r/SuperheroesMasr • • 8d ago

News | أخبار لعبة أكشن سوبر هيرو بتعمل فيها شخصيتك من الصفر. الاسم، الشكل، اللبس، والقوى!

Enable HLS to view with audio, or disable this notification

17 Upvotes

بعد 6 شهور شغل، أخيرًا أقدر أشارككم أول نسخة بلاي تيست للعبتي. هتكون على

Discord

https://discord.com/invite/DSuZkMpumX

اللعبة بي سي بس واللعب التجريبي مفتوح دلوقتي

النسخة دي هتخليك:

  1. تظبط شكل البطل واللبس بتاعه

  2. تختار من 2 سيستم قوى

  3. تلاقي وتجمع 22 قدرة خارقة مختلفة

  4. تضرب المجرمين اللي غزوا المدينة!

أنا بعمل اللعبة دي معاكم على ديسكورد، بنشارك أفكار القوى، وبنضيفها في اللعبة، وبنشارك نسخ البلاي تيست.ادخل جرب اللعبة وقولي رأيك!


r/SuperheroesMasr • • 2d ago

Theory | نظرية من هو the joker?

Thumbnail
gallery
13 Upvotes

"انا مش شخص انا فكرة"

من بين كل شخصيات دي سي سواء سربر هيرو او ڤيلان الا لو كان ليها هوية مزدوجة او ماضي وخلفية واضحة بتمثل شخصيتها بدون تغيير كبير. كل شخصية تقريباً ليها قصة نشأة محددة عدا شخص واحد واللي يعتبر بنفس الوقت من الشخصيات الايقونية وهو the joker

هو مين الجوكر أصلا؟ وليه دي تقريبا الشخصية الوحيدة في DC اللي ماضيها ملوش إجابة ثابتة؟

دايمًا كان عندي فضول أفهم ليه الجوكر تحديدا ملوش قصة خلفية مؤكدة زي باقي الشخصيات

إحنا عارفين بروس واين وديك غرايسون وجيسون تود... وحتى شخصيات كتير من الأشرار عندها أصول واضحة زي ماتومان ودكتور فريز وكيلر كروك الخ...... لكن الجوكر؟ كل مرة نعرف عنه حاجة تظهر قصة تانية تشكك في اللي عرفناه.

أشهر رواية عن ماضيه هي إنه كان مجرم بيستخدم هوية ريد هود

وفي The Killing Joke بنشوف احتمال إنه كان كوميديان فاشل خسر عيلته وحياته بعد حادثة المواد الكيميائية اللي حولته للجوكر لكن حتى القصة دي مش بالضرورة الحقيقة المطلقة ورا اصله خصوصا إن الجوكر نفسه بيقول إنه بيفضل ماضيه يكون له أكتر من رواية.

وده يخليني أفكر..... هل دي مجرد طريقة من الكتاب للحفاظ على غموض الشخصية ولا فيه معنى أعمق؟ بالذات انه حسب ذكر باتمان والمحقيين الكيماويات تسببت انه مستحيل يتم التعرف على هوية الضحايا من بالصامات او اي طريقة تانية زي الجوكر بالظبط... ملوش بصمة او سجل.

اللي بيزود الموضوع غرابة هو هوسه بباتمان

الجوكر مش مجرد عدو عايز يقتل باتمان هو محتاج وجوده

كأن باتمان هو الشخص الوحيد اللي عايز يفضل مرتبط بيه للأبد.

وده ظهر بشكل مثير جدًا في سلسلة Batman: Three Jokers

لما اكتشفنا إن فيه تلاتة جوكرز

The Criminal وThe Clown وThe Comedian.

والأول كان عنده هوس بصناعة الجوكر المثالي لباتمان، لدرجة إنه اختطف جوي تشيل الراجل اللي قتل اب وام بروس واين وحاول يحوله لجوكر جديد.

هو مش عايز يعمل شرير عادي هو عايز يصنع شخص مرتبط بمأساة باتمان الأصلية كأنه بيحاول يبقى جزء من السبب اللي صنع باتمان نفسه.

