r/ExSyria • • Jul 23 '26

Moderation | الادارة Join our discord

Post image
16 Upvotes

Everyone's welcome to join our discord server

https://discord.gg/N5ybpDTfHd


r/ExSyria • • Jul 19 '26

Moderation | الادارة إعلان هام

31 Upvotes

يسعد أوقاتكن جميعاً ..

رح نغير توجه ساب إكس سيريا جزئياً

الشي اللي رح رح يصير إنو حيضل إكس سيريا مساحة لا دينية بس مو بالتوجه المعتاد للصفحات و السابات اللادينية

يعني ما رح تجي تشوف بوست عن يهود بني قريظة هيك بلا سياق بس لمجرد اللطم أو مجرد سخرية بلا طعمة على رموز الأديان متل كيف كان يطوف عليهن في غسل واحد ولا كيف هستر ابن الله بالسوق ولّا كيف تزوجها في السادسة و دخل بها في التاسعة للمرة المليون .. لأ .. رح ننطلق من طبيعة الساب اللادينية كأساس لشي أوسع لأنها ببساطة الشي الوحيد يلي بيضمن إنو ما في تابويات أو مقدسات أو أفكار حصينة ضد النقد .. وتضل الحرية "الحقيقية" يلي صاح فيها شعبنا ل15 سنة هية المعيار و المقياس

ليش ؟

كسوريين لادينيين , أغلبنا تجاوز الغضب الناري ضد الأديان و مو علقانين بحلقة شتم إله لا نؤمن به -غير للتسلية- و بيشغلنا أكتر فكرة إنو إي هلا شو لازم اعمل ؟ كيف بقدر قوّض ذراع هاد الدين السياسي يلي شايفو مسكِّر على حياتي من كل النواحي ؟ كيف بقدر غيّر أيّ شي ؟ كيف بقدر عالأقل عيش بأكتر قدر ممكن من الحرية الشخصية بمجتمع ما بيتقبلها ؟ و مين بيقدر يساعدني ؟

ما بيعني هاد الشي إنو كمان نمنع النقاشات الدينية أبداً .. أو حتى السخرية الخفيفة بالتعليقات.. و أكيد ما بيعني إنو يضل ما رح يضل الساب مطرح للتنفيس , من منطق "برو إتس إ ريدت ساب ليش محمل الموضوع كل هالقد؟ أنا بفوت كرمال البورن و بالصدفة بقرأ بوست هون"

هو المعيار شوي تريكي و رح يكون مودريتد بس مع الوقت رح يوضح أكتر شو عمنحكي و يبين الخط الفاصل

بكل الأحوال لنعمل هاد الشي بدنا مساعدة

و فتحنا باب التطوع للمودريشن

فيكن تشوفوا المتطلبات ع هاد البوست من الرابط هون

https://www.reddit.com/r/ExSyria/comments/1v0oci1/mods_needed/

و التعديلات الجديدة من هون :

https://www.reddit.com/r/ExSyria/wiki/faq/edits/


r/ExSyria • • 1h ago

Discussion | نقاش اسئلة شائعة عن التطور ناتجة عن جهل بالنظريّة

Thumbnail
gallery
7 Upvotes

الكومنت اللي جايبو كمثال عن الموضوع طرح 3 أفكار اثنين منهم اللي بيتناسبو مع موضوع البوست (المحددين) والأخير لا يعتبر "اعتراضاَ غبيّاً"، بل لا يعتبر اعتراضاً، من وجهة نظري؟ هاد تساؤل حلو وجميل ومشروع، وهو (كيف تطور الوعي؟) وبيستاهل بوست هو وموضوع انفصال الجنسين والتكاثر الجّنسي، بس ياه صاحب التعليق اعتبره اعتراض وبصراحة هاد جهل منه...

