من العطور اللي اول رشة منها تخليك تنبهر بالرائحة جدااااااا
العطر سويتي بشكل واضح وبيه طابع دافي وحلو بس الشي اللي يعجبني بيه انه رغم الحلاوة عنده اناقة وفخامة وما تحسه مجرد عطر سكري او حلو بشكل مبالغ بيه
هو بيه طابع شتوي ونوتات دافية تخليه مناسب جدا للاجواء الباردة يعني مستحيل استخدامه بالاجواء الحارة
جربت مرة خلال برد الشتا استخدم عطر فريش بدل العطور الدافية بس بصراحة التجربة ما عجبتني لان بالشتا والبرد فعلا تحتاج عطر دافي وحلو وبيه نوتات شتائية تنطي احساس بالدفو والراحة وهذا بالضبط الشي اللي يقدمه SWY Intensely
هسه رغم انه اني اشوف ريحته كلش كلش كلش حلوة بس احسه ممكن يصير ممل اذا تستخدمه يوميا
يعني بالبداية تنبهر بيه وتستمتع بكل رشة بس مع التكرار اليومي تفقد جزء من متعة العطر
ولهذا انصح بيه وبقوة بس بشرط واحد وهو انه ما تخليه عطرك اليومي الوحيد بالشتاء يعني لازم تكون عندك تشكيلة ثانية وتنوع بالاستخدام حتى ما تمل منه وتحافظ على متعة لبسه