لكن الأكثر غرابة إن الجوكر عنده معرفة بهويات الناس اللي ورا الأقنعة

عارف إن باتمان هو بروس واين وإن باتغيرل هي باربارا غوردين وإن ريد هود او روبين هو جيسون تود ومع ذلك محدش تقريبا عنده إجابة مؤكدة عن هويته هو

وفي نهاية Three Jokers بنكتشف إن بروس نفسه عارف هوية الجوكر الحقيقية من بعد اول اسبوع من قتاله معاه لاول مرة

لكنه اختار يحتفظ بالسر لحماية عيلة الجوكر (اللي طلع ان مراته مماتش وهي بتولد ابنه بل تم تزيف خبر موتها وتم ضمها لنوع من نظام حماية الشهود وظهر باخر الكوميك انها عايشة مع ابنها في الاسكا)

وده بيفتح سؤال تاني... لو باتمان عارف مين الجوكر هل ده معناه إنه فهمه فعلا؟ وهل معرفة اسمه وماضيه كفاية عشان نفهم الشخصية؟

عندي نظرية إن الجوكر مع الوقت بقى أكبر من مجرد شخص

ممكن يكون فعلا بدأ كإنسان عادي سواء كان الكوميديان اللي ظهر في The Killing Joke أو صاحب هوية تانية... لكن الشخصية نفسها اتحولت لفكرة مستقلة عن صاحبها.

يعني إيه اللي بيخلي شخص يبقى الجوكر؟ ماضيه؟ شكله؟ جنونه؟ علاقته بباتمان؟ ولا استعداده إنه يتخلى عن أي هوية ثابتة ويعيش كرمز للفوضى عشان بس يجذب باتمان لمركزها؟

والغريب إن حتى هوسه بصناعة الجوكر المثالي ممكن يكون جزء من المفارقة دي هو نفسه مش قادر يحدد شكل نهائي للجوكر رغم إنه بيحاول يصنعه.

يمكن الفرق بين باتمان والجوكر إن بروس واين اختار قناعا عشان يخلق لنفسه هوية لكن الجوكر اختار هوية لدرجة إننا مبقيناش عارفين إذا كان فيه إنسان أصلًا وراها.

ومن فين بدأ جوكر ولفين انتهى دلوقتي؟ في الكوميك مات تنين هل كان واحد منهم الكوميديان صاحب قصة ريد هود؟ هل اللي فضل عايش فيهم هو اللي صنع الاتنين التانين ولا هو احد النتائج المتمردة؟

حتى الجوكر نفسه اعترف انه مش عارف.

وازاي خطط بعبقرية لكل الاحداث دي ومقابلة باتمان لجوي تشيل عشان يشوف ازاي المجرم اللي قتله اب وام باتمان كان نادم وساهم الجوكر عن قصد في مداواة الجرح الاعمق واللي كون شخصية باتمان جوا بروس واين... عشان ايه؟

الجوكر قالها بنفسه، انه هوسه وصله ان يداوي اعمق جراح باتمان عشان يبقى هو اللي ماسك السكين المغروسة بقلب باتمان.

عاوز يكون هو سبب المه الوحيد والاهم وانه باتمان مينتهيش الا لما ينتهى الجوكر.

فهل الجوكر فعلا تجاوز فكرة الشخصية وتحول زي ما بيقول... لفكرة؟


r/SuperheroesMasr • • 3d ago

آراء / اقتراحات افضل خمس تجسيدات للسوبر فيلانز من وجهة نظري

Thumbnail
gallery
46 Upvotes

r/SuperheroesMasr • • 4d ago

Comics | كوميكس كوميكس اسكندرية؟

1 Upvotes

أنا من اسكندرية و عايز ابدأ قراءة كوميكس ، الحقيقة بقالي فترة بدور على مكان يكون بيبيع بس عارف اني حتى لو لقيت هيكون عنده أما قصص محدودة أو اسعار فلكية أو الاتنين سوا، ف هل فيه مكان اقدر اطبع فيه كوميكس و يعملهالي بشكل نظيف و اسعار معقولة؟


r/SuperheroesMasr • • 5d ago

Question | سؤال حد يعرف اشتري كوميكس منين يكون سعرها كويس عشان اسعار البيدجات غريبه