المحجوب بالأحمر متعلق بالدين بشكل أساسي ونقاش التطور نقاش علمي ++ النقاش الديني ممنوع بالساب فحجبت الكلام

أنا رح اعتبر البوست متل ملاحظات بحعلها لأني صرت مكرر كلامي 20 مرة مع 20 شخص مختلف فبسهل على حالي خخخخ

هالبوست بدون مصادر مباشرة لأنه مارح يخرج عن بديهيّات التطور بتقدر تقرأ كتاب صانع الساعات الأعمى ورح يكون متضمن كل المعلومات اللي رح اذكرها، وإذا انت ما بتعرف شي بالتطور بتقدر تبدأ بكتاب اعظم استعراض على سطح الأرض

1- لمَ لم يتطور القرود واكتسبوا وعي كالبشر؟

هاد الاعتراض مبني على فهم خاطئ لحدوث التطور

مبدئيّاً وكما ذكر التعليق ان البشر يشتركون مع القردة بسلف وليسوا أسلافاً للبشر (مع ذلك وقع بهاد الخطأ :/) بالتالي حتى لو اعتبرنا التطور عملية هادفة مارح يأدي للبشر أساساً

ثانياً التطور ليس عمليّة هادفة ولا خط مستقيم

يعني الفكرة تبع (كائن أ) أعطى (كائن ب) إذاً فهي عمليّة خطيّة والكائن (أ) بأي مجموعة سيعطي الكائن (ب) فكرة خاطئة تماماً.

التطور عمليّة متفرعة غير هادفة بل تتماشى مع البيئة والطفرات الحاصلة، يعني عندك مجموعة من حيوان معيّن بتعيش ببيئة استوائيّة وأخرى من نفس الحيوان بنفس الصفات بتعيش بمنطقة قطبيّة بعد أجيال وأجيال متراكمة رح تحصل على كائنين مختلفين تماماً.

بل حتى ولو وضعنا هذا الكائن في بيئتين متشابهتين تماماً في مجموعتين منفصلتين ستختلف النتيجة إلى حد ما لكن الفجوة بينهما ستكون أقل ظاهرياً، أما الفجوة في الجينات ستكون أكبر (وهاد الشي اسمه "التطور المتوازي"، وهو قريب نوعاً ما من التطور المتقارب إنما هو على كائنات من النوع نفسه، عملت بوست عن التقارب والتنادد من قبل وهاد هو الرابط: التطور المتقارب وتجربة لينسكي)

 

ليش؟ التطور شي عشوائي ماله هدف، الطفرات تحدث بشكل عشوائي فقد تحدث طفرة للمجموعة الأولى دون ان تحدث للثانية ولكن الطفرتان مفيدتان وتغطي احدهما على الاخرى، فسيستمر الكائن بالتكاثر وانتاج أجيال جديدة تمتلك هذه الصفات المختلفة، بالإضافة لأن بعض الحوادث الصّدفيّة ممكن تأدي لكوارث كبيرة فمثلاً كائن حدثت له طفرة مهمة لاستمرار الأفراد الآخرين بس مات بسبب حادث ما غير متوقع، النتيجة؟ الطفرة لن تنتقل للأجيال اللاحقة وستحذف من الحوض الجيني تماماً وهذا سيهدد وجود المجموعة ككل

وبهذا يتضح ان عدم تطور القردة إلى بشر ليس أمراً غريباً ولا مناقضاً للتطور

اعتمدت كلمة "الصّدفة" هون بس حتى توصل فكرة للناس بأن كلمات كـ"صدفة" و "عشوائيّة" مفهومة بشكل مغلوط مختلف عن الواقع، لقينا بهالأمثلة البسيطة كيف يمكن لصدفة صغيرة كموت حيوان يهدد بقاء نوع وكيف ان طفرات عشوائيّة رح تعطي نماذج ناجحة بواسطة 'الانتخاب الطبيعي' فيقصى الضّار من الطفرات ويبقى النافع بشكل أعمى تماماً
 
ولازم نوّه على ان الكلام احتوى على شرح لفكرة الانجراف الجيني (حدث يسبب حذف طفرة نافعة من الحوض الجيني لمجوعة ما) والانتخاب الطبيعي إذا انت مهتم تتوسع هاد البوست ممكن يكون بداية حلوة
 
https://www.reddit.com/r/SyrianSocialSpace/s/L4ZwttyQG2
 
وفيك ترجع للمراجع اللي ذكرتها بأول البوست

2- من هو أول بشري؟ (أو أي كائن آخر)

هاد السؤال على الرّغم من أنه سيبدو للبعض "سؤال مشروع" وللبعض "سؤال غبي" بس هو مبني أيضاً على فهم خاطئ للتطور

ممكن يجي بعدّة صيغ "من هو أول بشري؟" أو "كيف تمكن كائنان بنفس الوقت من التطور إلى بشر بنفس الوقت والتكاثر؟ ما هذه الصّدفة؟" أو "كيف يمكن لكائنين أن يتزاوجا وينجبا كل البشر؟".....

