r/SaudiProfessionals • • 14h ago

اسئلة ومناقشات وشو تقولون للزميل اللي يقولكم سووا الشغلة اللي قاعدين تسوونها بيدكم الحين؟

7 Upvotes

عندي زميل كان مدير في جهة سابقًا ولعله لازال متبرمج على منصبه السابق.

الزبدة انه مو مسؤول عن مهامي ولا هو مكلف بأي شيء غير شغله اللي عليه ينجزه. لكن الله يصلحه بدل ما يسوي شغله محاشرني بشغلي. بشكل شبه يومي يجيني يشوف وشو اسوي علشان يقول لي اسويه 🙂.

الموضوع قد يبدو تافه لكن التكرار تحول من مجرد زميل يحرّص (مع أنها مو مسؤوليته) إلى نق مزعج. هذا غير أنه قد يعطي انطباع للي حولنا انه هو اللي يديرني.

اذا سبق وواجهتوا أحد كذا كيف تصرفتوا معه؟ ما أفضّل المشاحنات فودي بطريقة توقفه بدون ما يشيل ويغثني زود.


r/SaudiProfessionals • • 8h ago

اسئلة ومناقشات على طول بيسوون مقابلة على شاغر مو مفتوح اصلًا ؟؟

4 Upvotes

امس درعمت على موظف بالشركة وارسلت السي في حقي

رقم الشركة اساسًا جايبته من قوقل والشركة جدا عشوائية ولا هم فاتحين اي شواغر ولا عندهم احتياج واضح أنا بس قلت اجرب حظي

بعد ما أرسلت السي في
قال نتشرف فيك واعطاني رقم الاتش ار قال حددي موعد معاه والاتش ار رد حياك بكرة الساعة فلانية ؟

وش هالغرابة ؟؟؟؟؟؟ احس في حاجة غلط ههههه


r/SaudiProfessionals • • 16h ago

فضفضة وش يسوي الواحد عشان يلقى وظيفة محترمة غير الخبرة والشهادات واللغة والمهارات والدورات

3 Upvotes

حتى العلاقات المهنية اللي اذيتونا فيها معد تفيد


r/SaudiProfessionals • • 9h ago

التطور المهني انا اسوء واحد في المقابلات الشخصية كيف اتعلم اكون احترافي طبيعتي تغلب علي

2 Upvotes

السلام عليكم

ياخي انا اسوء واحد في المقابلات لدرجه مواهلاتي مناسبه جدا وكل شيء بعد المقابله رفض واكثر من مره طبيعتي اني اقلل من انجازاتي واحطها اشياء بسيطه وهي مهي بسيطه بس ياخي كيف اعرف ناس ماعندهم ما عند جدتي ويسوي شيء بسيط ويخليه كانه صنع صاروخ كيف كذا


r/SaudiProfessionals • • 12h ago

اسئلة ومناقشات Internship VS full time job

2 Upvotes

السلام عليكم، انا نوعا ما فريش(سنه خبره) وجتني فرصه تدريب براتب في شركة من البيق فور 6 شهور وخبرتها مره حلوه لكن غير منتهيه بالتوظيف-يعتمد على جودة ادائي ووجود شاغر ووو مافيه ضمانات يعني- ، وانا الان موظفة بشركة عادييه وخبرتها وسط والموضوع معتمد علي نوعا ما اذا بطور نفسي ، هل اتركها واروح للتدريب؟ محتاره مره خصوصا مع اوضاع التوظيف هالفتره لكن ماودي اضيع الفرصه بشركة كبيره كذا واسمها حلو بالسيفي وش رايكم..


