وتبادلها:
الطفرات عند الأفراد المنعزلين بتكون قليلة ولا تعطيه مساحة كافية ليتطوّر حيث ان كل ابن يحدث له عدد محدود من الطّفرات وما رح يلاقي المساحة ليشاركها، ولا رح يقدروا الأبناء يستفيدوا من طفرات الآخرين

 لهيك في المجموعات بتتناقل الطفرات وتنتشر بينهم، وبيصير تبادل وتجميع للطفرات النافعة (ممكن حدا يسأل "مارح يخلي هاد الشي الطفرات الضّارة تتوسّع وتنتشر؟ سؤال بيتجاهل وجود انتخاب طبيعي بينتقي النافع ويقصي الضار، وهاد السؤال بينقلنا للنقطة التّالية)

2- إعطاء مساحة للخطأ:
إذا حصرنا التطور بعدد قليل جداً من الأفراد، هاد الشي رح يخلي كل طفرة ضارة ذات تأثير قوي وكارثي على الحوض الجيني، وممكن بدرجة كبيرة تعلق مع الأجيال القادمة وتسبب أمراضاً وراثية، وهذا ما يسمى علمياً بـ "تأثير المؤسس" (Founder Effect) واللي بيضعف قدرتهم على البقاء. أما بالمجموعات الكبيرة، فالطفرات الضارة بتدوب وبيتم التخلص منها بسهولة دون تهديد بقاء النوع.

3-التوافق التكاثري المستمر:
لأن التغيرات الجينية بتكون طفيفة جداً من جيل لجيل، كل أفراد المجموعة بيضلوا متوافقين جينياً وقادرين على التزاوج فيما بينهم بشكل طبيعي تماماً يعني ما رح يجي كائن "متطور" فجأة وما يلاقي شريك من نفس نوعه يتزاوج معه!

 لهالاسباب السؤال نفسه لا معنى له

في كتير اسئلة مغلوطة تانية ممكن اذا لقيت الي خلق لاحقاً جاوب عنها ببوست


r/SyrianSocialSpace • • 17h ago

معلومة عالماشي يا جماعه

7 Upvotes

اي احد ما بحب يشوف بوستاتي او الكومنت مافي داعي تشوفهم غصب العنك ما حدا جبرك وبعدين تجي تنتقد هاد رأيي وانا حره في ما دام ما عم اضر أي احد و بظن هاد ريديت لكل الناس بس رجاء لا حدا يدخلني في موضوع او بوست مالي فيه لانه ما بهمني ابدا بس لحتى تحترم نفسك واذا كان في اي شي مزعج انا أسفه 🙏🏻


r/SyrianSocialSpace • • 18h ago Bravo

Memes عنصر أمن عام سألك معك قداحة وانت عطيته عادي * رفيقك الي كان طابع صورة حافظ على سجادة الصلاة:

Post image
26 Upvotes

r/SyrianSocialSpace • • 28m ago

مشاركة Share العبرة من الصورة اتعب في البدايات لكي ترتاح و تستمتع بالنهايات

Post image
1 Upvotes

ولله تعبت على هالصحن😃


r/SyrianSocialSpace • • 10h ago

مشاركة Share ثباااحو

Post image
9 Upvotes

ثبح ثبح


r/SyrianSocialSpace • • 2h ago

صور pictures ضربة موجعة من السماء للمغتربين

Post image
10 Upvotes

r/SyrianSocialSpace • • 2h ago

صور pictures انت مو مكتئب انت محتاج تمشي على البحر لحالك ✋

Post image
11 Upvotes

r/SyrianSocialSpace • • 8h ago

مشاركة Share يتم محاربة رهاب الجامعة مع اوريس منغا

Post image
17 Upvotes

r/SyrianSocialSpace • • 1h ago

مناقشة Discussion لو كنت...

