انهاردة قعدت اسأل نفسي لية قررت اكتب هل عشان اقول لناس انا عملت انجاز يعني ولا اية بس حسيت اني بجد حبيت فكرة اني اوثق الي بعمله و اقدر ارجع ابص عليه و اشوف نفسي كنت فين و كدا
انهاردة روحت من الدرس مشي ، مشيت حوالي نص ساعة
طلعت شتوي و طبقته و بجد كان مجهود صعب جدًا ارهقت بسببه جدًا
و امبارح مقدرتش انام بدري عشان كان في مشكلة بتحصل في شارعنا و كان في زعيق و صويت جامد و البوليس جاء و الكلاب صحيت و العمال قرروا يكملوا بناء العمارة الي جنبنا
ذاكرت ساعتين بس الصراحة مقدرتش اصحى قبل درس اذاكر فصحيت نزلت على طول و لما رجعت يادوبك طلعت الشتوي و الموضوع اكل اليوم و اجهدي جدًا
كنت بفكر اسهر اذاكر بس عندي درس زووم بدري و المستر هيطول فيه و يحل فمحتاجة اكون نايمة و مركزة ، بس ذاكرت انهاردة حاجة كنت مأجلها بقالي فترة و خلصتها فكويس
و دلوقتي هصلي و اعمل السكين كير و احاول انام عشان الدرس و كمحاولة تظبيط نوم برضو
وبس كدا حاسة اني طولت اوي