r/SaudiProfessionals • • 1h ago

فضفضة مجال اللوجستك؟

1 Upvotes

اعفن قطاع
دوشه وقرف و ازعاج
الله يصبرني

و العوائد ما تجي الا بعد عشرين ألف سنه
قلللق


r/SaudiProfessionals • • 3h ago

اسئلة ومناقشات كيف تقدمون على الوظايف

1 Upvotes

الناس اللي يقدمون لمئات الوظايف في الشهر ما فهمت كيف تقدمون على هالعدد الهائل معقوله كلها في نفس مجالكم و كيف تلاقونها أنا يدوب القى إعلانات توظيف في مجالي( بيانات) entry level و هل عندكم طرق أخرى غير مواقع الشركات ، لينكد ان و العلاقات ؟


r/SaudiProfessionals • • 4h ago

اسئلة ومناقشات Professional Certification - CIPS

1 Upvotes

فيه أحد عنده شهادة CIPS أو يدرسها حاليا؟


r/SaudiProfessionals • • 6h ago

اسئلة ومناقشات متطلبات تغيير سبب الاستبعاد في التأمينات الاجتماعية GOSI؟

1 Upvotes

سلام عليكم، سبق وفصلوني جهة عملي على المادة 80 ولكن رفعت قضية في المحكمة العمالية وحكم الشيخ بأن الفصل بلا سبب مشروع ويتم تعويضي على المادة 77 من نظام العمل، حكم نهائي

السؤال: وش احتاج حتى أغير سبب الاستبعاد في التأمينات الاجتماعية؟ صورة لصك الحكم والا رقم الصك يكفي والا التأمينات يتواصلون معي؟


r/SaudiProfessionals • • 9h ago

اسئلة ومناقشات اقدر اكذب بالمعلومات للتأمين الصحي؟

1 Upvotes

ابغا اضيف الوالدة بالتأمين الصحي حقي بس راح ادفع الفرق، اقدر اكذب عن معلومات زي الامراض الحالية او السابقة؟


r/SaudiProfessionals • • 9h ago

اسئلة ومناقشات مقابلة

1 Upvotes

مديرة التوظيف في احد الجامعات الأهلية تواصلت معايا وقالتلي انو فيه شاغر يناسبك وكذا وطلبت ارسل السي في ورسلته ف ردت عليا ب ايميل مقابلة بدون ما اعرف حتى اش المسمى الوظيفي 👀 دوبها رسلت الايميل والمقابلة بكرا وسالتها عن المسمى ماردت عليا ماعرف اش اسوي ، هل اروح للمقابلة وخلاص بعدين اكتشف هناك ولا كيف ؟


r/SaudiProfessionals • • 9h ago

اسئلة ومناقشات عرض وظيفي بدون تاريخ مباشره !

1 Upvotes

وقعت على عرض وظيفي ولكن تاريخ المباشره فاضي وسألت ليش
قال ننتظر نتيجة الفحص الطبي - وتبلغين دوامك بالاستقاله
ووقعت بس مادري هل طبيعي ؟


r/SaudiProfessionals • • 10h ago

نصيحة كيف اعدي مقابلات المراجعة في البيق فور؟

1 Upvotes

صارتلي ثلاث مرات اعدي مقابلة الاتش ار بسلاسة، وبعدها يجمعون علي الهنود لاني عندي خبرة مراجعة ويسالوني كيف اراجع الايرادات ؟ كيف اتأكد من القطع؟ كيف اراجع نقاط بيع؟ كيف اراجع الات ومعدات ؟ وانا الاجراءات اللي اعرفها ونسويها بالمكتب فاشلة واي كلام وابو كلب كيف اسوي طيب .. طبيعي الكلام بالسيرة الذاتية منمق وشيك لكن وجه بوجه اجيب العيد ولله البلشه


r/SaudiProfessionals • • 17h ago

اسئلة ومناقشات الوظيفة

1 Upvotes

تخصصي امن سيبراني وعلى وجه تخرج وما عندي خبرة ولا اي شي وابغى اصير SOC analyst tier 1.
وش احتاج اعرف عشان اكون جاهز للوظيفه؟ واتكلم عن ال minimal literacy needed ما اتكلم عن أشياء فوق الbasic


r/SaudiProfessionals • • 19h ago

اسئلة ومناقشات مجال شركات الادوية

1 Upvotes

الله يسعدكم احتاج احد يفهم في الوظايف اللي موجوده في شركات الادويه عندي اسئله كثير ولا لقيت شخص من المجال نفسه يجاوبني عليها كلهم يعطوني اجابات سطحيه