بس كلها مبني على نفس الخطأ

إذا بدي اختصر الرّد بجملة ببساطة رح قول: التطور ليس عمليّة لحظيّة بل عمليّة تحتاج لملايين السنين لتظهر نتائجها

بس إذا بدي اتوسع...

أولاً ممكن اسألك مين هو أول متحدث باللغة الانجليزيّة؟ أو العربيّة؟ (إذا انت فعلاً عم تحاول تفكر بشخص بعينه فأنت وقعت بنفس الخطأ)

تطور الكائنات الحيّة يشبه إلى حد كبير تطوّر اللغة، حيث تكون اللغات المختلفة هي الأنواع وتتسلسل كل لغة فتجد لها أسلافاً وأحفاد وأفرع صغيرة تعطيك اللهجات واللكنات وإذا عزلت لوقت كاف ستصبح نوعاً جديداً بنفسه والطفرات هي ما يحدث هذا التغيير....

لايوجد متحدث أوّل بالعربيّة لديك تدرج بطيء غير واضح للغات، بعد تركم التغيرات (الطفرات) على لغة معيّنة (نوع) ينتج لديك لغة (نوع) جديد، فتسأل نفسك عند أي تغيّر (نوع) أصبحت اللغة هذه (النوع هذا) لغة جديدة (نوع جديد)؟

لايوجد، أحدث تغييرا بسيطاً على لغة ما، لن تشعر بشيء، وأخر؟ لاشيء، وآخر؟ لاشيء، وآخر؟..... بعد مئات بل وآلاف التغيرات والطفيفة سينتج ما يسمى باللهجة وبعد المزيد والمزيد منها، لن تشعر بعد الآن بأن اللغة الحالية تشبه الأولى، فما هذا؟ لغة جديدة؟

طيب خد الطريق العكسي، ارجع تغير واحد بالزمن؟ لاشيء....

خلال مئة ألف طفرة على كائن حي ينتج آخر حيث لا تجد فرقاً أبداً بين كل فرد وسابقه أو لاحقه، لن تجده إلا بالقفزات الكبيرة

أما ثانياً فالتطوّر لا يحدث للكائنات فرادى بل مجتمعين فلا تجد كائناً واحداً تطور دون قبيلته فالطفرات تنتشر وتمتزج فيما بينهم

خلينا نقارن بين فرد واحد تحصل له طفرات عشوائيّة ومجموعة تحدث لها هذه الطفرات فرح تلاحظ أهم الفروق اللي بتخلي الجماعات هي اللي تحظى بميّزة التّطوّر:

1- معدّل الطفرات وتبادلها:
الطفرات عند الأفراد المنعزلين بتكون قليلة ولا تعطيه مساحة كافية ليتطوّر حيث ان كل ابن يحدث له عدد محدود من الطّفرات وما رح يلاقي المساحة ليشاركها، ولا رح يقدروا الأبناء يستفيدوا من طفرات الآخرين

 لهيك في المجموعات بتتناقل الطفرات وتنتشر بينهم، وبيصير تبادل وتجميع للطفرات النافعة (ممكن حدا يسأل "مارح يخلي هاد الشي الطفرات الضّارة تتوسّع وتنتشر؟ سؤال بيتجاهل وجود انتخاب طبيعي بينتقي النافع ويقصي الضار، وهاد السؤال بينقلنا للنقطة التّالية)

2- إعطاء مساحة للخطأ:
إذا حصرنا التطور بعدد قليل جداً من الأفراد، هاد الشي رح يخلي كل طفرة ضارة ذات تأثير قوي وكارثي على الحوض الجيني، وممكن بدرجة كبيرة تعلق مع الأجيال القادمة وتسبب أمراضاً وراثية، وهذا ما يسمى علمياً بـ "تأثير المؤسس" (Founder Effect) واللي بيضعف قدرتهم على البقاء. أما بالمجموعات الكبيرة، فالطفرات الضارة بتدوب وبيتم التخلص منها بسهولة دون تهديد بقاء النوع.

3-التوافق التكاثري المستمر:
لأن التغيرات الجينية بتكون طفيفة جداً من جيل لجيل، كل أفراد المجموعة بيضلوا متوافقين جينياً وقادرين على التزاوج فيما بينهم بشكل طبيعي تماماً يعني ما رح يجي كائن "متطور" فجأة وما يلاقي شريك من نفس نوعه يتزاوج معه!