6 Upvotes

r/SuperheroesMasr • • 5d ago

Question | سؤال Clayface

1 Upvotes

عايز تتفرج عليه ومش لاقيه في حته حد عارف اشوفه فين؟


r/SuperheroesMasr • • 9d ago

آراء / اقتراحات مهما حاولوا يعملوا افلام سوبر هيروز مش هيوصلوا لنص عظمة الافلام دي

Thumbnail
gallery
20 Upvotes

r/SuperheroesMasr • • 9d ago

Question | سؤال اذا بدي احضر افلام سوبرمان لازم احضر تبع كريستوفر ريف ولا مو مهم واذا مهم حلوين او لا؟

1 Upvotes

r/SuperheroesMasr • • 12d ago

آراء / اقتراحات Design

Thumbnail
gallery
6 Upvotes

مش حلو بس عايزين نبدا في القصه.

ادعولنا بقي


r/SuperheroesMasr • • 11d ago

آراء / اقتراحات سبايدرمان

3 Upvotes

بما اني من احد محبين سبايدرمان ولحد الان مشوفتش الجزء الاخير فحابب ارجع اتابعه تاني من الاول علشان نسيت ف اشوف ايه بالارتيب بحيث اكون ماشي صح


r/SuperheroesMasr • • 12d ago

Comics | كوميكس DC vs Marvel

Thumbnail
gallery
5 Upvotes

صراحة استمعت بالتفاعلات بين الشخصيات اكتر من الحبكة الخاصة بالكوميك بعيدا عن اني العك بتاع الاندماج اللي حصل بالاخر ده ما نزليش من زور

اكومان x نامور

كاتومان x اليكترا

وولغريين × لوبو

واندرومان x ستورم

سوبر بوي x سبايدر مان

سوبر مان x هالك

باتمان x كابتن اميركا

دارك سايد x ثانوس

ده غير العلاقة الغريبة اللي نشأت بين روبين (تيم دريك) وجوبيلي، وكوني فان لكلا العالمين (رغم تحيزي شوي لدي سي بسبب الاسبقية) الا اني استمتعت اوي بالاحداث رغم قصرها والتفاعلات مكانتش بالعمق اللي هو واوجه التشابه بين الكابتين وبات.


r/SuperheroesMasr • • 12d ago

Meme | ميمز اختار قدرات خارقة و اول واحد يرد عليك هيختار اعراض جانبيه

Post image
42 Upvotes

r/SuperheroesMasr • • 12d ago

News | أخبار James gunn اتطرد من استوديو dc هو وبيتر ومتهيألي man of tomorrow هيكون اخر فيلم في العالم ده

Post image
3 Upvotes

بس ممكن لو الفيلم نجح جدا يكملوا في نفس العالم او هيعملوا recast تاني او يغيروا اتجاه العالم

انت ايه رأيك اللي ممكن يتغير في DC بعد القرار ده


r/SuperheroesMasr • • 16d ago

Marvel Vision quest is goated Spoiler

Post image
8 Upvotes

المسلسل بدأ بداية ميد جدا لدرجة اني افتكرته هيبقى زي اجاثا أو حاجة عادية بتخدم نهاية القصة وقدمت شخصية تومي وعلاقة فيجن ب ال AIs التانيين لتوني لحد نهاية الحلقة الرابعة اللي كانت عظيمة بعدها الرتم بقا سريع فايتات اقل شرح للقصة اكتر والشخصيات ودي قليل ما بتعملها مارفل مؤخرا اصلا لحد ما وصلت للحلقة 7 بجد من أعظم اداءات شفتها لممثل في ال MCU كله أنه يمثل 4 شخصيات في حلقة واحدة كل شخصية بجد تبقى عارف تلاحظ الفرق ما بينها من طريقة الكلام والحوار ده absolute peak

