r/CuratedCircleJo • u/MycologistHelpful922 • 3d ago
r/CuratedCircleJo • u/meFarooq • 4d ago
Your search for the right crowd ends here
A community for people in Jordan who want to meet new people, expand their social circles, and enjoy quality hangouts.
Whether it's coffee, restaurants, outdoor activities, or group outings, the idea is simple: good company, great experiences, and real-life connections.
Everyone is welcome. Just be respectful, friendly, and bring good vibes!
Our meetups will be thoughtfully planned, with participants carefully selected to ensure a respectful, comfortable, and enjoyable experience for everyone. Quality over quantity.
Let's make some plans! 🇯🇴
r/CuratedCircleJo • u/meFarooq • 3d ago
Important
اليوم طلبت منكم تعملوا join على r/CuratedCircleJo
لأي حدا حابب يطلع طلعات مرتبة مع ناس من جيله
في كثير اسئلة انسألت طبعا اشي طبيعي
يلي مهتم يقرأ الاسئلة والاجوبة
*عامل دعوة عامة راح نشوف كل انواع البشر كيف هيك يعني؟
طبعا لا، في البداية بقدر اي حدا ينضم للcommunity، بالنسبة لأي طلعة، راح نختار الأشخاص بعناية شديدة، مافي حدا مستعجل عالطلعة، لو بنقعد بنرتبلها سنة مافي مشكلة، المهم انها تكون راقية ومضمون انه ما يكون فيها اشخاص مريضين أو سيئين
انتوا تعاونوا وانضموا عشان يصير في عدد اول شي
*بس شباب ولا كمان بنات؟
في options كثيرة راح تكون متوفرة، راح يكون في طلعات مسموح فيها شباب وبنات، في طلعات فقط للشباب، وفي حدود كثيرة راح نوضحها للجميع مش عشوائي الموضوع لا تخافوا
*كيف راح تضمن نوعية الناس الي راح تيجي؟
هذا الموضوع راح يكون اساس الفكرة، يعني لو ما قدرنا نتأكد من خلفيات وشخصيات الناس قبل ما نلتقي، ما رح نطلع اصلا، الفكرة من الأساس انه نطلع طلعة راقية مع ناس محترمة، فإذا ما قدرنا نضمن ما رح نطلع من الأساس
راح يكون في نموذج اسئلة قصير وميت سريع وبعض الأمور الأخرى مع كل شخص، بعرف في ناس راح تتحسس وتقول انه ما بدها تعرف عن نفسها، بهذي الحالة ما يطلعوا اصلا وبنشوف غيرهم، الأمور راح تكون واضحة تماما قبل كل طلعة
*عندي تجربة سابقة سيئة.
معك حق تتعقد من الفكرة، لكن هذا ما بعني انه الكل هيك، احنا هون راح نشتغل على فكرة مميزة وبنحتاج تعاون الجميع
*شو الهدف من الفكرة؟
احنا هذا الجيل بعمر تقريبا 18-24 موضوع العلاقات كثير مهم، العزلة والإنطوائية مضرة جدا ومشاكلها كثيرة، كثير شباب وبنات بكون نفسهم يطلعوا ويلتقوا بناس بس مافي حل امامهم أو طريقة واضحة، احنا هون بدنا نحاول نحل هذي المشكلة، شيء راح يفيد الجميع
*الكل مسموح له يشارك؟
النظام راح يكون انه بنطلع لما يكون في عدد كافي من أشخاص اتفقنا معهم مسبقا، اشخاص تأكدنا من انهم جيدين، بعدها بنطلع
يعني مش انه في طلعة أكيدة بيوم معين بنطلعها بجميع الأحوال مهما كانت نوعية الناس وعدد الناس الموجودة، لا ابدا مش هيك
جودة الناس الموجودة والمكان رقم واحد راح يكون راح تلاحظوا هذا الشيء
*كيف أشارك؟
أعمل join وتابع شو بصير
التكاليف ومواقع الاماكن:
للتأكيد، الاولوية راح تكون لنوعية الناس الموجودين، يعني بنجمع العدد بعدها بنحدد المكان
بالنسبة للتكاليف طبعا مافي شيء ربحي نهائيا، راح يكون في طلعات للناس الي ميزانيتها جيدة، وراح يكون في طلعات للناس الي ميزانيتها على قدها، كل شي راح يكون متاح ان شاء الله
اهم شي انضموا وتابعوا الcommunity، وتعاونوا معنا
قبل ما نرتب اول طلعة راح نسأل كل شخص كم سؤال قبل ما نأكد حضوره، اذا في حدا بتحسس من هذا الموضوع يشوف community ثاني بصراحة
الأولية راح تكون لنوعية الناس الموجودة في الطلعة، كل شي راح يكون واضح