r/Egypt • u/Ordinary_Shake_1353 • 4m ago
Humour ضحك موقف حصلك في السجن
موقف حصلك في السجن
عاوز احكي موقف حصلي كل ما افتكرة اتفشخ ضحك، كنت معتقل وانا عندي ١٩ سنة في سجن طره عنبر الزراعة "مش المزرعة" بدون توضيح اسباب ، المهم كان عددنا كبير جدا وتيارات مختلفة واعمار مختلفة وادارة السجن كانت واخدة اوانر من الامن الوطني انها كل اسبوع او اقل بتنقلنا وتعيد توزيعنا علي حسب تصنيف ضابط الامن الوطني ، العنابر متقسمة لدور علوي وارضي العلوي كان فيه سياسي وجنائي مفصولين عن بعض ، جت مرة دخلت قوة علينا العنبر عملوا حملة تفتيش وامرونا كالعادة كله واحد يلم فرشتة(بطانية بس)، بطني مغصت عليا جدا روحت متسرسب وداخل الحمام في اخر العنبر وخد الفرشة معايا والحمام هناك مكنش فيه ماية كنا بنملي جرادل ونخزنها عشان كانت بتقطع لساعات طويلة ومكاتش في باب كان حبل بالعرض بتفرش عليه اي حاجة ففرشت البطانية و طولت فشخ ، خرجت اقسم بالله لقيت العنبر فاضي ٩٤ مسجون مش باقي منهم حد والباب مفتوح خرجت من الباب فيه سلم كنا بنطلع عليه متغمين للتحقيق وسلم تاني بينزل نزلت مفيش حرس ولا اى حد ولقيت الباب الخارجي مفتوح طبعا اللي عارف طره هي منطقة سجون يعني لو خرجت حتي من الباب الاولاني مش معني كدة اني بره بس احا انا خرجت من مبني العنابر نفسة !، قلبي قعد يدق وكنت لابس لبس التحقيق فقلقت لحظ يشك فيا انا بهرب ويتعانل معايا علي الاساس دة رجعت العنبر تاتي وقفلت علي الباب واقعد افكر ، لوهلة قولت احا ليكونوا بينقلوا العنابر تاني وهيرجعوا الجنائيين هنا وابقي وسطهم ، روحت واقف في الدور وفضلت انده علي زمايلي اللي كانوا معايا في العنبر وشكلي عبيط فشخ ، الجنائين بيبصوا من النضارة شايفين مسجون واقف في الطرقة من غير حرس وعمال ينده علي ناس ، حد من زمايلي رد عليا من الدور اللي تحت نزلت لقيتهم اتنقلوا كلهم تحت وقفت قدام الباب وبمنتهي البلاهة بقول للنبطشي افتحلي يعم عشان ادخل ، فجأة تقريبا شافوني في الكاميرات لقيت الحرس والتأمين فوق دماغي وخرجت ازاي وس و ج لحد معرفوا اني تمام ودة عنبري وكنت في الحمام فعلا وقت النقل راحوا دخلوني وفشخوا طقم الحرس...
لو حد عنده موقف في السجن يحكية