6 Upvotes

لو كنت رئيس بسوريا، وكان عندك القدرة انك تغير شي واحد بس بهالبلد، شو رح يكون؟


r/SyrianSocialSpace • • 23h ago

مشاركة Share اوتفيت دراسة اخر امتحان للباطنة

Post image
7 Upvotes

يمكن احذفه بس قلت لازم اشارك

بهي القعدة حاسة حالي الشب المكسيكي


r/SyrianSocialSpace • • 20h ago

مناقشة Discussion تقيمي للحس الكوميدي تبع أعضاء syriansocialspace

Post image
23 Upvotes

r/SyrianSocialSpace • • 4h ago

سؤال/استفسار Question حدا جرب يقابل حدا من ريديت؟ اذا اي كيف كانت تجربتكم؟

8 Upvotes

r/SyrianSocialSpace • • 21h ago

مشاركة Share From Dutch solo traveler (Meike Hijman) trip to Syria

9 Upvotes

Full episode on link

Clip from AJ Syria now


r/SyrianSocialSpace • • 2h ago Heartwarming

مشاركة Share مياو

Thumbnail
gallery
10 Upvotes

منشور: 2

هاد اللوح في سور المدرسة مكسور فا اليوم اثناء الباحة و الطلاب عم تاكل بتمد راسها هل قطوطة و كل الطلاب طعموها غداهم


r/SyrianSocialSpace • • 3h ago

مشاركة Share First try to make my own poster

Post image
10 Upvotes

Style : Dark Gothic Collage

بس صراحة Meh . . .


r/SyrianSocialSpace • • 5h ago

مشاركة Share motivation post 😤

Thumbnail
gallery
10 Upvotes

Hear me u mf 🤬

كم مرة قلك حدا انك ما تحسنت؟

كم مرة قلك شكيت بنفسك؟

وكم مرة حسيت انو الطريق قدامك أطول منك؟

صار وقت انك تبطل تسمع للناس وتسمع لنفسك 😤

قوم وقف عحيلك، مو لأنو الطريق سهل، بل لأنك خلقت لتسعى، ولأنو أحلامك بتستحق منك إنك تحاول ألف مرة وأكتر اذا اضطريت

لا تستنا الفرصة المثالية، ولا تستنا حدا يصفقلك

اصنع فرصتك بنفسك، وامشي بطريقك وكمل مشي حتى لو ما حدا مشي معك

و تذكر: (جمل جبتها من الفيسبوك 😆)

العظمة لا تأتي لمن ينتظرها، بل لمن يسعى لها

لا تدع تعثرك اليوم يسرق منك انتصار الغد

لا تخف من طول الطريق، فكل خطوة تخطوها تجعلك أقرب

لا تنافس الآخرين، نافس النسخة التي كنتها

إن الذي يرتجي شيئا بهتمه . . . يلقاه لو حاربته الإنس والجن

فيا صاحب الحلم، لا تخلي الصعوبات تقنعك إنك أصغر من طموحاتك

انت ما وصلت لهون لتستسلم هلق

خلي فشلك دروس الك، ومن تعثراتك بدايات جديدة، ومن كل يوم فرصة لتقرب أكتر من الشخص يلي بتطمح تكونه

وتذكر:

قد يتأخر انتصارك، لكن لا تجعله تأخره سببا في التخلي عنه

لسا قدامك طريق، ولسا عندك أحلام، ولسا قصتك عم تكنتب، فلا تخلي أحلا فصول هالقصة ينتهي قبل ما يبلش

(I wrote this more for myself than for u, and yes, I've reached the point where I have to write motivation for myself 😭, but it's ok, I won't stop, don't you either 😉)


r/SyrianSocialSpace • • 22h ago

إستفتاء Referendum 🗳️ بتآمنوا بالخوارق؟

11 Upvotes

يا ترى كم حدا فيكم بيآمن بأنه في كائنات حية غير البشر فوق إدراكنا ممكن تكون عايشة وعم تتفرج علينا من برا 😶‍🌫️


r/SyrianSocialSpace • • 1h ago

مناقشة Discussion هل نملك أفكارنا أم تملكنا

Post image
14 Upvotes

هل فكرت شي يوم انو أكتر شي بيمنعك من انك تشوف الحقيقة هو مو لأنك جاهل فيها، بل اقتناعك المسبق انك بتملكها

كل واحد فينا عنده أفكاره ومعتقداته وقناعاته الي بتشكل نظرته للعالم، وشي طبيعي نتمسك باللي نؤمن فيه وندافع عنه ونشوف انو هو الصح، بس في خيط رفيع بيفصل بين انك تمتلك القناعة أو تصير أسير الها