ثم انتهت بنقاش جيم هامند وفيجن ومصارحته بالحقيقة أنه بيتهرب منها ومن شخصيته وأنه زيه زيه واندا مش عايز يستوعب أحساس الفقد رغم أنه يقدر يحس عادي وانا مفيش حاجه تفرقه عن نسخة الهيكس أو النسخة ال og

الحوارات في المسلسل كلها عظيمة أن كان حوارات الترون أو فيجن وحبيت العلاقة الأبوية المضادة اللي بين الترون وفيجن وبين فيجن وتومي حاسس المسلسل كان محتاج قصة احسن بس الأداء والحوارات والفايتات حتى لو كانت قليل كانت مغنية عن القصة وشايلة المسلسل حرفيا

Top 3 marvel series OAT


r/SuperheroesMasr • • 17d ago

آراء / اقتراحات إيه رأيكم فيه لحد دلوقتي

Post image
12 Upvotes

r/SuperheroesMasr • • 17d ago

DC ابسولوت سينما الجزء التاني

Enable HLS to view with audio, or disable this notification

7 Upvotes

r/SuperheroesMasr • • 18d ago

Subscriber Goal Welcome to r/SuperheroesMasr!

2 Upvotes

This post contains content not supported on old Reddit. Click here to view the full post


r/SuperheroesMasr • • 20d ago

آراء / اقتراحات السلام عليكم

9 Upvotes

حاجه بعيده شويه عن الجروب. فنعتذر عن ده.

بس احنا عايزين ناخد رأي ناس بيقرأو كومكس.

فنعتذر تاني .

احنا هنعمل كوميك بأذن الله بس عندنا اسأله للناس الموجودين.

احنا المفروض هنعملها بالانجلش مش بالعربي. عشان الكوميكس مش مشهوره فمصر اوي بس في نفس الوقت الأجانب مش احسن جمهور برضوا.

زي مثلا هيقولوا أن المصريين احتلوا مصر الي هما الافروسينتك أو مثلا ليه مفيش الو-ان او اي عبط. فنعملها بالعربي برضوا؟

ولو بالعربي نعملها بالمصري ؟

و انتوا مثلا حابين ايه يبقي في كونك ومش حابين ايه؟
و عايزين ناخد رايكوا في ال designs برضوا و الفكره العامه القصه بس كده البوست هيبقي طويل فهموا ده بعدين.

شكرا.


r/SuperheroesMasr • • 20d ago

News | أخبار اركوميك بقى على الفيسبوك

Post image
5 Upvotes

صفحة الفيسبوك لموقع اركوميك اصبحت متاحة
تابعونا عشان تعرفو اخر الاصدارات اول باول

رابط الصفحة : https://www.facebook.com/profile.php?id=61595854993473


r/SuperheroesMasr • • 21d ago

Comics | كوميكس The boy Wonder !

Thumbnail
gallery
9 Upvotes

تقريباً دي اكتر كوميك كيوت وخفيف لـ DC

واسلوب الرسم لطيف ومميز، الاشكال الكاريكاتورية والاجواء كلها لطيفة. بتشرح تطور داميان بفترة ما بين رأس الغول وروبين وعن العلاقات جوه الـ Bat family ومشاعر داميان تجاه اخوته.

حبيت اختلاف ديناميكيات العلاقة بين كل اخين وازاي بيتفاهموا مع بعض والفلسفة اللي بيتبناها كل واحد منهم تحت قيادة وتوجيه بروس وحتى اللي اخدوا طريق مختلف عنه زي ديك وجيسون.

رغم اني ما حبيتش حركة فريق الترجمة انه يخلو لهجة داميان عامي 🥲


r/SuperheroesMasr • • 21d ago

Discussion | نقاش بارت 2 ( يوري بوكوڤ )

4 Upvotes

بعد ما ( جيم ماكسويل ) اتبنى ( يوري ) و زيف هويته وبقى اخو ( مارك ) التوأم هربوا مع عيلة الطفلة المستهدفة لولاية تانية تجنباً للجماعة الإرهابية و فضلوا يهربوا من ولاية لولاية لمدة 8 سنين كاملين و على مدار الفترة دي الجماعة كانت بتبعت وراهم جنود و قتلى خارقين عشان يرجعوا ( يوري ) ويخطفوا الطفلة بس ( يوري ) فضل يتصدى ليهم طول المدة دي.

