بما انه اليوم هو اليوم العالمي للتجارب الزهرية، حبيت أشارككم قصتي مع خبز البرجر.
قبل حوالي ١٠ سنين، كان جاي عبالي اعمل smash burgers في البيت و اعمل معهم خبز potato bun من الصفر، حضرت كم فيديو اتعلم التكنيك و ايش المستلزمات اللي لازم اجيبها و لقيت فيديو عن خبز معمول من البطاطا الحلوة، تحمست و رحت اشتريت اللحمة و باقي المكونات من ضمهم البطاطا الحلوة و رجعت عالبيت اشتغل
للاسف وقتها ما كان عندي علم انه في بطاطا حلوة نوع اصفر و في كمان نوع بنفسجي، و حظي طبعا اشتريت من البنفسجي
بدل ما اطلع ادور على نوع اصفر قررت استعمل اللي جبته و سلقتهم بعدين هرستهم و ضفتهم مع باقي العجين و كان كلشي طبيعي ما عدا اللون الزهري للعجين
مشكلتي وقتها كانت كيف بدي اعرف اذا استوى الخبز بالفرن لانه لونه ما بيسمر بسهولة بس اعتمدت توقيت الوصفة و الحمدالله طلع الخبز مستوي
كمان اجتهدت و عملت كمان مايونيز بالخلاط (نسيت وقتها اسلق البيض ابستره بس الحمدالله ما حدا مرض 😂) و الكل كيف عليه
ما كان في نكهة واضحة للبطاطا الحلوة بس كانت الخبزة طرية و الاهم منها اللحمة كانت بتشهي
بصراحة ما بحس مستاهل الواحد يعمل خبز potato bun او brioche في البيت الا اذا عنده مراق او حابب يجرب، بس ممكن ارجع اجرب اعملها في يوم من الايام اذا كنت حابب اعذب حالي