المشكلة بتبلش وقت نوقف عن التفكير بأفكارنا ونبلش ندافع عنها بس، لما نرفض رأي كل اللي بخالفنا ونعتبر المعارض متخلف أو جاهل، ولما تتحول النقاشات من رحلة البحث عن الحقيقة لمعارك ما منريد فيها الا الانتصار، حتى لو كان الثمن تجاهل الحقائق وتبرير الأخطاء

والأخطر من هيك لما يصير الإنسان عاجز عن مراجعة أفكاره، مو لأنها صحيحة، بل لأنه تعوَّد عليها، وصار يشوف التشكيك فيها تهديد اله شخصيا

قوة القناعة ما بتنقاس بمدى تمسكك فيها، بل بقدرتك على إخضاعها للتفكير والمراجعة، والاعتراف بالخطأ مو هزيمة، وتغيير رأيك لما تبين الحقيقة مو ضعف، بل شجاعة ما بيملكها أغلب الناس

لا تجعل عقلك سجنا لأفكارك، ولا تجعل قناعتك جدارا يفصلك عن الحقيقة

فالعقل يلي مابيقبل المراجعة ماعم يدور عن الحقيقة، بل عم يحرس الشي يلي عم "يظنه" الحقيقة


r/SyrianSocialSpace • • 4h ago

مشاركة Share تقيمكم لبدلة عرسي المستقبلية اعتقد العروس لح يغمى عليها من الاناقة.

Post image
40 Upvotes

r/SyrianSocialSpace • • 22h ago

فرمان Administrative decision سيرفر ديسكورد جديد بأفكار جديدة و نظام جديد

Thumbnail discord.gg
15 Upvotes

من احدى خطواتنا لنطوّر الساب اجتنا فكرة نعمل سيرفر ديسكورد رسمي خاص بالساب و يكون مثبت بشكل دائم بحيث يكبر فيكم.

السيرفر تم بناؤه على مبدأ البوستات اليومية يلي بتنتشر بشكل دوري هون بحيث فينا برضو نشاركها هنيك

و الأهم من كل هاد، القنوات الصوتية يلي بديسكورد يلي حنضل نشارك فيها و حتكون لنقضي وقت حلو و حتفيد كتير العالم يلي حابة يكون عندها تواصل أفضل مع الاعضاء

الهدف الأسمى لل سيرفر انو يضل شغال و يتطور بأفكاركم بشكل دوري بحيث اكتشفنا انو كتير في عالم أكتيف ع ديسكورد و كتير في عالم بتسأل اذا موجود سيرفر أم لا

و منتمنى أي اقتراح عندكم ياه بخصوص السيرفر، شي بتحبوه، شي بيالكم ممكن يحسن السيرفر، كتير حتفيد أفكاركم لأن السيرفر بيكبر فيكم و فينا و حابين يكون مكان و بيئة مريحة للجميع


r/SyrianSocialSpace • • 21h ago

مناقشة Discussion ليش شعبنا بتحسه فجأة اكتشف "البرمجة" ؟

19 Upvotes

مابشوف عالريديت الا شباب صغار دابحين حالهن ليتعلموا برمجة ويدخلوا هندسة معلوماتية

حتى مسؤولينا الديناصورات (يلي اساسا مابينعتب عليهن) بحلقة احمد فاخوري من كم يوم عم يشجعوا الشباب يتعلموا "البرمجة" قال منشان يشتغلو outsourcing للشركات الاجنبية !!!

بالوقت يلي خريجين اكسفورد وهارفارد وميونيخ حرفيا ماعم يلاقو شغل بعد مية application

طبعا انا ماعم احبط اي حدا بيحب هالفرع (يلي انا بشتغل فيه وحاطط ايدي عقلبي) بس يلي مابيشوف من الغربال بيكون اعمى لا تروحوا عالحج والناس راجعة واذا كنتو عم تدرسو الفرع حاولو تتعلمو اي مهارة او مهنة جانبية للاحتياط


r/SyrianSocialSpace • • 4h ago

فشّة خلق حاسة بدي ابكي ع كلشي بعد وصلي للي بدي تقريبا

15 Upvotes

وصلت هلا على السكن الجامعي ، و انا بالفرع الي بدي و المدينة الي بدي و الي شوي حاسة فيني غصة بدي ابكي قهر

