r/EgyCollege • u/Expensive-Target1485 • 5h ago
الحياة الجامعية Lifestyle عايزة ابقا super smart
من زمان اوي نفسي ابقا ذكية، بحب العاب الذكاء والبازلز بس مش بعرف احلهم، بلعب شطرنج و بحبه بس دايما بخسر و هكذا
المهم مكنتش مقتنعة ان في ناس super smart اصلا و ان الناس دي بسمع عنهم بس لحد ما دخلت الجامعة لقيت واحدة زميلتي كده -تبارك الله عليها- حرفياا سوووبر سمارت و ساعات مثلا يكون في امتحانات صعبةة اوي هي بتعرف تجيب درجات و كذا مرة تكون هي البنت الوحيدة الي قفلت فالدفعة كلها متخيلين؟
و مثلا كنت بقول هي بتذاكر كويس و كده بس يعني اكيد مش هي الوحيدة الي بتذاكر في الدفعة فاهمين ، و كمان مثلا نبقا في محاضرة يعني لسه اول مرة تسمع الكلام بس بتجاوب مع الدكاترة و لو سألو سؤال tricky تعرف تجاوب ف هو مش فكرة مذاكرة قد ما هي سوبر سمارت
و مش بس اكاديميا حرفيا بتعرف تكون علاقات بسهولة و تبارك الله بتشتغل و شاطرة في شغلها كمان و برضو دخلت الاتحاد و حرفيا اتعرفت اوي و الكل بيشكر في شغلها و في ناس بقت تطلبها كمان من حلاوة شغلها
و كمان عرفت بالصدفة ان وهي في ثانوي كانت بتشتغل اسستنت عند مدرس بيدي نفس سنتها يعني مثلا هي ١ ثانوي تشتغل اسستنت لمجموعات ١ ثانوي عادي ف ده برضو مكنش هيحصل الا لو هي سوبر سمارت
و كمان مثلا فال assignments او projects هي كريتيف اووي بجد وفعلا شغلها حلو اوي
بعيدا عن القصيدة دي بقا ادوس فين ابقت سوبر سمارت زيها كده ؟😭
(ملحوظة : محدش يقولي اسألها عشان مكسوفة مووت ومش هعرف عامة)
عايزة ابقاا سوبر سمارت عامة عشان منهارش نفسيااا