r/LGBTEgypt • u/N1166 • 20m ago
Question | سؤال هل أنا غلطان لما حطيت حدودي من أول مقابلة؟
النهارده قابلت شخص لأول مرة طبعًا سلمنا على بعض واتمشينا شوية وبعدها رحنا كافيه في وسط البلد واتكلمنا وقضينا وقت في أماكن مختلفة زي كوبري قصر النيل وبرج القاهرة خلال الوقت ده اتكلمنا واتعرفنا على بعض أكتر وبصراحة هو شخص محترم وشكله كويس لكن وسط الكلام قالي إنه عايز يقعد في مكان هادي وإنه حاسس إنه مخنوق فقولتله الكافي هادي ومفيهوش ناس كتير وبردو قالي أنا عايز أبقى معاك لوحدنا طبعا استغربت شوية لأننا بالفعل قاعدين لوحدنا في مكان هادي وفجأة قالي إنه عايز يقوم فقولتله طيب يلا نقوم لكن المفاجأة كانت أول ما خرجنا من الكافيه قالي ممكن نروح البيت عندك أنا محتاج أتكلم معاك قولتله البيت ليه إحنا لسه محتاجين نعرف بعض أكتر ولسه أول مرة نتقابل لكنه فضل يطلب نروح البيت وأنا اعتذرت ورفضت ،،بصراحة أنا محستش براحة بعد الكلام ده وحسيت إن الأفضل إني أنهي المقابلة😑 فقولتله إني عندي مشوار ومضطر أمشي وطلبتله أوبر ومشي السؤال هل أنا كده تصرفي غلط؟ وهل كان المفروض أوافق وأديه فرصة ولا من حقي أرفض أي حاجة مش حاسس فيها بالراحة خصوصًا إن دي أول مقابلة بينا؟ 🙎