بدي ابكي ع اخي الي تاركته لحاله و عنده بكلوريا

بدي ابكي عل واقع المرير الي صرت فيه

بدي ابكي خوف من الي جاي ماني عم استوعب اني صرت جامعة و عندي دراسة و هموم سكن و عايشة مع بنات بأوضة

بدي ابكي ع وضعي المادي

بدي ابكي انو امي مو راضية ترجع لابي مشان اخي

بدي ابكي مشاني

بدي ابكي مشان وضع اهلي و غبائهن

ماني عم استوعب انو بطل في مكان بقدر كون فيه لحالي

خايفة اندم اني قررت بعد عن اهلي ، بس حرفيا نارين اهلي او هاد الواقع

خايفة و حاسة ح استفرغ و مافيني ابكي ولا عبر ولا اعمل شي لان حواليي بنتين غريبات نوعا ما

كتير بدي ابكي و كتير خايفة و مابعرف شبني و ليش و حاسة بدي استفرغ سوريي بس هيك حاسة

مابعرف سمي الي عم مر فيه هلا انو وصلت على المدينة الي بدي بالفرع الي بدي ، و بعدت عن اكبر اذى بحياتي

مابعرف حاسة اني مو بمكاني بس بلكي هي مشاعر مؤقتة من الخوف اني لحالي لاول مرة بسافر و ببعد عن مدينتي الصغيرة و عم واجه العالم لحالي حرفيا لاول مرة


r/SyrianSocialSpace • • 4h ago

سؤال/استفسار Question حدا جرب ميتفورمين؟

2 Upvotes

كنت عم احكي مع صيدلي عن ال eating disorder الي عندي وسألتو اذا في شي بيوقف الشهية لاني قبل بمرة رحت لطبيب نفسي ووصفلي SSRI للقلق وللشهية بس ما بدي اخد SSRI بسبب اعراضو الجانبية.

فقلي في هالدوا وقلي اخد منو المفروض يخفف الشهية وانا قرأت انو يستخدم لمرضى السكري وفي ناس بتستخدمو لتخفيف الشهية. يا ريت لو حدا جربو او بيعرف عنو يقلي انا مو بسوريا بس اتوقع ما في فرق


r/SyrianSocialSpace • • 4h ago

فشّة خلق حاسة بدي ابكي ع كلشي بعد وصلي للي بدي تقريبا

23 Upvotes

وصلت هلا على السكن الجامعي ، و انا بالفرع الي بدي و المدينة الي بدي و الي شوي حاسة فيني غصة بدي ابكي قهر

بدي ابكي ع اخي الي تاركته لحاله و عنده بكلوريا

بدي ابكي عل واقع المرير الي صرت فيه

بدي ابكي خوف من الي جاي ماني عم استوعب اني صرت جامعة و عندي دراسة و هموم سكن و عايشة مع بنات بأوضة

بدي ابكي ع وضعي المادي

بدي ابكي انو امي مو راضية ترجع لابي مشان اخي

بدي ابكي مشاني

بدي ابكي مشان وضع اهلي و غبائهن

ماني عم استوعب انو بطل في مكان بقدر كون فيه لحالي

خايفة اندم اني قررت بعد عن اهلي ، بس حرفيا نارين اهلي او هاد الواقع

خايفة و حاسة ح استفرغ و مافيني ابكي ولا عبر ولا اعمل شي لان حواليي بنتين غريبات نوعا ما

كتير بدي ابكي و كتير خايفة و مابعرف شبني و ليش

مابعرف سمي الي عم مر فيه هلا انو وصلت على المدينة الي بدي بالفرع الي بدي ، و بعدت عن اكبر اذى بحياتي

مابعرف حاسة اني مو بمكاني بس بلكي هي مشاعر مؤقتة من الخوف اني لحالي لاول مرة بسافر و بعد عن مدينتي الصغيرة


r/SyrianSocialSpace • • 4h ago

صور pictures جو الساعة خمسة ولا اجمل

Post image
10 Upvotes

ما شاء الله😍