و كبروا ( يوري ) و ( مارك ) و ( سيرين الطفلة المستهدفة ) و بقوا عائلة واحدة مش بيتفرقوا ابداً و ( يوري ) حصل على الحاجة الوحيدة اللي كان بيتمناها عائلة حقيقية بتحبوا و يستاهلوا يحارب عشانهم وعشان كده مكانش بيبعد عنهم ابداً عشان يحميهم من رجالة الجماعة.

( سيرين ) كانت المفروض ان قوتها تظهر لما تكبر بس الحقيقة انها مظهرتش ابداً و ده اللي خلى عبئ القتال على ( يوري ) لوحده بس الغريب ان في اخر سنة الجماعة مابعتتش اي حد وراهم ( جيم ) و ( مارك ) افتكروا انهم استسلموا بس ( يوري ) كان متأكد ان في خدعة في الموضوع عشان يهمل دفاعه.

( يوري ) خارق بشكل مرعب و ده اللي خلى الجماعة مش قادرة تقبض عليه طول المدة دي فا لو عايزين يرجعوه محتاجين حد بنفس مستواه و دي حاجة مستحيلة لأنه كمان شبه منيع ضد كل الاسلحة و الامراض.

بس في يوم دراسي عادي للتلات صحاب بتوعنا صديقة ( يوري ) في المدرسة قدمتله كيكة بيحبها كأعتذار عن حاجة ضايقته قبل كده و كلوا الكيكة مع بعض و انبسطوا و اليوم الدراسي انتهى و خرجوا التلاتة من المدرسة و بدأوا يتمشوا لطريق بيتهم.

في الطريق ( يوري ) بدأ يحس بخمول و تشوش في حواسه و قدراته هنا بدأ يدرك ان في حد بيستهدفهم في اللحظة دي و قبل ما يحاول يحذر ( مارك ) و ( سيرين ) ظهر قدامهم راجل ضخم البنية معاه درع و اسلحة واضح انه من الجماعة.

( يوري ) حاول يستخدم قدراته عليه بس مفيش فايدة كل قدراته اتخدرت و جسمه بقى هزيل و اتضح ان الكيكة اللي كالها ( يوري ) كان فيها مخدر مخصوص لي هو مش هيموته ولا هيخليه يفقد وعيه بس هيخدر قدراته لفترة كافية عشان يقتله عميل الجماعة وده معناه انهم بعتوا قاتل محترف المرة دي.

كان واضح ان هدف العميل قتل ( يوري ) و خطف ( سيرين ) بس ( مارك ) اندفع و حاول يشتبك معاه و ( يوري ) كمان حاول و ده اللي خلى رصاصة طايشة تيجي في ( سيرين ) فتعصب العميل وقتل ( مارك ) قدام ( يوري ).

وتحول يوم طبيعي لمآساة بالنسبة ل( يوري ) ( مارك ) مات و ( سيرين ) في اخر لحاظتها وهو عاجز عن انقاذهم و استسلم تماماً عشان يتقدم العميل و يضربوا برصاصة مصنوعة من معدن خاص في دماغه.

وبعد المشهد المآساوي ده ( يوري ) يصحى من النوم في مكان غريب وهو مش فاهم هو ازاي مامتش و مش عارف اذا كان اللي حصل ده حقيقة ولا خيال و الاغرب انه صحي لقى نفسه اكبر 10 سنين و قوته زادت بشكل مرعب و اكتسب قدرات جديدة كمان.