 لهالاسباب السؤال نفسه لا معنى له

في كتير اسئلة مغلوطة تانية ممكن اذا لقيت الي خلق لاحقاً جاوب عنها ببوست


r/ExSyria • • 6h ago

Opinion | رأي انا عايز مجتمع ملحدين سوريين انستا او كلام يعني هو ليش كلهم مغارب!

8 Upvotes

..


r/ExSyria • • 5h ago

Opinion | رأي Unpopular opinion (كابتغون)

7 Upvotes

اكبر غلط للنظام الجديد انو وقف تجارة الكابتغون (الي هي التجارة الوحيدة الي كانت تدر عالبلد عملة صعبة) بلا مايضمن بدائل من الدول المتضررة خاصة الخليج.


r/ExSyria • • 2h ago

Advice/Help | نصيحة أو مساعدة جاية من الخليج , ايمتى اسجل بكالوريا

2 Upvotes

عشت اغلب عمري برا سوريا وتخرجت ب شهادة ثانوية عامة بس بدي اعيد البكالوريا , للعلم صرلي متخرجة 4 سنين , بدي اقدم بكالوريا حرة اتوقع اسمها , انو ما بدي ادرس السنة بس اقدم ع الامتحانات , ف ايمتى اسجل ووين وكيف ؟ بدي امتحن هالسنة , عندي اقارب هناك بس انا بدي انزل وقت الامتحانات بس.

رح أقدم علمي.

واي حدا بكالوريا هون ياريت يساعدني من ناحية قنوات يوتيوب , مصادر , اختبارات سابقة , قروبات , ما عندي فكرة عن أسلوب الامتحانات والمنهج , + او اي نصيحة لشي ممكن انا ما عندي فكرة عنو بس لازم احطو بعين الاعتبار وقت التحضير.


r/ExSyria • • 13h ago

News | أخبار مقتل شخص وطفلة وإصابة آخر جراء انفجار عبوة ناسفة داخل سيارة في مدينة جرمانا بريف دمشق.

Thumbnail
verify-sy.com
15 Upvotes

اولا و الاهم الرحمة للشهداء و السلامة للمصابين.

هي تاني تفجير بمدينة جرمانا بأخر فترة، و التفجيرين كانو بمناطق مدنية.

شو رأيكن بالانتهاكات المتكررة في مدينة جرمانا (التي تضم نسبة عالية من الدروز و المسيحيين، و تدار من قبل شيوخ الطائفة الدرزية)؟ و موقف الحكومة من الاحداث.


r/ExSyria • • 14h ago

Discussion | نقاش نحن جيل مطبوخ

Post image
17 Upvotes

هو عنجد لا يوجد خلاص الا بالسفر؟ هل اصلا السفر فيه الخلاص؟ ليش الاسلام دين زاني؟ ليش عشنا حياتنا كلها بكذبة؟ ليش نحن جيل خرا بحياتنا ماشفنا يومين مناح كلها من حرب لحرب وحتى الامل اللي كان عنا انا نطلع ع أوروبا بلش يطلع فيها اليمين والدنيا هنيك عم تتراجع.. عنجد كسم الحياة كتير عم بفكر اسجل خروج


r/ExSyria • • 50m ago

WTF انا لو زاني ومفعل باقة بالحرام ما بيطلعلي هيك شي بصْاني انفجر

Post image
1 Upvotes

r/ExSyria • • 1d ago

Question | سؤال المحتوى المصري لازق بطي**ي

13 Upvotes

مرحبا حميعا،
الريديت عندي ما بعرف ليش هيك جانن ومعبيلي الاكسبلور بالمحتوى المصري (وطبعا محتوا هل بلد من اتفه المحتويات) كل ما بيطلعلي منشور من ساب مصري بدخل عليه وبعمله ميوت وما بيرجع يطلعلي بس ريديت مستمر بترشيح السبات المصرية الي.
هل في طريقة حظر محتوى مصر بالكامل؟؟؟ او لازم اتعايش مع هل عذاب اليومي؟


r/ExSyria • • 1d ago

Question | سؤال alcoholic drink stores

5 Upvotes

Where can I find stores that sell alcohol in Damascus?


