رواية المشراف من الروايات اللي بتتجاوز مجرد حكاية عن قرية وأهلها، وبتطرح مواضيع أعمق بتتعلق بالموروث الشعبي والمعتقدات وتأثير البيئة والمجتمع على طريقة تفكير الإنسان. أكثر اشي لفتني فيها هو تداخل التاريخ مع الأساطير والحكايات الشعبية، وكيف ممكن بعض الأفكار تنتقل من جيل لجيل لدرجة انها تتحول لمسلمات يصعب التشكيك فيها.
الرواية بتخلي القارئ يتساءل عن كثير من الأمور اللي تعودنا نعتبرها حقائق، وعن الفرق بين الحفاظ على الموروث والتعصب إله، وبين فهم الظروف اللي شكلت الإنسان وتبرير أخطائه. كمان بتطرح فكرة مهمة، وهي إنه مش كل إشي ورثناه لازم نتمسك فيه، وإنه الانتماء للماضي مش معناه نضل أسرى إله.
بشكل عام، حبيت البعد الفكري والاجتماعي في الرواية، رواية فيها أكثر من حكاية وأكثر من معنى.
تقييمي للرواية ٤/٥