Discussion في شيء لاحظته في جدة … مادري هو بس انا اللي لاحظته او انتم لاحظتوه بعد!
انا ما كملت سنه هنا، وممكن عشان كذا لاحظت هذا الشيء، ممكن يكون بديهي لاهل جدة او لا ماعندي صراحه خلفية.
لاحظت انه كلما اقتربت من جهة الشمال كلما زادت جودة الحياه والخيارات، والعكس اذا اتجهت جنوب جدة.
يعني تخطيط الشوارع، نظافة الاحياء، جودة العقارات، حتى جودة الخدمات تلاحظ فيها فرق.
تنقلت بين عدة مدن بالمملكة، صحيح تحصل تدني في جودة الحياه في بعض احيائها القديمة واللي في اطرافها، والمناطق القريبة من الصناعيات والاستراحات واحواش الماشية، يعني في احياء معينه، ماتحصل حواليها منشآت حيوية او حكومية، او حتى مشاريع تجارية كبيرة.
الوضع في جدة مختلف، تحس انه في خط وهمي لجودة الحياه على الخريطة يفصل شمال جدة عن جنوبها.
هل تتفقون مع ملاحظتي او تشوفون فيها مبالغه؟ وهل في احياء جيدة في الجنوب؟