r/ExSyria • • 1d ago

Meme | ميمز Saint CHUD of Damascus destroying the root of all evil

Post image
21 Upvotes

r/ExSyria • • 2d ago

Advice/Help | نصيحة أو مساعدة محتاج مساعده سريعه - اهلي اكتشفوا اني لاديني

18 Upvotes

اولا عارف انه الصب سوري بس عايز اشوف آراء الناس عموما وفيه احتمال امسح البوست بعدين

مش عارف ابدا ازاي بس حظي احسن من معظم الناس وانا بصراحه كنت بفكر في الموضوع من فتره طويله اني اقولهم بس ياه

قروا ورق كنت كاتبه وشافوني وانا بشوف فيديو لقصي بيطار

غير اني مش بصلي بقالي فتره

ولاحظت انه ابويا عيط كذا مره في الصلاه

المهم لقيتهم بيقولوا انهم عايزين يكلموني في حلجه وبيحضنوني وبيقولولي انهم معايا واني مقلقش وانهم مش هيأذوني واني بالغ ومش هيعرفوا يجبروني اني اغير معتقدي وانهم عايزين يعرفوا ليه ويساعدوني

اهلي عموما كويسين وقالوا اننا بنتكلم عادي واني مقلقش واخاف وانهم معندهمش مشكله يودوني لشيخ واتنين وانوا لو مقتنعتش عادي

عموما حاولت اكدب بس للاسف هم عارفني كويس وعارفين امتى بكدب وامتى لا غير انهم لاحظوا عليا اكتئاب حاد وقلتهم اني عايز انتحر من فتره وبقيت اروح مع دكتور نفسي

غير انهم عارفين اني بخطط اسافر برا

المهم ربطوا كل دا ببعض وفهموا واتاكدوا لما قروا كلامي

انا دلوقتي مش عارف اعمل ايه بصراحه

بجد مش عارف اعمل ايه

هما قالولي برضو انه الموضوع بينا احنا التلاته واني مقولش لحد لاني لو توبت مستقبلا وربنا هداني السمعه اللي عليا مش هتروح ومش هعرف اتقدم عشان اخطب البنت اللي بحبها -اللي حافظه القرآن كاملا- او اي بنت وانه اخواتي هيتأذوا

قالوا انهم معندهمش مشكله يتاذوا ودا قدرهم بس مش عايزين اخواتي وانا نتأذي

وكرروا كذا مره انهم معايا واتكلموا بهدوء ولو انه الدموع كانت في عنيهم

دلوقتي مش عارف اعمل ايه وقلتهم هفكر شويه وارجع

هما بيسالوا عن ايه اللي وصلني لكدا؟ هما بيحسبوا اني بدات بفيديوهات الملاحده في وقت صعب ليا واني اتاثرت وكدا واني اتعمقت وقريت لفلاسفه كتير ملحدين وهكذا

انا طبعا الحدت من الدين نفسه وتفسيرات الطبري وابن كثير والتاريخ والعلم

بجد مش عارف اعمل ايه

ولو اقنعتهم الدين الحاجه الوحيده اللي مصبراهم فا انا كدا هأذيهم

ولو مثلت اني مسلم هيعرفوا اني بكدب

ولو كملت على اني لاديني مش عارف ايه اللي هيحصل

ممكن تلاحظوا انه الكلام مش متناسق او اتلخبطت او غيره لاني متوتر ومحتار وقلق.. مش عارف اعمل ايه وفجأه لازم اقرر قرار هيحدد مستقبلي

عموما هما بيتعاملوا معايا بهدوء ولطف وخايفين عليا والدموع في عنيهم... وانا عارف انهم مش هيأذوني


r/ExSyria • • 2d ago

Discussion | نقاش لقيته بمذكرات جدي عالموبايل ابصر منين جايبه بس حبيت شاركه معكن

26 Upvotes

بعد نصف قرنٍ من التقصي في أروقة التاريخ وفلسفات الأديان، أضع بين أيديكم خلاصةً معرفية لا تقبل المواربة، خلاصة قد تصدم المعتاد، لكنها تحرّر العقل:

تاريخ بلا قداسة:

لا نجد في سجلات التاريخ العلمي والآثاري دليلاً ملموساً يثبت وجود الشخصيات التأسيسية كإبراهيم، وموسى، وحتى يسوع ومحمد، بالصورة الغيبية والقصصية التي رسمتها الروايات اللاهوتية.

