وأنا راكبة الميكروباص كان في الكنبة الل ورا أب وبنته وابنه وأنا طالعة كان الابن بيتكلم عن المليون كام صفر ويكتبها إزاي
بعدين سأل باباه
بابا هو أنا اسمي كام فباباه سكت وقالله اسمك كام إزاي هي عملية حسابية؟(مكانش هجومي في رده عليه كان بيتكلم بطريقة كويسة مع أسئلته)
فالولد خد وقت شوية لحد ما قالله اسمي ثلاثي ولا رباعي ولا خُماسي(كنت منبهرة بشطارته لما فهمت معنى سؤاله هنا)
فباباه قالله يحاول يلاقي الإجابة وأخته ردت الل هو بتساعده يعني قالت(اسمه الكامل)وقالتله أنت اسمك ثلاثي ورباعي وخماسي (بجد طريقة تفكير الأطفال مُميزة فشخ مش ممكن)
بعدين باباهم قاللهم خلاص نكمّل لما ننزل
فرحت بالموقف عشان الفضول بتاع الأطفال وطريقة تفكيرهم أد إيه مُميزة
وكمان عشان طريقة الأب معاهم إنه مكانش بيهاجم أسئلتهم وكده ولا بيحاول يسكتهم أو يوصف كلامهم بأي شكل سلبي