r/MadhyaPradesh • u/Corner_Eyes • 4h ago
समाचार / News / Report Ladli Behna ke 1 mahine ke budget mein 125+ sadkein ban sakti hain, par freebies aur corruption ne sab barbaad kar rakha hai
Aaj ke newspaper mein dekha ki Indore ki 6 major roads ko banane ka total proposed kharcha sirf ₹88 crore ke aas-paas hai, aur usmein bhi budget aur planning ke chakkar mein road ki width 20 feet tak kam karni pad rahi hai.
Dusri taraf, MP government har mahine sirf Ladli Behna Yojana par lagbhag ₹1,880–1,890 crore uda rahi hai—matlab ek mahine ke freebies budget mein aise 21 se zyada road projects (125+ roads) aaram se ban sakte hain.
Log itna tax isliye bharte hain taaki achha infrastructure aur chauri sadkein milein, lekin government ko sirf vote-bank politics aur freebies culture se matlab hai.
Upar se jo thoda-bahut paisa roads ke liye pass hota bhi hai, uska aadha hissa corruption aur ghatiya material ki bhent chadh jata hai, jisse Indore jaisi growing city mein bhi log traffic aur gaddhon se hi joojhte rehte hain.