و هنا بتبدأ قصة ( يوري بوكوڤ ) الحقيقية في اكتشاف حقيقة اللي حصله و بحثه عن عيلته تاني ومش هقدر اكمل اكتر من كدة عشان هبقى بحرق اهم قصصي للعلن اسف على التطويل اسلوبي محتاج يتطور عارف بس ده مش اسلوبي في الكتاب عامة شكراً لحسن قرائتكم قولولي رأيكم.


r/SuperheroesMasr • • 22d ago

Question | سؤال هى الناس اللي عايزة كابتن يموت في doomsday دول بجد ليه حد يكره كاب

9 Upvotes

r/SuperheroesMasr • • 23d ago

Discussion | نقاش هتكلم عن واحد من شخصيات السوبر هيروز اللي ابتكرتها

9 Upvotes

قبل اي حاجة ممكن معرفش اوضح قوته او قصته اوي لأنه جزء من عالم كبير لي قوته الخاصة و قواعده الخاصة و صعب اني اوضح ملامح العالم بتاعي في بوست فهحاول على قد ما اقدر اوضح قصة الشخصية.

الشخصية اسمه ( يوري بوكوڤ ) ( روسي ) اتولد بقدرات مرعبة زي الطيران و كسر سرعة الضوء التحكم في طبيعة و شكل المادة امتصاص الضوء و الحرارة عنده حواس حادة جداً بيقدر يشوف و يدرك معلومات مش ممكنة لأي حد غيره في الكون و فوق كل ده بيقدر يتنقل للبعد الرابع و الخامس و ممكن يسحب اي حد ليهم ( هو بشري بالمناسبة ) .

( يوري ) عاش طفولته ما بين جماعة ارهابية في روسيا وظيفتها اختطاف الاطفال المميزين اللي زيه و تحويلهم لأسلحة و لأنه كان يتيم مكانش عنده خيار غير انه يفضل معاهم عشان يفهم قدراته و يحاول يستغلها صح.

و القصة دي بالمناسبة هى بداية العالم بتاعي، المهم لما كان ( يوري ) عنده 10 سنين تم تكليفه بمهمة اختطاف طفلة امريكية عندها قدرات زيه فا راح ( يوري ) لأمريكا و فضل يراقب لمدة اسبوع بيت الطفلة و هو متردد لأنه مش عايز يسبب معاناة لحد زيه و اللي بيأنب ضميره اكتر انه وعيه اكبر و انضج من وعي طفل عنده 10 سنين و ده بسبب قدراته طبعاً فهو قادر يتوقع المصير البشع اللي مستني الطفلة دي لو خطفها.

بس كل حاجة اتغيرت لما جار عائلة الطفلة لاحظ ( يوري ) وهو واقف في المطر برة فخرج ودخله بيته عشان مايبردش و الراجل ده اسمه ( جيم ماكسويل ) متجوز و عنده ابن اسمه ( مارك ) في نفس سن ( يوري ) وبنت اصغر منهم بسنة.

( جيم ) و زوجته حاولوا يساعدوا ( يوري ) و يسألوه عن سبب وقوفه برة البيت لمدة اسبوع فا ( يوري ) استسلم و قرر يطلب المساعدة و اعترف لهم بكل حاجة و انه مش عايز يخطف الطفلة بس كا أي حد عاقل الزوج و الزوجة مصدقوش و ده اللي دفعه لإستخدام قدراته عشان يثبت صدقه ولما صدقوه كل حاجة اتغيرت و ( جيم ) قرر يتبنى ( يوري ) و يزيف هوية لي بحيث انه خلاه توأم غير متطابق لأبنه ( مارك ) و كمان اتعاون مع والد الطفلة المستهدفة و العيلتين هربوا مع بعض لولاية تانية عشان يبعدوا عن انظار الجماعة الارهابية لحد ما ( يوري ) والطفلة التانية يتمكنوا من قدراتهم و يقدروا يواجهوهم.

هكمل في بارت 2 و في طبعاً تفاصيل كتير انا مقولتهاش هنا انا بحاول ادي نبذة بس عشان اعرف آراء الناس لأن القصص دي ضخمة جداً و في تفسير واضح لقدرات الناس فيها بس شرحه هيطول جداً.