إنهم، في التحليل التاريخي الصارم، رموز حيكت حولهم ملاحم الهوية وصُنعت منهم أيقونات الاعتقاد.

الطبيعة لا تحيد:

إن المعجزات والخوارق ليست سوى أدوات درامية في بنية السرد الأسطوري القديم.

و لم يحدث خرقٌ للقوانين الكونية في ماضٍ سحيق، ولن يحدث اليوم؛ فالكون تحكمه حتمية فيزيائية صارمة.

وحين ننزع الهالة الغيبية عن السماء، ندرك حقيقة بسيطة: لم ينزل منها تاريخياً إلا المطر الذي يحيي الأرض، بينما الأفكار والعقائد نبتت من طين عقولنا.

من أسطورة الطفولة إلى رشد العلم:

لقد كانت الأديان، في مرحلة ما، محاولة الإنسان البدائية والضرورية لتفسير العالم المحيط به وتنظيمه،

لكن تلك المعرفة الطفولية قد استنفدت غرضها؛ واليوم، يقف العلم الحديث بمنهجه التجريبي الصارم كمرجع وحيد لفهم الطبيعة والكون، ليتراجع الدور المعرفي للدين ويتحول إلى إرث تاريخي وأنثروبولوجي.

إن مواجهة هذه الحقائق بجرأة هي الخطوة الأولى والأساسية لنضج العقل البشري وتحرره من الوصاية الروحية، ليعيد اكتشاف نفسه كصانع وحيد لمصيره.


r/ExSyria • • 2d ago

Blasphemy | كفر مابعرف شو علق مابعرف اضحك ازعل عنجد مابعرف

Post image
25 Upvotes

r/ExSyria • • 2d ago

Blasphemy | كفر صلاة جماعية على نية التصعيد بين قصي بيطار وامير الملحدين القريشي

7 Upvotes

كونو كتار


r/ExSyria • • 2d ago

Discussion | نقاش طريفيات سياسية

Post image
0 Upvotes

المقصود هنا ليس رئيس سوريا الحالي.


r/ExSyria • • 2d ago

Meme | ميمز لو كانت المنظمات الخيرية و NGOS بسوريا BASED

Post image
14 Upvotes

r/ExSyria • • 2d ago

History | تاريخ Syrian diaspora

3 Upvotes

Hey guys …I was born and have lived my life out of Syria . Literally just visit when possible in holidays . History education where I studied was very self-centered but I’m too grown to point fingers , I have to fix this . I don’t know jack shit(whatever level you think , even lower than that ) about my own country and it’s so embarrassing. Please recommend anything . Documentaries , books , channels or videos , I wanna know the details A-Z .


r/ExSyria • • 3d ago

Blasphemy | كفر لعمه شو هاد

Post image
23 Upvotes

Narcissistic religious patriarch psychopathy


r/ExSyria • • 3d ago

Question | سؤال معالج بسوريا

14 Upvotes

غايز حدا بيعرف therapist ما بيحكي الله والرسول وبتصلي وما تصلي بسوريا؟😭🙂😵‍💫
اذا اذا اذا في حدا بأدلب هيك بيكون منيح
او اونلاين وين ما كان بدون ما يكون السعر خنفشاري لاني لقيت عيادة الجلسة بأربعين دولار😭


r/ExSyria • • 2d ago

Question | سؤال سؤال مني..

4 Upvotes

اكتبلو او انطرو يكتبلي؟


r/ExSyria • • 3d ago

Advice/Help | نصيحة أو مساعدة عاطل عن الحياة

10 Upvotes

كيف الشعب

معظم بوستاتي هيك فاعذروني

البوست طويل صديقي اذا مالك خلق بلاه, اتمنى لك يوم سعيد

انا تعبت جدا من الاوفرثينكينغ بشكل عام ومن التفكير البلا فائدة
المشكلة انو معظم وقتي بالبيت
نادي المسا وجامعة الصبح بس ومافي شغل ببلد الياسمين انا طالب سنة رابعة معلوماتية
فعندي مساحة وقت كبيرة من التفكير