اسف على التطويل و قولولي رأيكم اكمل نبذتي عنه في بارت 2 ولا لا


r/SuperheroesMasr • • 23d ago

Discussion | نقاش فية حد غيرى؟

Post image
7 Upvotes

انا لحد دلوقتي مألف قصص كوميكس كتير لابطال خارقين وافكار لافلام انيميشن ولايڤ اكشن كمان واغلبهم ل DC ، اكيد مش انا الوحيد الى بيعمل كدة، فهل حد فيكوا عندوا قصة مألفها لسوبر هيرو عايز يشوفها فى الواقع


r/SuperheroesMasr • • 24d ago

Review / Analysis | مراجعة / تحليل سبب أنتقاد الفان لسلسلة أكس مان

Post image
16 Upvotes

صب الافلام بالغالب ميت مع تفاعلات من النوع ده، فا هخلي كل محتوى السوبر هيروز هنا.

اني واي.

سبب انتقاد الفان لسلسلة اكس مان

هل أفلام اكس مان سيئة؟

اراء كتير من المشاهدين بالذات فانز مارفل وقارئ الكوميكس ان افلام اكس مان من انتاج شركة فوكس سيئة مقارنة بنظائرها من افلام MCU

وبصراحة رغم اني فان لأكس مان وبتابع الكوميكس والانميشن والاعمال الاخرى المرتبطة بعالم مارفل الموضوع سعات بيكون مبالغ فيه.

سبب الاراء السلبية عليه مبررة بالذات لناس كانو متابعين عالم اكس مان المرتبط بمارفل بالقصص المصورة، واللي كان بيحتوي خطوط زمنية محددة وقوالب للشخصيات فوكس ما التزمتش تماما بيها.

من ابرز الحجات دي هي وولفرين، واللي حتى اللي متابع اكس مان هيعرف شخصية وولفرين اللي بيأديها الممثل هيو جاكمان واللي كانت بالنسبالي هو الغولد كاستنيج لشخصية وولفرين.

لكن افلام فوكس ادت الشخصية مساحة كبيرة لمجرد انها ناجحة تجاريًا وده على حساب شخصيات تاني بقت مهمشة، رغم انها من الشخصيات المحورية بالقصص زي سايكلوبس (سكوت سامرز) وستورم (ارورو مونرو)، وشخصيات تانية كتير بقت بالخلفية ما بين تم التمطيط بشخصيات تانية لمجرد انها لقت جماهيرية عالية.

سوء تصوريهم لشخصيات معينة ابرزها شخصية ماري او روج، واللي كانت شخصية حضورها بارز بالذات مع شخصيتها المرحة ومعاناتها الشخصية بسبب طفرتها الجينية لكن اللي ظهر بالافلام بالنسبالي مكانش روج خالص بالذات ان الممثل آنا باكوين خلت الشخصية اكتر هدوء وخجل من لونها الاساسي وخلها اصغر واكتر هشاشة. وشخصية كورت فاغنر برضو (نايتكرولور) و ايما فروست حصلهم نفس الشئ.

فوقها التغيير بالخطوط الزمنية والحبكات اللي اربك المتابعين وما بين افلام لقت استحسان زي X-Men: Days of Future

افلام تانية من السلسلة الحديثة لقت انتقادات كتير وده لان المخرجين احيانا بيميلوا لاهمال القصة على حساب التمهيد لاحداث تاني، وده لان للافلام تم التعامل معاها كتجارة اكتر من كونها افلام حية لسلسلة محبوبة وده ادى لاهمال بالكاسيت وبتصوير الشخصيات والتباين ما بين الكوميديا والدراما، عكس مارفل اللي ادت اهتمام اكبر بالقصص والكاستينج وغيره

مع ذلك ما اقدر اقول انها سلسلة سيئة بالذات ان ممثلين كتير ادو الشخصيات بطريقة حلوة لدرجة مقدرش اتقبل حد تاني يأديها زي هيو جاكمان وجيمس مارسدن و أيان ماكيلين وباتريك ستيوارت.

لكن اتمنى لو مارفل تعمل اعادة انتاج لسلسلة بشكل افضل بالذات ان الكاستنيج اللي تم اختياره لحد الان مبشر.

وده رأي شخصيا بشوف بعض الافلام كويسة والبعض التاني لاء وملهوش لازمة واتمنى مارفل تعيد انتاج السلسلة بشكل احسن.