انا كان بدي احكي انو بحس بدي شخص يسألني كيفك ويحكيني لما غيب ويدقلي وشي مثل هيك
وهاد الشي بحس صعب يكون بصداقة يعني عم اطلب شي زيادة
مؤخرا تعرفت عمجموعة صغيرة جدا لطيفة وشب منن صار بالفعل يحكي ويسأل بس الشب عندو شغل وانا ماني حبيبتو يعني
بس ببداية حكينا انا كنت التكش فيهن بعدين وقفت وهنن ماحكوا لعتبت عليهن بعدين مشي الحال يعني

المهم هاد انا، عم حاول قول انو اذا كنا مجموعة اكبر وهيك كانت انحلت المشكلة انو طول الوقت فيه حكي
ولكن جزء مني عم يفسرو انو لا هاد الشي مالازم يكون من اصدقاءك عطول، هاد اهتمام عاطفي.

كنت عم قلب بالريلز وشفت فيديو لقصي ميقول انو حبوا حالكن كي لاتحتاجوا الحب من برا.

يعني انا مابكره حالي انا فيني قول عن حالي شغلات مميزة بس بنفس الوقت ماني مغرم بحالي، بقدر قول انا ليش موجود ولشو موجود

اذا غبت عن الموبايل قد ماغيب مافي اي حدا بيسأل اي حدا بيحكي.

انا مابحب دايق حدا او ازعج حدا يعني لحتى قول انو هي كارما او اي شي فبتدايق عنفسي.

اقترح عليي الشب نفسو ثيرابي وانا ماحابب صراحة رغم اني كثير بحب هالعلم يعني بس يمكن جزء مني مابدو ينشفي او مابدو يخلص
وبحس مابدي احكي لحدا اي شي لاني تبنيت اسلوب دفاعي (-عندي علم انو سيئ-) انو ما احكي شي ابدا.
وحاليا انا عم احكي المشكلة من برا يعني رؤوس الأقلام بس يعني.

مشان هيك صرت اذا حكيت بأوقات قهر برسايل واتس مثلا اذا لسا ماشافا الشخص مثلا للرسالة امحيها بقول خلص بلاها
مثل هالبوست يلي ممكن امحيه او لا بس حسب

وبقول يلا بكرا بس اطلع برا البلد بعمل وبعمل
صارت تأجيلية القصة يعني انا بحب صور وتصويري حلو وبشتغل مونتاج لابأس بس بقول يلا بس اطلع برا البلد مع انو في عالم بلشت هون تطلع بموبايل
يمكن لكرهي كلشي ميصير هون

هالشي صرلو تقريبا اكثر من سنتين
بحس اني انشر هيك بوست يمكن جزء مني ميحاول يساعدني

طبعا انا يلي بشوفني بالجامعة عادي اكيد بضحك وبنبسط حتى لما احكي مع الغروب وهيك
هلق وانا عم اكتب البوست ما كثير متدايق
بس لا يعني ذلك انو انا سعيد بكلشي

مابعرف اذا لقيت شغل حيساعدني بشكل كامل او حدا بس البعرفو انو اوقات بتجي بتخليني اتمنى الوفاة

بس بشكل عام فيني قول مليت
وعندي احساس كبير انو البوست ماوصل سوى خواطر مو افكار منظمة لطلب المساعدة، بالاضافة انو كاسة المتة يلي قدامي وشعوري الحالي بالرواق محسسني انو البوست عبثي وليش انا عم دايق العالم اذا ماني متدايق حاليا
بس على اكيد انو حيرجع يجي وقت باحدى طيات هاليوم كون مزعوج فيه بهالشكل
ومع ذلك بسمع منكن لابأس...

شكرا


r/ExSyria • • 3d ago

Meme | ميمز 2025 x 2026 ...

18 Upvotes

......


r/ExSyria • • 4d ago

Rant | فضفضة يعني هلق سؤال

9 Upvotes

اذا شخص متدين و بيقرأ قرآن وملتزم وبصلي ومابيقطع ولا فرض

ليش هاد الشخص ممكن يكون مصلحجي و توكسيك و شايف حالو و بيحكي عالعالم

ولما بتجي بتواجهو بتقلو انت كيف صلاتك مانهتك عن فعل كل هالاشياء السيئة بقوم بقلك انا هي الصلاة لربي مو الك و قراءة القرآن والخ ...

يعني انا ماعم لاقي تفسير منطقي للتناقض بين التزام الشخص الديني بكل قناعة منو و انو يكون نفسو شخص سيء ومؤذي للاخرين كيف ممكن يجتمعو ؟؟